Yohane 12:41 - BAIBLO ALOO NGMAMI KLƆUKLƆU Ɔ

⁴¹ Yesaya de enɛ ɔ, ejakaa e na Yesu hɛ mi nyami ɔ ngɛ e hɛ mi lokoo, nɛ e tu he munyu.

Somi He Ɔ

⁴¹ Ni nɛ ɔmɛ Yesaia de, ejakaa e na e hɛ mi nyami ɔ, nɛ e tu he munyu.

Yohane 12:41 ပူးပေါင်းရင်းမြစ်များ

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

Ni Tsumi 10:43

Gbali ɔmɛ tsuo ye Yesu he odase, nɛ a de ke nɔ tsuaa nɔ nɛ ma he lɛ maa ye ɔ, a maa ngɔ e he yayami kɛ pa lɛ ngɛ Yesu biɛ mi.”

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Kpojemi 19:10

Kɛkɛ nɛ i bu si ngɛ e nane nya konɛ ma ja lɛ. Nɛ e de mi ke, “Ko ja mi! Imi hu Nyɔmtsɛ ɔ tsɔlɔ ji mi kaa mo, kɛ o nyɛmimɛ ɔmɛ tsuo. Odase ɔ nɛ Yesu ye ɔ, i kɛ nyɛ tsuo lɛ wa he ye. Já Mawu mohu!” Ejakaa odase ɔ nɛ Yesu ye ɔ, lɔ ɔ ji nɔ́ nɛ woɔ gbali ɔmɛ he wami nɛ a kɛ gbaa.

1 Petro 1:11

A bɔ mɔde kaa a maa na be nɛ nɔ́ nɛ ɔ maa ba mi, kɛ bɔ nɛ e ma plɛ kɛ ba ha. Be ɔ nɛ Kristo mumi ɔ nɛ ngɛ a mi ɔ ngɛ tsɔɔe ji lɔ ɔ nɛ. Mumi ɔ de to ke Kristo maa na amanehlu, nɛ lɔ ɔ se ɔ, e hɛ mi maa ba nyami.

Yohane 14:9

Yesu he nɔ ke, “Filipo, be babauu nɛ i kɛ nyɛ hi si nɛ ɔ, kɛ pee kɛɛ nɛ o li mi ɔ? Nɔ tsuaa nɔ nɛ na mi ɔ, e na Tsɛ ɔ. Mɛni he je mɔ nɛ o deɔ ke ma tsɔɔ nyɛ Tsɛ ɔ?

Yohane 5:39

Nyɛ hlaa ngmami ɔmɛ a mi, ejakaa nyɛ susuɔ kaa a mi nyɛ ma na neneene wami ngɛ; nɛ lɔ ɔmɛ nɔuu yeɔ ye he odase.

Luka 24:27

Jehanɛ ɔ, Yesu tsɔɔ mɛ níhi tsuo nɛ ngmami ɔmɛ de ngɛ lɛ nitsɛ e he ɔ a sisi; e je sisi kɛ je Mose womi ɔmɛ, kɛ gbali ɔmɛ tsuo a ni ɔmɛ a nɔ.