Yohane 12:37 - BAIBLO ALOO NGMAMI KLƆUKLƆU Ɔ

³⁷ Yesu pee ní nɛ ɔmɛ tsuo kɛ to okadi ngɛ ni ɔmɛ a hɛ mi paa, se a he we lɛ yi,

Somi He Ɔ

³⁷ E ngɛ mi kaa Yesu pee nyakpɛ ni nguahi ngɛ a hɛ mi, se kɛ ɔ a he we e nɔ yi;

Yohane 12:37 ပူးပေါင်းရင်းမြစ်များ

Luka 16:31

Se Abraham de lɛ ke, ‘Ke a bui Mose kɛ gbali ɔmɛ tue ɔ, lɔ ɔ lɛɛ ke nɔ ko te si kɛ je gbeje tete po, a yi mi be plɛe.’ ”

Yohane 15:24

Kaa i ba tsu we ní nguanguahi nɛ nɔ ko tsu we hyɛ ɔ ngɛ a kpɛti ɔ, jinɛ a ko yi fɔ kaa a pee yayami. Jehanɛ ɔ, i tsu ní nɛ ɔmɛ nɛ a na paa; se kɛ̃ ɔ, a ngɛ i kɛ Tsaatsɛ tsuo nyɛe.

Yohane 1:11

E ba lɛ nitsɛ e ma mi, se e ma mi bi ɔmɛ he we lɛ.

Yohane 11:42

I le kaa o buɔ mi tue be tsuaa be; se i ngɛ enɛ ɔ dee ngɛ nihi nɛ pueɔ si nɛ ɔ a he, bɔ nɛ pee nɛ a he ye kaa mo nɛ o tsɔ mi.”

Mateo 11:20

Mahi nɛ Yesu tsu nyakpɛ ní babauu ngɛ a mi ɔ, nihi nɛ ngɛ jamɛ a ma amɛ a mi ɔ tsakee we a tsui. Enɛ ɔ he je ɔ, Yesu ka a hɛ mi, nɛ e de ke,

Yohane 2:11

Enɛ ɔ ji kekleekle nyakpɛ nɔ́ nɛ Yesu pee ngɛ Kana ngɛ Galilea kɛ to okadi kaa Mawu ha lɛ he wami; nɛ e kaseli ɔmɛ he lɛ ye.

Yohane 6:2

Nimli babauu nyɛɛ e se, ejakaa a na nɛ e tsa hiɔtsɛmɛ kɛ to okadi kaa Mawu Bi ji lɛ.

Yohane 12:36

Be abɔ nɛ nyɛ ngɛ la a nɛ ɔ, nyɛ he lɛ nyɛɛ ye, konɛ nyɛ plɛ la a bimɛ.” Munyu nɛ ɔ se ɔ, Yesu je a he ngɛ lejɛ ɔ, nɛ e ya laa e he.

Yohane 12:38

bɔ nɛ pee nɛ gbalɔ Yesaya munyu ɔ nɛ ba mi. Yesaya de ke, “Nyɔmtsɛ, munyu nɛ wa fiɛ ɔ, mɛnɔ lɛ he ye? Mɛnɔ lɛ Nyɔmtsɛ ɔ je e he si tsɔɔ?”