Yohane 13:21 - BAIBLO ALOO NGMAMI KLƆUKLƆU Ɔ

²¹ Benɛ Yesu de ní nɛ ɔmɛ ɔ, e hao wawɛɛ ngɛ mumi mi; nɛ e gba mi kpoo nɛ e de ke, “I ngɛ nyɛ dee anɔkuale mi ke, nyɛ ti nɔ kake maa tsɔɔ ye se blɔ.”

Somi He Ɔ

²¹ Benɛ e de ni nɛ ɔmɛ ɔ, e hao ngɛ mumi mi, nɛ e gba mi kpoo nɛ e de ke: “I ngɛ nyɛ dee anɔkuale mi ke: Nyɛ ti nɔ kake maa tsɔɔ ye se blɔ.”

Yohane 13:21 ပူးပေါင်းရင်းမြစ်များ

Mateo 26:21

Benɛ a ngɛ ní ɔ yee ɔ, Yesu de ke, “Niinɛ, i ngɛ nyɛ dee ke, nyɛ ti nɔ kake maa tsɔɔ ye se blɔ.”

Mateo 26:38

nɛ e de mɛ ke, “Aywilɛho nɛ nya wa miɔ nɛ e maa gbe mi; nyɛɛ hi si ngɛ hiɛ ɔ nɛ nyɛɛ kɛ mi nɛ fɔ nyɔ.”

Marko 14:18

Benɛ a hii si nɛ a ngɛ ní yee ɔ, Yesu de ke, “I ngɛ nyɛ dee anɔkuale mi ke, Nyɛ ti nɔ kake maa tsɔɔ ye se blɔ; jamɛ a nɔ ɔ kɛ mi ngɛ ní yee.”

Marko 3:5

Yesu kɛ abofu hyɛ a hɛ mi kɛ kpe; e dɔ lɛ kaa a tsui wa kikɛ nɛ ɔ. Kɛkɛ nɛ e de nyumu ɔ ke, “Kpã o nine mi!” E pee ja; nɛ a tsa e nine ɔ.

Yohane 11:33

Yesu na kaa Maria ngɛ ya foe; nɛ jehanɛ ɔ, bɔ nɛ Yuda bi ɔmɛ nɛ piɛ Maria he ɔ hu ngɛ ya foe ɔ ha Yesu hao ngɛ mumi mi.

Yohane 11:35

Yesu fo ya.

Yohane 11:38

Yesu hao ngɛ mumi mi ekohu, nɛ e pue nɔ kɛ ho yɔkɔ ɔ he ya. Tɛ puɔ nɛ a ngɔ tɛ kɛ tsi nya ji yɔkɔ ɔ.

Yohane 12:27

Yesu de ke, “Jehanɛ lɛɛ ye mumi ngɛ haoe ngɛ ye mi, nɛ i li nɔ nɛ ma de. Anɛ ma de Tsaatsɛ nɛ e tsi amanehlu nɛ ɔ nya nɛ e ko ba ye nɔ lo? Dɛbi! Lɔ ɔ nɔuu he nɛ i ba, konɛ ma ba gblee be nɛ ɔ kɛ e mi nɔ́ nami kpetekpleenyɛ ɔ mi.

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Yohane 13:2

Gbɔkuɛ, benɛ Yesu kɛ e kaseli ɔmɛ ba bua kɛ ngɛ ní yee ɔ, jamɛ a be ɔ, Abosiami wo Simon Iskariot bi Yuda yi mi momo kaa e tsɔɔ Yesu se blɔ.

Yohane 13:22

E kaseli ɔmɛ pee yaa, nɛ a hyɛ a sibi a hɛ mi dii; ejakaa nɔ nɛ tutuutu he munyu nɛ e ngɛ tue ɔ, a li.

Ni Tsumi 17:16

Benɛ Paulo ngɛ Atene, nɛ e ngɛ Sila kɛ Timoteo blɔ hyɛe ɔ, e na amaga babauu ngɛ ma a mi, nɛ nɔ́ nɛ ɔ hao lɛ.

1 Yohane 2:19

Anɔkuale mi ɔ, pi wa kpɛti nɛ nimli nɛ ɔmɛ je; nɛ lɔ ɔ he je nɛ a si wɔ ɔ nɛ. Kaa wa kpɛti nɛ a je jinɛ a kɛ wɔ ko hi si. Se a si wɔ, bɔ nɛ pee nɛ e fɔ si paa kaa a ti nɔ ko nɔ ko kɛ wɔ bɔɛ.