Yohane 12:49 - BAIBLO ALOO NGMAMI KLƆUKLƆU Ɔ

⁴⁹ Anɔkuale munyu ji nɛ ɔ nɛ, ejakaa níhi tsuo nɛ i de ɔ, pi imi nitsɛ ye yi mi nɛ i to kɛ de ekoeko. Tsɛ ɔ nɛ tsɔ mi ɔ lɛ fa ke ma de.

Somi He Ɔ

⁴⁹ Ejakaa imi lɛɛ i to we imi nitsɛ ye yi mi i tu we munyu; se Tsɛ nɛ tsɔ mi ɔ, lɛ mohu e wo mi kita, nɔ́ nɛ ma de kɛ nɔ́ nɛ ma tu.

Yohane 12:49 ပူးပေါင်းရင်းမြစ်များ

Yohane 14:10

Filipo, anɛ o he we yi kaa i ngɛ Tsɛ ɔ mi, nɛ Tsɛ ɔ ngɛ ye mi lo? Munyuhi nɛ i kɛ nyɛ tu ɔ, pi imi nitsɛ ye yi mi nɛ i to kɛ de. Mohu Tsɛ ɔ nɛ guu ye nɔ kɛ peeɔ ní nɛ ɔmɛ.

Yohane 14:24

Nɔ nɛ sume mi ɔ, e yi ye munyu ɔmɛ a nɔ. Munyuhi nɛ nyɛ nu ngɛ ye nya a, pi imi nitsɛ ye yi mi tomi, se mohu Tsɛ ɔ nɛ tsɔ mi ɔ lɛ ha mi sɛ gbi ɔ.

Yohane 14:31

se e sa kaa je ɔ tsuo nɛ le kaa i suɔ Tsɛ ɔ, lɔ ɔ he ɔ, nɔ́ tsuaa nɔ́ nɛ e fa a, i peeɔ. “Nyɛɛ te nɛ waa je hiɛmɛ nɛ ɔ!

Yohane 15:15

Jehanɛ i tsɛ we nyɛ tsɔli hu, ejakaa tsɔlɔ li nɔ́ nɛ e nyɔmtsɛ tsuɔ. I tsɛɔ nyɛ ye huɛmɛ mohu, ejakaa níhi tsuo nɛ i nu kɛ je Tsaatsɛ nya a, i de nyɛ.

Yohane 17:8

Sɛ gbi nɛ o ha mi ɔ, i kɛ ha mɛ nɛ a ngɔ, nɛ a le kaa niinɛ i je o ngɔ, nɛ mo nɛ o tsɔ mi.

Yohane 3:11

I ngɛ mo dee anɔkuale mi ke wɔɔ lɛɛ nɔ́ nɛ wa le ɔ, lɔ ɔ wa deɔ, nɛ wa yeɔ nɔ́ nɛ wa na a he odase. Se nyɛ sume nɛ nyɛɛ ngɔ munyu nɛ wa fiɛ ha nyɛ ɔ.

Yohane 3:32

Nɔ́ nɛ e na, kɛ nɔ́ nɛ e nu ɔ, lɔ ɔmɛ a he odase e yeɔ, pohu nɔ ko nɔ ko ngɔɛ e munyu ɔ.

Yohane 5:19

Jehanɛ ɔ, Yesu ya nɔ nɛ e de mɛ ke, “I ngɛ nyɛ dee anɔkuale mi ke Bi ɔ pee we nɔ́ ko ngɛ lɛ nitsɛ e yi mi tomi nya. Nɔ́ nɛ e na nɛ Tsɛ ɔ ngɛ pee ɔ, lɔ ɔ nɛ e peeɔ. Nɔ́ nɛ Tsɛ ɔ peeɔ ɔ, Bi ɔ hu peeɔ.

Yohane 5:30

“I be he blɔ nɛ i peeɔ imi nitsɛ ye yi mi nɔ́ ko. Bɔ nɛ Mawu tsɔɔ mi ke ma kojo ɔ, jã pɛ i peeɔ; lɔ ɔ he ɔ, i yeɔ dami sane. Ejakaa i hla we kaa ma pee nɔ́ nɛ imi nitsɛ i suɔ, se mohu Tsaatsɛ nɛ tsɔ mi ɔ suɔmi nya ní i peeɔ.

Yohane 6:68

Simon Petro he nɔ ke, “Nyɔmtsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ.

Yohane 7:16

Yesu he nɔ ke, “Nɔ́ nɛ i ngɛ nyɛ tsɔɔe ɔ ji imi nitsɛ ye yi mi; nɔ nɛ tsɔ mi ɔ nɛ ngɔ ha mi.

Yohane 8:26

I le nyɛ he sanehi babauu nɛ ma kɛ kojo nyɛ. Se nɔ nɛ tsɔ mi ɔ, anɔkualetsɛ ji lɛ, lɔ ɔ he ɔ, nɔ nɛ i nu kɛ je e nya a, lɔ ɔ i deɔ je ɔ.”

Yohane 8:28

Jehanɛ e de mɛ ke, “Ke nyɛ ná wo Nɔmlɔ Bi ɔ nɔ ɔ, nyɛ maa le kaa imi ji nɔ nɛ i ji ɔ. Kɛkɛ ɔ, nyɛ maa le kaa i to we imi nitsɛ ye yi mi kɛ tsu we nɔ́ ko gblegbleegble. Mohu nɔ́ nɛ Tsɛ ɔ tsɔɔ mi ɔ, lɔ ɔ pɛ i deɔ.

Yohane 8:42

Yesu de mɛ ke, “Mawu ji nyɛ Tsɛ niinɛ jinɛ nyɛ maa suɔ mi, ejakaa Mawu nɛ tsɔ mi; se pi imi nitsɛ ye yi mi nɛ i to kɛ ba. Mawu ngɔ nɛ i je kɛ ba nyɛ ngɔ.

Mose V, 18:18

Ma je gbalɔ ko nɛ ngɛ kaa mo kɛ je mɛ nitsɛmɛ a kpɛti; ma tsɔɔ lɛ nɔ́ nɛ e de, nɛ lɛɛ e ma de ma a nɔ́ tsuaa nɔ́ nɛ i fa lɛ ɔ.

Kpojemi 1:1

Ní komɛ nɛ Yesu Kristo je tsɔɔ ɔ, a he sane lɛ ngɛ womi nɛ ɔ mi. Mawu je nina a ngɔ tsɔɔ Kristo, konɛ lɛ hu e tsɔɔ e tsɔli ɔmɛ nɔ́ nɛ maa ba mi ngɛ be kpiti mi. Kristo tsɔ e bɔfo ɔ kɛ ya e tsɔlɔ Yohane ngɔ, nɛ e ya ha nɛ e le ní nɛ ɔmɛ tsuo.