Yohane 13:3 - BAIBLO ALOO NGMAMI KLƆUKLƆU Ɔ

³ Yesu nitsɛ le kaa Tsɛ ɔ ha lɛ he wami tsuo nɛ e kɛ pee nɔ́ tsuaa nɔ́. E le hu kaa Mawu ngɔ nɛ e je kɛ ba, nɛ Mawu ngɔ nɔuu e kpale kɛ yaa.

Somi He Ɔ

³ Nɛ Yesu le kaa Tsɛ ɔ tu nihi tsuo kulaa ngɔ wo e dɛ, nɛ kaa Mawu ngɔ e je nɛ e kpale yaa Mawu ngɔ ɔ,

Yohane 13:3 ပူးပေါင်းရင်းမြစ်များ

Yohane 3:35

Tsɛ ɔ suɔ e Bi ɔ, nɛ e tu nihi tsuo ngɔ wo e dɛ mi.

Mateo 11:27

“Tsaatsɛ tu níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ pɛ; nɔ ko nɔ ko li Tsɛ ɔ, ja Bi ɔ kɛkɛ, kɛ nihi nɛ Bi ɔ suɔ kaa e maa tsɔɔ mɛ Tsɛ ɔ.

Hebribi 1:2

se mwɔnɛmwɔnɛ ɔ lɛɛ e Bi ɔ nɔ e gu nɛ e kɛ wɔ tu munyu. Lɛ nɔuu e nɔ Mawu gu kɛ bɔ je ɔ kɛ e mi ní tsuo, nɛ lɛ nɛ Mawu hla kaa e ye e ní tsuo.

Yohane 17:2

Ejakaa o ha mi he wami nɛ ma ye adesahi tsuo a nɔ, konɛ nihi tsuo nɛ o tu ngɔ wo ye dɛ mi ɔ, ma ha nɛ a na neneene wami.

Yohane 8:42

Yesu de mɛ ke, “Mawu ji nyɛ Tsɛ niinɛ jinɛ nyɛ maa suɔ mi, ejakaa Mawu nɛ tsɔ mi; se pi imi nitsɛ ye yi mi nɛ i to kɛ ba. Mawu ngɔ nɛ i je kɛ ba nyɛ ngɔ.

Mateo 28:18

Yesu hɛ lɛ kɛ su a he, nɛ e de mɛ ke, “A ha mi he blɔ ngɛ níhi tsuo nɛ ngɛ hiɔwe kɛ zugba a nɔ.

1 Korintobi 15:27

Ngmami ɔ ke, “Mawu ngɔ níhi tsuo ngɔ wo e nane si.” Se e fɔɔ si paa kaa munyu “níhi tsuo” ɔ tsɔɔ we kaa lɛ Mawu ɔ nitsɛ nɛ e ngɔ níhi tsuo ngɔ wo Kristo nane si ɔ hu piɛ he.

Ni Tsumi 2:36

“Lɔ ɔ he ɔ, Israel bi tsuo nɛ́ a na nɛ a le kaa Yesu ɔ nɛ nyɛ sɛu ɔ, Mawu ngɔ lɛ ngɔ pee Nyɔmtsɛ, kɛ nɔ nɛ lɛ nitsɛ e hla!”

Yohane 13:1

Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Yohane 7:33

Yesu de mɛ ke, “E piɛ be bɔɔ pɛ nɛ i kɛ nyɛ maa hi si, kɛkɛ ma kpale kɛ ho nɔ nɛ tsɔ mi ɔ ngɔ ya.

Yohane 7:29

Imi lɛɛ i le lɛ, ejakaa e ngɔ nɛ i je, nɛ lɛ ji nɔ nɛ tsɔ mi.”

Yohane 3:13

Nɔ ko yɛ hiɔwe gblee kaa ja Nɔmlɔ Bi ɔ, nɔ nɛ je hiɔwe kple si kɛ ba a.”

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Luka 10:22

“Tsaatsɛ ngɔ níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ, nɛ nɔ ko nɔ ko li Tsɛ ɔ, ja Bi ɔ, kɛ ni nɛmɛ nɛ Bi ɔ suɔ kaa e maa tsɔɔ mɛ Tsɛ ɔ.”

Yohane 8:14

Yesu he nɔ ke, “E ngɛ mi mohu kaa imi nitsɛ i ngɛ ye he odase yee lɛɛ, se ye odase ɔ ngɛ mi, ejakaa i le he nɛ i je, kɛ he nɛ i yaa. Nyɛɛ lɛɛ nyɛ li he nɛ i je kɛ ba; nɛ he nɛ i yaa hu nyɛ li.