Yohane 13:33 - BAIBLO ALOO NGMAMI KLƆUKLƆU Ɔ

³³ Ye bimɛ, be nɛ i kɛ nyɛ maa hi si kɛ yaa si ɔ pi saasaa. Nyɛ ma hla mi, se kaa bɔ nɛ i de Yuda ma nimeli ɔmɛ ɔ, ‘He nɛ i yaa a, nyɛ be nyɛe maa ba.’

Somi He Ɔ

³³ Bimɛ tsɔwi, be bɔɔ kɛkɛ e piɛ nɛ i kɛ nyɛ maa hi si; nyɛ ma hla mi, nɛ bɔ nɛ i de Yudafo ɔmɛ ke: ‘He nɛ i yaa a, nyɛɛ lɛɛ nyɛ be lejɛ ɔ nyɛe maa bɛ’ a, jã i ngɛ nyɛ hu dee jeha nɛ ɔ nɛ.

Yohane 13:33 ပူးပေါင်းရင်းမြစ်များ

1 Yohane 2:1

Ye bimɛ tsɔwi, i ngɛ nyɛ womi nɛ ɔ ngmae, konɛ nyɛ ko pee yayami. Se ke nɔ ko pee yayami pohu ɔ, wa ngɛ nɔ nɛ daa mi kɛ haa wɔ ngɛ Tsɛ ɔ ngɔ. Lɛ ji Yesu Kristo, nɔ nɛ peeɔ nɔ́ nɛ da a.

Yohane 14:19

E piɛ bɔɔ pɛ nɛ je ɔ be mi nae hu; se nyɛɛ lɛɛ nyɛ maa na mi. Nɛ akɛnɛ i ngɛ wami mi ɔ, nyɛ hu nyɛ maa hi wami mi.

1 Yohane 5:21

Ye bimɛ nɛ i suɔ! Nyɛɛ hyɛ nyɛ he nɛ hi ngɛ amagahi a he!

1 Yohane 4:4

Bimɛ tsɔwi, nyɛɛ lɛɛ Mawu níhi ji nyɛ, nɛ nyɛ ye lakpa gbali ɔmɛ a nɔ kunimi. Ejakaa mumi nɛ ngɛ nyɛ mi ɔ, e he wa kulaa pe mumi nɛ ngɛ ni nɛmɛ nɛ a kɛ je ɔ ngɛ bɔe ɔ a mi.

Galatabi 4:19

Ye bimɛ nɛ i suɔ, nyɛɛ hyɛ bɔ nɛ i ngɛ haoe ngɛ nyɛ he ekohu kaa yo nɛ nu kɔɔmi, hluu kɛ yaa su be nɛ a maa na subai nɛ ngɛ Kristo mi ɔ ngɛ nyɛ mi.

Yohane 7:36

E de ke, wa ma hla lɛ, se wa be lɛ nae; nɛ he nɛ e yaa hu, wa be nyɛe maa ya. Kɛ e ngɛ tsɔɔe kɛɛ?”

Yohane 13:36

Simon Petro bi lɛ ke, “Nyɔmtsɛ, jije po o yaa?” Yesu he nɔ ke, “He nɛ i yaa a, amlɔ nɛ ɔ lɛɛ o be ye se nyɛe maa nyɛɛ; se pee se ɔ, o ma ba nyɛɛ ye se.”

Yohane 14:2

Sihi hehi babauu ngɛ Tsaatsɛ we ɔ; ke pi ja a, jinɛ i de nyɛ momo, ejakaa i yaa nɛ ma ya dla he ko ngɔ to nyɛ.