Yohane 13:1 - BAIBLO ALOO NGMAMI KLƆUKLƆU Ɔ

¹ Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Somi He Ɔ

¹ Loko Hetsɔmi nyami ligbi ɔ maa su ɔ, akɛnɛ Yesu le kaa e ngmlɛfia nɛ e kɛ maa je je ɔ mi kɛ ya Tsɛ ɔ ngɔ ɔ su he je ɔ, bɔ nɛ e suɔ e nihi nɛ ngɛ je nɔ mi ɔ, ja e suɔ mɛ kɛ pi si.

Yohane 13:1 ပူးပေါင်းရင်းမြစ်များ

Abɛ Womi 8:31

I náá je ɔ nɛ e bɔ ɔ, kɛ nimli adesahi tsuo a he bua jɔmi.

Yeremia 31:3

i je ye he kpo ngɔ tsɔɔ mɛ ngɛ tsitsaa lokoo. Israel ma, kɛ je blema lɛ i je suɔmi nɛ nya wa kpo kɛ tsɔɔ nyɛ. Nɛ kɛ ba si piɔ hu jamɛ a suɔmi ɔ ngɛ; e se pui.

Mateo 26:45

Jehanɛ ɔ lɛɛ e kpale kɛ ba e kaseli ɔmɛ a ngɔ, nɛ e ba de mɛ ke, “Nyɛ he mi jɔ nyɛ nɛ nyɛ ngɛ mahe hwɔe kɛ mwɔɔ? Hyɛ! Ngmlɛfia a su ta, nɛ a maa ngɔ Nɔmlɔ Bi ɔ kɛ wo yayami peeli a dɛ mi.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Luka 22:53

Daa nɛ i kɛ nyɛ ngɛ sɔlemi we ɔ lɛɛ nyɛ de we ke nyɛ maa nu mi. Se nyɛ ngmlɛfia a ji nɛ ɔ nɛ; diblii matsɛ ɔ ní tsumi be su!”

Luka 9:51

Benɛ be ɔ nɛ a maa ngɔ Yesu kɛ je je nɛ ɔ mi kɛ ya hiɔwe ɔ su ta a, e muɔ e yi mi kpɔ kaa e maa ya Yerusalem.

Yohane 11:55

Jehanɛ ɔ, Hetsɔmi nyami be ɔ su ta; lɔ ɔ he ɔ, nihi babauu nɛ je ngmɔ si ɔ pue nɔ kɛ ho Yerusalem ya. Kusumi nɛ a peeɔ kɛ tsukɔɔ a he ɔ, a ya konɛ a ya pee loko nyami be ɔ nɛ su.

Yohane 12:23

Yesu he nɔ ke, “Jehanɛ lɛɛ be ɔ su nɛ a maa wo Nɔmlɔ Bi ɔ hɛ mi nyami babauu.

Yohane 13:29

Akɛnɛ Yuda nɛ hɛɛɔ sika kpɛɛ ɔ, kaseli ɔmɛ ekomɛ susu kaa alini Yesu tsɔ lɛ ke e ya he ní nɛ hia nɛ a kɛ maa ye nyami be ɔ, aloo e ngɔ nɔ́ ko ya ha ohiatsɛmɛ.

Yohane 13:3

Yesu nitsɛ le kaa Tsɛ ɔ ha lɛ he wami tsuo nɛ e kɛ pee nɔ́ tsuaa nɔ́. E le hu kaa Mawu ngɔ nɛ e je kɛ ba, nɛ Mawu ngɔ nɔuu e kpale kɛ yaa.

Yohane 13:34

Jehanɛ ɔ, mlaa he i ngɛ nyɛ woe; nyɛɛ suɔ nyɛ sibi kaa bɔ nɛ i suɔ nyɛ ɔ.

Yohane 14:28

I de nyɛ momo ke, ‘I yaa, se ma kpale kɛ ba nyɛ ngɔ.’ Nyɛ nu! Kaa nyɛ suɔ mi ɔ, jinɛ nyɛ ko na bua jɔmi kaa i yaa Tsɛ ɔ ngɔ, ejakaa e pe mi.

Yohane 14:31

se e sa kaa je ɔ tsuo nɛ le kaa i suɔ Tsɛ ɔ, lɔ ɔ he ɔ, nɔ́ tsuaa nɔ́ nɛ e fa a, i peeɔ. “Nyɛɛ te nɛ waa je hiɛmɛ nɛ ɔ!

Yohane 16:28

Niinɛ, i je Tsɛ ɔ ngɔ kɛ ba je ɔ mi, nɛ amlɔ nɛ ɔ, i ngɛ je ɔ mi jee kɛ yaa Tsɛ ɔ ngɔ.”

