Yohane 13:2 - BAIBLO ALOO NGMAMI KLƆUKLƆU Ɔ

² Gbɔkuɛ, benɛ Yesu kɛ e kaseli ɔmɛ ba bua kɛ ngɛ ní yee ɔ, jamɛ a be ɔ, Abosiami wo Simon Iskariot bi Yuda yi mi momo kaa e tsɔɔ Yesu se blɔ.

Somi He Ɔ

² Nɛ benɛ a ngɛ ni yee ɔ, blɔɔ abosiami ngɔ wo Yuda Iskariot, Simon bi ɔ, tsui mi momo kaa e tsɔɔ Yesu se blɔ.

Yohane 13:2 ပူးပေါင်းရင်းမြစ်များ

Ezra 7:27

Ezra la kɛ je Mawu yi ke, “Á je Yawɛ, wa nɛmɛ a Mawu ɔ yi. Lɛ nɛ e kɛ susumi kpakpa wo matsɛ ɔ yi mi kaa e pee nɔ́ ko kaa kikɛ nɛ ɔ kɛ wo Mawu we ɔ nɛ ngɛ Yerusalem ɔ hɛ mi nyami.

Nehemia 2:12

Se i de we nɔ ko nɔ ko nɔ́ nɛ Mawu ngɔ wo ye mi ke ma pee ɔ. Nyɔ mi kɔ̃kɔ̃ɔ̃kɔ̃ ɔ, i te si, nɛ i kɛ ye nyɛmimɛ ɔmɛ bɔɔ pɛ je kpo. Wa ngɔɛ lohwe ko kɛ yɛ, ja teji nɛ i hi nɔ ɔ pɛ.

Mateo 10:4

Simon (ma he doolɔ ɔ), kɛ Yuda Iskariot, nɔ nɛ ba tsɔɔ Yesu se blɔ ɔ.

Luka 22:3

Abosiami ba sɛ ni nyɔngma kɛ enyɔ ɔmɛ a ti nɔ kake nɛ a tsɛɛ Yuda a mi. Yuda biɛ kpa ji Iskariot.

Luka 22:31

“Simon, Simon! Bu tue! Mawu ha Abosiami blɔ ke e ka nyɛ, nɛ e je nimli kpakpa amɛ kɛ je nimli yayami ɔmɛ a kpɛti kaa bɔ nɛ ngmɔ hulɔ saa ngma mi ɔ.

Yohane 13:11

Yesu le nɔmlɔ nɛ maa tsɔɔ e se blɔ ɔ momo, lɔ ɔ he nɛ e de ke a he tsɔ se pi mɛ tsuo ɔ nɛ.

Yohane 13:4

Kɛkɛ nɛ Yesu te si ngɛ niye ní ɔ he; nɛ e je e tade klɔii ɔ ngɔ fɔ si, nɛ e ngɔ papahu kɛ muɔ e mlɛ mi.

Ni Tsumi 5:3

Kɛkɛ nɛ Petro de lɛ ke, “Anania, mɛni he je Satan ba sɛ o mi nɛ o ye Mumi Klɔuklɔu ɔ lakpa kikɛ nɛ ɔ? Sika nɛ o na benɛ o jua zugba a, o ngɔ fa ngɔ to, pi jã?

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

Efesobi 2:3

Niinɛ, sa a, wɔ tsuo pɛpɛɛpɛ wa ngɛ kaa mɛ; nɛ akɔnɔ yaya nɛ ngɛ wa mi ɔ jeɔ kpo ngɛ wa ní peemi níhi a mi. Níhi nɛ wa nɔmlɔ tso ɔ, kɛ wa juɛmi suɔ ɔ, lɔ ɔmɛ wa peeɔ. Akɛnɛ adesa kɛkɛ ji wɔ kaa bɔ nɛ nihi tsuo ngɛ ɔ, e fɔɔ si paa kaa Mawu maa gbla wa tue. Mawu mi mi fu wɔ kaa bɔ nɛ e mi mi fu adesahi tsuo ɔ, ejakaa wa pee yayami kɛ si lɛ.

Kpojemi 17:17

Matsɛmɛ nyɔngma amɛ nɛ a maa pee enɛ ɔ, ejakaa Mawu ha nɛ a to a yi mi kaa a pee nɔ́ nɛ e to kaa a pee ɔ. Lɔ ɔ he ɔ, mɛ tsuo a maa kplɛɛ kaa a maa ngɔ a tsɛ yemi blɔ nya a kɛ ha lohwe awi yelɔ ɔ kɛ yaa si yi mi nɛ Mawu to ɔ maa ba mi.