Yohane 13:18 - BAIBLO ALOO NGMAMI KLƆUKLƆU Ɔ

¹⁸ “Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Somi He Ɔ

¹⁸ “Pi nyɛ tsuo nyɛ he munyu nɛ i ngɛ tue ɔ; imi lɛɛ i le nihi nɛ i hla; se mohu benɛ pee nɛ nɔ́ nɛ a ngma a nɛ ba mi ke: Nɔ nɛ yeɔ ye dɛ mi abolo ɔ, e wo e nane seja nɔ ngɔ si mi.

Yohane 13:18 ပူးပေါင်းရင်းမြစ်များ

La 41:9

Ye huɛ nitsɛnitsɛ nɛ i heɔ lɛ yeɔ, nɛ i kɛ lɛ yeɔ ní ɔ, lɛ po e te si wo mi.

Yeremia 41:2

Ishmael kɛ nyumuhi nyɔngma nɛ piɛ e he ɔ hia klaate wo Gedalia he, nɛ a gbe lɛ.

Mateo 10:36

Nɔ nitsɛ e we mi bimɛ ma plɛ e he nyɛli.

Mateo 26:21

Benɛ a ngɛ ní ɔ yee ɔ, Yesu de ke, “Niinɛ, i ngɛ nyɛ dee ke, nyɛ ti nɔ kake maa tsɔɔ ye se blɔ.”

Mateo 26:23

Yesu he nɔ ke, “Nɔ nɛ maa tsɔɔ ye se blɔ ɔ, e kɛ mi ngɛ ní yee ngɛ kaa nɛ ɔ mi.

Marko 14:17

Gbɔkuɛ ɔ, Yesu kɛ e kaseli nyɔngma kɛ enyɔ ɔmɛ ba lejɛ ɔ.

Marko 14:18

Benɛ a hii si nɛ a ngɛ ní yee ɔ, Yesu de ke, “I ngɛ nyɛ dee anɔkuale mi ke, Nyɛ ti nɔ kake maa tsɔɔ ye se blɔ; jamɛ a nɔ ɔ kɛ mi ngɛ ní yee.”

Marko 14:20

Yesu he nɔ ke, “Nyɛ ni nyɔngma kɛ enyɔ nɛ ɔmɛ nyɛ kpɛti nɔ kake; jamɛ a nɔ ɔ kɛ mi ngɛ ní yee ngɛ ka nɛ ɔ mi.

Luka 22:21

“Se hyɛ! Nɔ nɛ maa tsɔɔ ye se blɔ ɔ kɛ mi ngɛ ní yee ngɛ hiɛ ɔ!

Yohane 13:21

Benɛ Yesu de ní nɛ ɔmɛ ɔ, e hao wawɛɛ ngɛ mumi mi; nɛ e gba mi kpoo nɛ e de ke, “I ngɛ nyɛ dee anɔkuale mi ke, nyɛ ti nɔ kake maa tsɔɔ ye se blɔ.”

Yohane 13:22

E kaseli ɔmɛ pee yaa, nɛ a hyɛ a sibi a hɛ mi dii; ejakaa nɔ nɛ tutuutu he munyu nɛ e ngɛ tue ɔ, a li.

Yohane 13:26

Yesu he nɔ ke, “Ma ngɔ abolo kɛ sɔ flɔɔ ɔ mi; nɛ nɔ nɛ dɛ mi nɛ ma ngɔ wo ɔ, lɛ ji jamɛatsɛ ɔ nɛ.” Kɛkɛ nɛ e kɛ̃ abolo popoe, nɛ e ngɔ sɔ flɔɔ ɔ mi; nɛ e kɛ ha Yuda, Simon Iskariot bi ɔ.

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Yohane 15:19

Kaa je ɔ mi bi ji nyɛ ɔ, jinɛ a ko suɔ nyɛ sane saminya, ejakaa nyɛ piɛ a he. Se nyɛɛ lɛɛ i hla nyɛ kɛ je je ɔ mi, nɛ nyɛ pi je ɔ mi bi hu; lɔ ɔ he nɛ je ɔ ngɛ nyɛ nyɛe ɔ nɛ.

