Yohane 13:27 - BAIBLO ALOO NGMAMI KLƆUKLƆU Ɔ

²⁷ Amlɔ nɔuu nɛ Yuda sɔle abolo ɔ, Abosiami sɛ e mi. Yesu de lɛ ke, “Nɔ nɛ o ngɛ pee ɔ, pee esɔ.”

Somi He Ɔ

²⁷ Nɛ nyamiwo bɔ ɔ se pɛ nɛ Satan sɛ e mi. Jeha nɛ ɔ Yesu de lɛ ke: “Nɔ́ nɛ o ngɛ pee ɔ, pee nɛ e sɔ!”

Yohane 13:27 ပူးပေါင်းရင်းမြစ်များ

Luka 22:3

Abosiami ba sɛ ni nyɔngma kɛ enyɔ ɔmɛ a ti nɔ kake nɛ a tsɛɛ Yuda a mi. Yuda biɛ kpa ji Iskariot.

Yohane 13:2

Gbɔkuɛ, benɛ Yesu kɛ e kaseli ɔmɛ ba bua kɛ ngɛ ní yee ɔ, jamɛ a be ɔ, Abosiami wo Simon Iskariot bi Yuda yi mi momo kaa e tsɔɔ Yesu se blɔ.

Ni Tsumi 5:3

Kɛkɛ nɛ Petro de lɛ ke, “Anania, mɛni he je Satan ba sɛ o mi nɛ o ye Mumi Klɔuklɔu ɔ lakpa kikɛ nɛ ɔ? Sika nɛ o na benɛ o jua zugba a, o ngɔ fa ngɔ to, pi jã?

Mateo 12:45

Kɛkɛ ɔ, e yaa nɛ e ya ngɔɔ mumi kpa kpaago kɛ baa, nɛ e kɛ mɛ ba hii lejɛ ɔ. Mumi yayamihi nɛ pe lɛ nitsɛ po ji mumi nɛ ɔmɛ. Nɔmlɔ nɛ ɔ nyagbe si himi ɔ ba peeɔ haomi kulaa pe sisije ɔ po. Yi nɔ nɛ ɔ bi yayami peeli nɛ ɔmɛ ɔ, nɔ́ nɛ maa ba mɛ hu a nɔ ji nɛ ɔ nɛ.”

Fiɛlɔ 9:3

Níhi nɛ dɛ ngɛ je nɛ ɔ mi ɔ, a kpɛti kake ji kaa haomi baa nihi tsuo a nɔ fiee nɛ slɔɔto be mi; dali jio, yayami peeli jio. Daa nɛ ɔ, yayami kɛ godo hyi nimli adesahi a tsui mi ngɛ je ɔ mi. Kɛkɛ a gbo tlukaa.

Abɛ Womi 1:16

A he sɔɔ kɛ yayami peemi; a he sɔɔ kɛ pueɔ muɔ si.

Daniel 2:15

bi Ariok nɔ́ nɛ he je nɛ matsɛ ɔ wo mlaa nɛ he wa kaa kikɛ nɛ ɔ. Kɛkɛ nɛ Ariok ba je munyu ɔ kpo.

Marko 6:25

Jokuɛ yo ɔ kpale kɛ ba matsɛ ɔ ngɔ amlɔ nɔuu nɛ e ba de lɛ ke, “I ngɛ hlae nɛ o ngɔ Yohane nɔ sɔlelɔ ɔ yi ngɔ ha mi ngɛ sowe nɔ amlɔ nɔuu.”

La 109:6

A deɔ ke, ha nɛ yiwutsotsɛ ko kɛ lɛ nɛ to ní; lɛ nitsɛ e he nyɛlɔ nɛ ya po e nya ngɛ sane yemi he.

Matsɛmɛ I, 18:27

Piani ɔ, Eliya ye a he fɛu nɛ e de ke, “Nyɛ kpa wawɛɛ, ejakaa mawu ji lɛ! Eko piɔ, e ngɛ e yi mi susue, aloo e te si bɔɔ, aloo e hia blɔ, aloo be nɛ ɔ mi ɔ, e hwɔ mahe, konɛ nyɛɛ tsɛ̃ɛ̃ lɛ!”

Mateo 4:10

Kɛkɛ nɛ Yesu de lɛ ke, “Satan, jee hiɛmɛ nɛ ɔ! Ngmami ɔ ke, ‘Ja Nyɔmtsɛ o Mawu ɔ, nɛ o sɔmɔ lɛ pɛ!’ ”

Yohane 6:70

Yesu bi mɛ ke, “Anɛ pi imi nɛ i hla nyɛ ni nyɔngma kɛ enyɔ ɔmɛ lo? Lɛ kɛ pee kɛɛ nɛ nyɛ ti nɔ kake peeɔ Abosiami ɔ?”

Yohane 13:28

Se ni nɛmɛ nɛ hii si ngɛ okplɔɔ ɔ he ɔ, a ti nɔ ko nɔ ko li nɔ́ nɛ he nɛ Yesu de lɛ enɛ ɔ.