Yohane 13:10 - BAIBLO ALOO NGMAMI KLƆUKLƆU Ɔ

¹⁰ Yesu he nɔ ke, “Nɔ tsuaa nɔ nɛ du e he ɔ, e he tsɔ kɛ pi si momo; nɛ e hia we kaa e fɔ lɛ nɔmlɔ tso ɔ he pe e nane he pɛ. Nyɛ he tsɔ, se pi nyɛ tsuo.”

Somi He Ɔ

¹⁰ Yesu de lɛ ke: “Nɔ nɛ a du e he ɔ, e hia we lɛ he fɔmi, ja e nane he kɛkɛ, se e he je kɛ pi si. Nyɛɛ lɛɛ nyɛ he je mohu, se pi nyɛ tsuo.”

Yohane 13:10 ပူးပေါင်းရင်းမြစ်များ

Fiɛlɔ 7:20

Niinɛ, dalɔ ko dalɔ ko be zugba nɛ ɔ nɔ. Nɔ ko nɔ ko be nɛ peeɔ kpakpa daa nɛ ɔ, nɛ lɛɛ e pee we yayami gblegbleegble.

Lahi 4:7

Ye afɛu yo, o he ngɛ fɛu tsɔ; o he ngɛ fɛu kɛ pi si!

Yeremia 50:20

Ke jamɛ a be ɔ su ɔ, a ma hla kaa a maa na Israel he yayami ko lo, se a be nae. Yuda hu a be yi wu tso nɔ́ ko nae ngɛ he e, ejakaa ni nɛmɛ nɛ i he a yi wami ɔ, ma ngɔ a he yayami ɔmɛ kɛ pa mɛ. Imi, Yawɛ lɛ i de.”

Mose III, 16:26

Nɔ ɔ nɛ fie to ɔ kɛ ya ha Azazel ngɛ nga a nɔ ɔ nɛ fɔ e tade ɔmɛ nɛ e wo ɔ a he, nɛ e du e he loko e ba ma sito he ɔ.

Mose III, 16:28

Nɔ nɛ maa sã ní nɛ ɔmɛ ɔ, é fɔ e tade ɔmɛ a he, nɛ é du e he loko é ba ma sito he ɔ.

Mateo 6:12

Ngɔɔ wa tɔmi ɔmɛ kɛ pa wɔ kaa bɔ nɛ wɔ hu waa kɛ paa nihi nɛ tɔɔ wa nɔ ɔ.

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Yohane 13:9

Simon Petro he nɔ ke, “Nyɔmtsɛ, lɛɛ tsa pi ye nane he kɛkɛ nɛ sa kaa o fɔ mɔ; fɔ ye nine he, kɛ ye yi mi tsuo.”

Yohane 15:3

Nyɛɛ lɛɛ munyuhi nɛ i tu nyɛ ɔ tsu nyɛ he momo.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

1 Tesalonikabi 5:23

Mawu, nɔ nɛ haa wɔ he jɔmi ɔ, lɛ nitsɛ nɛ tsukɔ nyɛ he kulaa kɛ pi si. E hyɛ nyɛ mumi, nyɛ klaa, kɛ nyɛ nɔmlɔ tso ɔ kulaa nɔ nɛ piami ko kó hi he be mi nɛ wa Nyɔmtsɛ Yesu Kristo maa ba a.

Hebribi 9:10

ejakaa niye ní, kɛ dã, kɛ he tsumi kusumihi pɛ a he nɛ e kɔɔ. Enɛ ɔmɛ tsuo ɔ, he lo blɔ fa mi níhi nɛ maa hi si kɛ yaa si be nɛ Mawu maa pee níhi tsuo ehe kɛkɛ.

Yakobo 3:2

Wɔ tsuo wa pɔɔ tɔmi peemi babauu. Se ke nɔ ko tɔ we ngɛ munyu tumi mi ɔ, lɛɛ nɔmlɔ nɛ hi kɛ pi si ji lɛ, nɛ e ma nyɛ maa ye e nɔmlɔ tso ɔ tsuo nɔ hulɔ.