Yohane 13:14 - BAIBLO ALOO NGMAMI KLƆUKLƆU Ɔ

¹⁴ Jehanɛ ɔ, imi nyɛ Nyɔmtsɛ, kɛ nyɛ Tsɔɔlɔ ɔ, ke i fɔ nyɛ nane he ɔ, e sa kaa nyɛ hu nyɛ fɔ nyɛ sibi a nane he.

Somi He Ɔ

¹⁴ Jeha nɛ ɔ, ke imi tsɔɔlɔ kɛ Nyɔmtsɛ ɔ, i fɔ nyɛ nane he ɔ, e sa kaa nyɛ hu nyɛ fɔɔ nyɛ sibi a nane he.

Yohane 13:14 ပူးပေါင်းရင်းမြစ်များ

Yohane 11:2

Lazaro nɛ ɔ, Maria nɛ ngɔ nu kɛ e he via kɛ pɔ Nyɔmtsɛ ɔ nane, nɛ e kɛ e yi bwɔmi tsu ɔ nyɛminyumu ji lɛ.

Ni Tsumi 20:35

I ngɔ ní nɛ ɔmɛ tsuo kɛ to nyɛ okadi kaa jã nɛ e sa kaa a tsu ní nɛ a kɛ ye bua nihi nɛ be he wami ɔ, konɛ nyɛ kai Nyɔmtsɛ Yesu munyu nɛ lɛ nitsɛ e tu ɔ. E de ke, ‘Gbaami ngɛ nɔ́ hami mi pe nɔ́ sɔlemi mi.’ ”

Romabi 12:10

Nyɛɛ suɔ nyɛ he saminya kaa nyɛmimɛ, nɛ nɔ tsuaa nɔ nɛ bu e nyɛmi pe lɛ nitsɛ e he.

Romabi 12:16

Bɔ nɛ nyɛ maa pee kɛ ha nɔ kake ɔ, nyɛɛ pee ja kɛ ha nɔ tsuaa nɔ. Nyɛ ko wo nyɛ he nɔ, se mohu nyɛɛ kɛ ni nɛmɛ nɛ baa a he si ɔ nɛ bɔ; nɛ nyɛ ko bu nyɛ he ní leli tsɔ.

1 Korintobi 12:3

I ngɛ hae nɛ nyɛɛ le kaa nɔ nɛ Mawu mumi ɔ ngɛ e mi ɔ, e de we ke, “A gbiɛ Yesu.” Jã kɛ̃ nɔ ko be nyɛe ma de ke, “Yesu ji Nyɔmtsɛ” hulɔ kaa ja Mumi Klɔuklɔu ɔ tsɔɔ lɛ blɔ.

1 Korintobi 8:13

Lɔ ɔ he ɔ, ke ngma ma ha ye nyɛmi nane ma kpata a, i be lo yee hu gblegbleegble, konɛ ma ko ha nɛ ye nyɛmi ɔ nɛ pee yayami.

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

2 Korintobi 8:9

Nyɛ le suɔmi agbo nɛ wa Nyɔmtsɛ Yesu Kristo ngɛ kɛ ha wɔ. Niatsɛ mi niatsɛ ji lɛ. Se nyɛ he ɔ, e pee e he ohiatsɛ, konɛ nyɛɛ lɛɛ nyɛɛ pee niatsɛmɛ.

Galatabi 5:13

Ye nyɛmimɛ, nyɛɛ lɛɛ pe a hla nyɛ, konɛ nyɛ ba ye nyɛ he. Nyɛ he nɛ nyɛ ye nɛ ɔ, nyɛ ko ngɔ lɛ kaa blɔ nya nɛ nyɛ na nɛ nyɛɛ kɛ maa pee níhi nɛ nyɛ nɔmlɔ tso ɔ suɔ. Mohu ɔ, nyɛ ha nɛ nyɛ suɔmi ɔ nɛ je kpo ngɛ nyɛmimɛ a sɔmɔmi mi.

Filipibi 2:11

nɛ a maa jaje paa ke, Yesu Kristo ji Nyɔmtsɛ; a maa pee ja kɛ wo Tsɛ Mawu ɔ hɛ mi nyami.

1 Timoteo 5:10

É pee yo nɛ he biɛ kaa e peeɔ kpakpa, yo nɛ nyɛ tsɔse bimɛ saminya, yo nɛ nyɛ hyɛ nibwɔhi nɛ ba to lɛ, yo nɛ sɔmɔ ni klɔuklɔu ɔmɛ kɛ he si bami, yo nɛ je nihi kɛ je haomi mi, nɛ ngɔ e be tsuo kɛ tsu ní kpakpahi.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

1 Petro 4:1

Akɛnɛ Kristo na nɔ́ ngɛ he lo mi he je ɔ, nyɛ hu nyɛ dla nyɛ he kɛ jamɛ a juɛmi ɔ nɔuu. Ejakaa nɔ tsuaa nɔ nɛ naa nɔ́ ngɛ he lo mi ɔ, e kɛ yayami be sane ko hu.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”