Yohane 15:25

Lɔ ɔ he ɔ, e sa nɛ e ba jã, konɛ nɔ́ nɛ a ngma ngɛ a mlaa a mi ke, ‘A nyɛ mi yaka gu’ ɔ nɛ ba mi.

Yohane 17:12

Benɛ i kɛ mɛ ngɛ ɔ, i bu a he kɛ he wami nɛ o ngɔ ha mi ɔ. A ti nɔ kake ngmelu hɛ mi kpataa we, lɛɛ ja nɔ nɛ a to kaa e hɛ mi nɛ kpata a, bɔ nɛ pee nɛ ngmami ɔ nɛ ba mi.

Yohane 18:32

A de enɛ ɔ, konɛ Yesu munyu nɛ e tu kɛ tsɔɔ gbenɔ nɛ e ma gbo ɔ nɛ ba mi.

Yohane 19:24

Lɔ ɔ he ɔ, ta buli ɔmɛ de a he ke, “Wa ko gba enɛ ɔ; mohu nyɛ ha waa fɔ̃ nɔ sɔ, konɛ waa na nɔ nɛ nɔ́ nɛ e maa pee.” Kɛkɛ ɔ, ngmami ɔ nɛ deɔ ke, “A dla ye tade ɔmɛ ngɔ ha a he; nɛ ye tade klɔii ɔ, a fɔ̃ nɔ sɔ” ɔ maa ba mi. Nɔ́ nɛ ta buli ɔmɛ pee ɔ ji nɛ ɔ nɛ.

Yohane 19:36

A pee enɛ ɔ, konɛ nɔ nɛ a ngma ke, “A be e wu ko kue” ɔ, nɛ ba mi.

Yohane 21:17

Jehanɛ Yesu kpale bi lɛ nɔ́ nɛ ji si etɛ ke, “Simon, Yohane bi, o suɔ mi lo?” E dɔ Petro kaa Yesu bi lɛ si etɛ sɔuu ke e suɔ lɛ lo. Lɔ ɔ he ɔ, e he nɔ ke, “Nyɔmtsɛ, mo nitsɛ o le nɔ́ tsuaa nɔ́; mo nitsɛ o le kaa i suɔ mo!” Yesu de lɛ ke, “Lɛɛ ye to ɔmɛ.

Yohane 6:70

Yesu bi mɛ ke, “Anɛ pi imi nɛ i hla nyɛ ni nyɔngma kɛ enyɔ ɔmɛ lo? Lɛ kɛ pee kɛɛ nɛ nyɛ ti nɔ kake peeɔ Abosiami ɔ?”

Ni Tsumi 1:16

“Ye nyɛmimɛ, Mumi Klɔuklɔu ɔ ba David nɔ be ko, nɛ e de nɔ́ ko ngɛ Yuda nɛ nyɛɛ nihi a hɛ mi ya nu Yesu ɔ he. Nɔ́ nɛ ngmami ɔ de ɔ, e sa kaa e ba mi.

Ni Tsumi 1:2

kɛ ya su ligbi nɛ a ngɔ lɛ kɛ ho hiɔwe ya. Loko a ngɔ lɛ kɛ ho hiɔwe ya a, e gu Mumi Klɔuklɔu ɔ nɔ nɛ e tsɔɔ bɔfohi nɛ e hla a mlaa nɛ a ye nɔ.

2 Korintobi 4:5

Ejakaa wa de we nɔ́ ko nɔ́ ko ngɛ wɔ nitsɛmɛ wa he; se mohu wa ngɛ fiɛe ke Yesu Kristo ji Nyɔmtsɛ. Wɔɔ lɛɛ Yesu he ɔ, nyɛ tsɔli ji wɔ.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.