Yohane 12:25 - BAIBLO ALOO NGMAMI KLƆUKLƆU Ɔ

²⁵ Nɔ nɛ suɔ e wami ɔ, e wami ɔ maa laa lɛ; se nɔ nɛ ngɔɔ e wami ngɔ haa ngɛ je nɛ ɔ mi ɔ, e maa to e wami ɔ kɛ maa ya neneene.

Somi He Ɔ

²⁵ Nɔ nɛ suɔ e wami ɔ, e laa lɛ, se nɔ nɛ nyɛɛ e wami ngɛ je nɛ ɔ mi ɔ, e maa to lɛ kɛ maa ya neneene wami mi.

Yohane 12:25 ပူးပေါင်းရင်းမြစ်များ

Fiɛlɔ 2:17

Enɛ ɔ he je ɔ, je mi si himi ba gbe ye nya, ejakaa níhi nɛ a tsuɔ ngɛ je ɔ mi ɔ, ekoeko sɛ́ ye hɛ mi. Lɛ tsuo peeɔ yaka, kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Mateo 10:39

Nɔ tsuaa nɔ nɛ baa e klaa yi ɔ, e maa laa lɛ; se nɔ nɛ laa e klaa ngɛ ye he ɔ, e nine maa su nɔ.

Mateo 16:25

Ejakaa nɔ tsuaa nɔ nɛ hlaa kaa e baa e klaa yi ɔ, e maa laa lɛ; se nɔ tsuaa nɔ nɛ ngɔɔ e wami ngɔ fɔɔ he ngɛ ye he ɔ, e nine maa su nɔ ekohu.

Mateo 19:29

Nɔ tsuaa nɔ nɛ ma si wehi, loo nyɛminyumuhi, loo nyɛmiyihi, loo e tsɛ, loo e nyɛ, loo bimɛ, loo zugba ngɛ ye he ɔ, a maa to lɛ nane mi totoe lafa, nɛ a ma ha lɛ neneene wami.

Marko 8:35

Ejakaa nɔ tsuaa nɔ nɛ suɔ kaa e maa baa e klaa yi ɔ, e maa laa lɛ; se nɔ nɛ laa e klaa ngɛ imi, kɛ sane kpakpa a he ɔ, e ma he e yi wami.

Luka 14:26

“Nɔ tsuaa nɔ nɛ maa ba ye ngɔ ɔ, loko e ma nyɛ maa pee ye kaselɔ ɔ, ja e suɔ mi kulaa pe e tsɛ, kɛ e nyɛ, kɛ e yo, kɛ e bimɛ, kɛ e nyɛminyumuhi, kɛ e nyɛmiyihi, kɛ lɛ nitsɛ e he tete.

Luka 17:33

Nɔ tsuaa nɔ nɛ hlaa kaa e baa e klaa yi ɔ, e maa laa lɛ; nɛ nɔ tsuaa nɔ nɛ laa e klaa a, a kɛ maa to ha lɛ.

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Ni Tsumi 21:13

Se e he nɔ ke, “Mɛni nyɛ ngɛ pee nɛ ɔ; nyɛ ngɛ ya foe kɛ ma tsɔ ye tsui kpa? Imi lɛɛ, pi fimi nɛ a maa fi mi ngɛ Yerusalem ɔ kɛkɛ nɛ i ngɛ blɔ hyɛe, se mohu i pee klaalo nɛ ma gbo ngɛ Nyɔmtsɛ Yesu he ngɛ lejɛ ɔ.”

Hebribi 11:35

Kɛ gu hemi kɛ yemi nɔ ɔ, yi komɛ a weku li nɛ gbo ɔ, a tle mɛ si kɛ ba wami mi ekohu. A wa ni komɛ yi mi wawɛɛ, nɛ a kplɛɛ we kaa a maa ngmɛɛ a hemi kɛ yemi ɔ he, nɛ a ye a he. Mohu ɔ, a suɔ nɛ a na nɔ́ kɛ gbo, konɛ a tle mɛ si kɛ ba wami nɛ hi kulaa pe kekle nɔ ɔ mi.

Kpojemi 12:11

Wa nyɛmimɛ ɔmɛ ye e nɔ kunimi kɛ gu To bi ɔ muɔ ