Yohane 12:34 - BAIBLO ALOO NGMAMI KLƆUKLƆU Ɔ

³⁴ Ma kpekpemi ɔ he nɔ ke, “Wa mlaa a de ke Kristo ɔ maa hi si kɛ maa ya neneene. Kɛ pee kɛɛ nɛ moo lɛɛ o deɔ ke a ma wo Nɔmlɔ Bi ɔ nɔ ɔ? Mɛnɔ ji kikɛmɛ a Nɔmlɔ Bi nɛ ɔ?”

Somi He Ɔ

³⁴ Asafo ɔ he nɔ ke: “Wɔɔ lɛɛ wa nu ngɛ Mlaa a mi ke Kristo ɔ hii si kɛ yaa neneene; nɛ kɛ pee kɛɛ nɛ moo lɛɛ o deɔ ke: ‘Ja a wo Nɔmlɔ Bi ɔ nɔ ɔ?’ Mɛnɔ ji kikɛmɛ a Nɔmlɔ Bi nɛ ɔ?”

Yohane 12:34 ပူးပေါင်းရင်းမြစ်များ

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.

La 110:4

Yawɛ ka kita nɛ ɔ, nɛ e be e nya se kpalee, “Osɔfo ji mo kɛ yaa neneene kaa Melkizedek pɛ.”

Daniel 7:27

A maa ngɔ matsɛ yemihi tsuo nɛ ngɛ je ɔ mi ɔ a he wami, kɛ agboje ngɔ ha Hiɔwe No ɔ we ni klɔuklɔu ɔmɛ a ma a. A matsɛ yemi ɔ se be poe gblegbleegble, nɛ je nɛ ɔ mi matsɛmɛ ɔmɛ tsuo ma sɔmɔ mɛ, nɛ a maa bu mɛ tue.”

Daniel 2:44

Matsɛmɛ nɛ ɔmɛ a yi nɔ ɔ, Mawu nɛ ngɛ hiɔwe ɔ maa to matsɛ yemi ko sisi, nɛ e se be poe gblegbleegble. Matsɛ yemi nɛ ɔ, nɔ ko nɔ ko be nyɛe maa ye e nɔ; e ma kpata matsɛ yemi kpa amɛ tsuo a hɛ mi, nɛ e maa hi si kɛ maa ya neneene.

Samuel II, 7:13

Lɛ ji nɔ nɛ ma ba po we kɛ wo ye biɛ ɔ hɛ mi nyami; nɛ ma ha e matsɛ yemi ɔ maa hi si kɛ maa ya neneene.

Romabi 5:18

Lɔ ɔ he ɔ, kaa bɔ nɛ yayami kake he ɔ, a bu nihi tsuo fɔ ɔ, jã nɔuu kpakpa kake he ɔ, Mawu maa wo nihi tsuo nguɔ, nɛ a ma he a yi wami.

Mika 4:7

Akpaketsɛmɛ ɔmɛ, kɛ ni nɛmɛ nɛ ngɛ ma se lokoo ɔ, ma kpale mɛ kɛ ba we ekohu; nɛ ma pee mɛ ma agbo. Ma hi Zion Yo ɔ nɔ kɛ ye matsɛ ngɛ a nɔ, kɛ maa je jamɛ a be ɔ mi, kɛ maa ya neneene.” Yawɛ lɛ de.

La 72:7

Á ye dami sane saminya ngɛ e yi nɔ; e yi nɔ nɛ jɔ kulaa ngɛ he tsuaa he hluu kɛ yaa su be nɛ nyɔhiɔ be hu!

Romabi 3:19

Jehanɛ ɔ, wa le kaa níhi tsuo nɛ ngɛ mlaa a mi ɔ, nihi nɛ yeɔ mlaa a nɔ ɔ a he nɛ e kɔɔ. Lɛɛ nɔ ko nɔ ko be nya jemi; je ɔ tsuo yeɔ fɔ ngɛ Mawu hɛ mi.

Yohane 15:25

Lɔ ɔ he ɔ, e sa nɛ e ba jã, konɛ nɔ́ nɛ a ngma ngɛ a mlaa a mi ke, ‘A nyɛ mi yaka gu’ ɔ nɛ ba mi.

Yohane 12:32

Ke a wo ye nɔ kɛ je zugba a nɔ ɔ, ma gbla nihi tsuo kɛ ba ye ngɔ.”

Yohane 10:34

Yesu he nɔ ke, “A ngma ngɛ nyɛ mlaa a mi ke, Mawu de ke, ‘Mawuhi ji nyɛ.’

Yesaya 53:8

A ye sane yaya kɛ bu lɛ gbenɔ fɔ, nɛ a nu le kɛ ho. Ejakaa a ngɔ e wami kɛ je zugba a nɔ. Tɔmihi nɛ ye ma a tɔ ɔ, a he a gbe lɛ ngɛ.

Mateo 21:10

Benɛ Yesu sɛ Yerusalem ma a mi ɔ, ma a tsuo hwɔ hoo, nɛ a bi ke, “Mɛnɔ ji nɛ ɔ?”

Mateo 16:13

Benɛ Yesu ba Kaisarea Filipi kpokpa a nɔ ɔ, e bi e kaseli ɔmɛ ke, “Mɛnɔ nihi deɔ ke Nɔmlɔ Bi ɔ ji?”

Mateo 8:20

Yesu de lɛ ke, “Kɔkɔbohi ngɛ muɔ, nɛ lohwe pɛlitsɛmɛ ngɛ tsu, se Nɔmlɔ Bi ɔ lɛɛ e be he ko nɛ e kɛ e yi fɔɔ.”

Yohane 8:28

Jehanɛ e de mɛ ke, “Ke nyɛ ná wo Nɔmlɔ Bi ɔ nɔ ɔ, nyɛ maa le kaa imi ji nɔ nɛ i ji ɔ. Kɛkɛ ɔ, nyɛ maa le kaa i to we imi nitsɛ ye yi mi kɛ tsu we nɔ́ ko gblegbleegble. Mohu nɔ́ nɛ Tsɛ ɔ tsɔɔ mi ɔ, lɔ ɔ pɛ i deɔ.

Hebribi 7:24

Se Yesu lɛɛ e ngɛ kɛ yaa neneene, nɛ e we osɔfo yemi ɔ se pui gblegbleegble.