Yohane 12:32 - BAIBLO ALOO NGMAMI KLƆUKLƆU Ɔ

³² Ke a wo ye nɔ kɛ je zugba a nɔ ɔ, ma gbla nihi tsuo kɛ ba ye ngɔ.”

Somi He Ɔ

³² Nɛ imi lɛɛ, ke a wo ye nɔ kɛ je zugba a nɔ ɔ, ma gbla nihi tsuo kɛ maa ba ye ngɔ.”

Yohane 12:32 ပူးပေါင်းရင်းမြစ်များ

Samuel II, 18:9

Absalom kɛ David tsɔli ɔmɛ ya kpe tlukaa. Absalom hi e teji okpɔngɔ ɔ nɔ kɛ ya gu tso ngua a ko sisi. E yi ya bɛ tso kɔni kusuu ɔmɛ, nɛ e nɔmlɔ tso ɔ kplaa si ngɛ kɔɔhiɔ mi be mi nɛ teji okpɔngɔ ɔ lɛɛ e je e sisi kɛ ho.

Lahi 1:4

Ngɔɔ mi kɛ ho esɔ. Ye matsɛ, ngɔɔ mi kɛ ya o tsu ɔ mi. I ngɔ ye he kɛ ha mo. Wa bua maa jɔ wa he saminya. O suɔmi ɔ ngɔɔ dɔkɔdɔkɔ pe wai po. E be nyakpɛ kaa yi ɔmɛ tsuo suɔ mo!

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Hosea 11:4

Kaa bɔ nɛ nɔ ko maa wo na ku nɛ e suɔ saminya a kuɛ kpa, nɛ e ma kpaka lɛ ɔ, ja i ngɔ suɔmi nɛ nya wa kɛ hɛɛ Israel ma a. I kɛ mɛ hi si ngɛ he jɔmi mi, nɛ imi nitsɛ lɛ i ha mɛ niye ní.

Mose IV, 21:9

Mose pee akɔblee sinɔ, nɛ e kɛ kpla tso he; nɛ nɔ tsuaa nɔ nɛ sinɔ kɔ lɛ, nɛ e hyɛ akɔblee sinɔ ɔ, e yi na wami niinɛ.

Yohane 1:7

E ba nɛ e ba ye la a he odase ha nimli adesahi, konɛ mɛ tsuo a he ye.

Yohane 12:34

Ma kpekpemi ɔ he nɔ ke, “Wa mlaa a de ke Kristo ɔ maa hi si kɛ maa ya neneene. Kɛ pee kɛɛ nɛ moo lɛɛ o deɔ ke a ma wo Nɔmlɔ Bi ɔ nɔ ɔ? Mɛnɔ ji kikɛmɛ a Nɔmlɔ Bi nɛ ɔ?”

Yohane 18:32

A de enɛ ɔ, konɛ Yesu munyu nɛ e tu kɛ tsɔɔ gbenɔ nɛ e ma gbo ɔ nɛ ba mi.

Yohane 19:17

nɛ lɛ nitsɛ e tloo e sɛumi tso ɔ kɛ je ma a mi kɛ ya he nɛ a tsɛɛ “Yikoklodonya”, nɛ Hebri mi ɔ a tsɛɛ lɛ “Golgata” a.

Yohane 3:14

Bɔ nɛ Mose wo sinɔ ɔ nɔ ngɛ nga a nɔ ɔ, jã nɔuu nɛ e sa kaa a wo Nɔmlɔ Bi ɔ nɔ,

Yohane 6:44

Nɔ ko nɔ ko be nyɛe maa ba ye ngɔ kaa ja Tsɛ ɔ nɛ tsɔ mi ɔ gbla lɛ kɛ ba ye ngɔ; nɛ nyagbe ligbi ɔ, ma tle lɛ si.

Yohane 8:28

Jehanɛ e de mɛ ke, “Ke nyɛ ná wo Nɔmlɔ Bi ɔ nɔ ɔ, nyɛ maa le kaa imi ji nɔ nɛ i ji ɔ. Kɛkɛ ɔ, nyɛ maa le kaa i to we imi nitsɛ ye yi mi kɛ tsu we nɔ́ ko gblegbleegble. Mohu nɔ́ nɛ Tsɛ ɔ tsɔɔ mi ɔ, lɔ ɔ pɛ i deɔ.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

1 Timoteo 2:6

Kristo ngɔ e he kɛ sã bɔ ngɛ be nɛ sa mi, konɛ nimli tsuo nɛ a ye a he kɛ je yayami mi.

Hebribi 2:9

Se Yesu lɛɛ wa na kaa gbenɔ mi amanehlu ɔ nɛ e na a ha nɛ a kɛ hɛ mi nyami kɛ bu fi lɛ jlasi. Nɛ Mawu bɔ lɛ ɔ, nɔ́ ko bɔɔ pɛ e ha bɔfo ɔmɛ kɛ pe lɛ. Mawu pee lɛ jã, konɛ lɛ Mawu ɔ dloomi ɔ nya a, Yesu nɛ ba gbo kɛ ha nihi tsuo.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.