Yohane 17:1

Benɛ Yesu de ní nɛ ɔmɛ se ɔ, e wo hɛ nɔ kɛ hyɛ hiɔwe, nɛ e ke, “Tsaatsɛ, be ɔ su. Ha nɛ a wo o Bi ɔ hɛ mi nyami, konɛ Bi ɔ hu nɛ wo o hɛ mi nyami.

Yohane 17:16

Pi je ɔ mi bi ji mɛ kaa bɔ nɛ imi hu pi je ɔ mi nɛ i je ɔ.

Yohane 17:26

I ha nɛ a le mo, nɛ ma ya nɔ ma pee jã, konɛ á suɔ mi kaa bɔ nɛ o suɔ mi ɔ, nɛ imi hu ma hi a mi.”

Yohane 17:5

Tsaatsɛ, ha nɛ ye hɛ mi nɛ ba nyami amlɔ nɛ ɔ kaa bɔ nɛ i ngɛ momo ngɛ o hɛ mi benɛ a na we nɛ a bɔ je ɔ.

Yohane 18:4

Yesu le nɔ́ tsuaa nɔ́ nɛ a maa pee lɛ ɔ momo; lɔ ɔ he ɔ, e hɛ lɛ kɛ ba hɛ mi nɛ e bi mɛ ke, “Mɛnɔ nyɛ ngɛ hlae?”

Yohane 19:28

Benɛ Yesu na kaa a gbe nɔ́ tsuaa nɔ́ nya a, bɔ nɛ pee nɛ ngmami ɔ nɛ ba mi ɔ, e de ke, “Kuma ngɛ mi yee!”

Yohane 2:13

Benɛ Yuda bi ɔmɛ a Hetsɔmi nyami be ɔ su ɔ, Yesu ya Yerusalem.

Yohane 6:4

Be nɛ Yuda bi ɔmɛ maa ye Hetsɔmi nyami ɔ su ta.

Yohane 7:30

Kɛkɛ nɛ a pee kaa a maa nu Yesu amlɔ nɔuu, se nɔ ko nɔ ko nyɛ we nɛ e ta e he, ejakaa e be ɔ sui lolo.

Yohane 7:6

Yesu he nɔ ke, “Ye be ɔ sui lolo; se nyɛɛ lɛɛ be tsuaa be hi ha nyɛ.

Yohane 8:20

Yesu de ní nɛ ɔmɛ tsuo, be mi nɛ e ngɛ ní tsɔɔe ngɛ sɔlemi we ɔ ngɛ tsu mi he nɛ a kɛ tó tsumi daka amɛ to ɔ. Se a nui lɛ, ejakaa e be ɔ sui.

Romabi 8:37

Dɛbi! Ngɛ enɛ ɔmɛ tsuo a mi ɔ, nɔ nɛ suɔ wɔ ɔ haa wa yeɔ kunimi babauu.

1 Korintobi 1:8

Mawu nitsɛ maa hɛɛ nyɛ kɛ maa ya nyagbe, konɛ ligbi ɔ nɛ wa Nyɔmtsɛ Yesu Kristo maa ba a, piami ko piami ko kó hi nyɛ he.

Hebribi 3:14

Ejakaa wa hɛ nɛ wa kɛ fɔ Kristo nɔ kɛ je sisije ɔ, ke wa hɛɛ mi kpɛii hluu kɛ ya si nyagbe ɔ, lɛɛ wa peeɔ nihi nɛ a kɛ Kristo pee kake.

Hebribi 3:6

Se Kristo lɛɛ e ye anɔkuale ngɛ Mawu we ɔ kaa Mawu bi. Ke waa kɛ kã kɛ gɛjɛmi hɛɛ hɛ kɛ nɔ fɔmi ɔ mi kpɛii ɔ, wa peeɔ Mawu we bi.

Hebribi 6:11

Nɔ́ nɛ wa ngɛ hlae ji kaa bɔ nɛ nyɛɛ kɛ hɛdɔ tsu nɔ́ nɛ ɔ, nyɛ ti nɔ tsuaa nɔ maa hɛɛ mi kɛ ya si nyagbe. Kɛkɛ ɔ, níhi nɛ nyɛ ngɔ nyɛ hɛ ngɔ fɔ nɔ ɔ, nyɛ ma na a nɔ mi mami.

1 Petro 1:13

Lɔ ɔ he ɔ, nyɛɛ pee nyɛ juɛmi klaalo kɛ ha ní tsumi. Nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ Mawu ma ha nyɛ ligbi ɔ nɛ Yesu Kristo maa ba ekohu ɔ nɔ.

1 Yohane 4:19

Wa suɔ Mawu, ejakaa lɛ nɛ suɔ wɔ kekle.

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