Yohane 13:19 - BAIBLO ALOO NGMAMI KLƆUKLƆU Ɔ

¹⁹ Nɔ́ nɛ maa ba a, i ngɛ nyɛ dee loko e ba mi, konɛ ke e ba mi ɔ, nyɛ he ye kaa ‘Imi ji nɔ nɛ i ji ɔ nɛ.’

Somi He Ɔ

¹⁹ Jeha nɛ ɔ i ngɛ nyɛ dee ngɔ to loko e ba mi, konɛ ke e ba mi ɔ nɛ nyɛɛ le kaa ami ʼi.

Yohane 13:19 ပူးပေါင်းရင်းမြစ်များ

Yesaya 41:23

Nyɛɛ gba níhi nɛ maa ba hwɔɔ se, kɛkɛ wa maa na kaa mawuhi ji nyɛ niinɛ! Nyɛɛ pee nɔ́ ko nɛ hi saminya, aloo nyɛ ha nɛ haomi ko nɛ ba; nyɛɛ pee nɔ́ ko nɛ maa wo wa he gbeye, loo nɔ́ ko nɛ maa pee wɔ nyakpɛ nɛ waa hyɛ!

Yesaya 43:10

“Israel ma, mo ji ye we odase. Imi ji nɔ nɛ hla mo, konɛ o pee ye tsɔlɔ, bɔ nɛ pee nɛ o le mi, o he ye nɔ nɛ o ye, nɛ o na nɛ o le kaa imi pɛ ji Mawu. Ye se ɔ, mawu kpa ko be hu, mawu kpa ko hi si hyɛ, nɛ eko be bae gblegbleegble.

Yesaya 48:5

Lɔ ɔ he ɔ, i gba nɔ́ nɛ maa ba nyɛ nɔ ɔ ngɔ to blema lokoo; i gba ní nɛ ɔmɛ ngɔ to loko á ba mi, bɔ nɛ pee nɛ nyɛ ko de ke nyɛ we amaga amɛ, níhi nɛ a kpɛ́, kɛ níhi nɛ a sɔ̃ ɔ nɛ a ha ní ɔmɛ ba mi.

Malaki 3:1

Yawɛ Tabohiatsɛ ɔ ke, “Ma tsɔ ye tsɔlɔ ɔ, nɛ e ma ya dla blɔ ngɔ to mi. Lɔ ɔ se ɔ, Nyɔmtsɛ ɔ nɛ nyɛ ngɛ blɔ hyɛe ɔ maa ba e we ɔ tlukaa. Tsɔlɔ ɔ nɛ nyɛ hla kaa nyɛ maa na a maa ba, nɛ e ma ba fiɛ ye somi ɔ.”

Mateo 11:3

ke, “Anɛ mo ji nɔ nɛ ma a, aloo waa hyɛ nɔ kpa blɔ?”

Mateo 24:25

Hyɛ, i ngɛ nyɛ enɛ ɔ dee loko be ɔ nɛ su.

Luka 21:13

Nɛ nɔ́ nɛ ɔ ma ha nyɛ he blɔ nɛ nyɛɛ kɛ maa ye odase.

Yohane 1:15

Yohane ye e he odase. E kɛ ngmlaa de ke, “Nɔmlɔ nɛ ɔ he munyu nɛ i tu ke, ‘Nɔ ko ma ngɛ ye se; se e pã mi, ejakaa e ngɛ loko i ngɛ’ ɔ nɛ.”

Yohane 14:29

I ngɛ nyɛ ní nɛ ɔmɛ dee ngɔ to loko a ba mi, bɔ nɛ pee nɛ ke a ba mi ɔ, nyɛ he ye.

Yohane 16:4

Se i ngɛ nyɛ ní nɛ ɔmɛ dee, konɛ ke be ɔ su ɔ, nyɛ kai kaa i wo nɔ ta de nyɛ. “Sisije ɔ, i de we nyɛ ní nɛ ɔmɛ, ejakaa i kɛ nyɛ ngɛ.

Yohane 4:26

Yesu he nɔ ke, “Imi nɛ i kɛ mo ngɛ munyu ɔ tue ɔ, imi ji Mesia a nɛ.”

Yohane 8:28

Jehanɛ e de mɛ ke, “Ke nyɛ ná wo Nɔmlɔ Bi ɔ nɔ ɔ, nyɛ maa le kaa imi ji nɔ nɛ i ji ɔ. Kɛkɛ ɔ, nyɛ maa le kaa i to we imi nitsɛ ye yi mi kɛ tsu we nɔ́ ko gblegbleegble. Mohu nɔ́ nɛ Tsɛ ɔ tsɔɔ mi ɔ, lɔ ɔ pɛ i deɔ.

Yohane 8:58

Yesu he nɔ ke, “I ngɛ nyɛ dee anɔkuale mi ke i ngɛ loko a fɔ Abraham.”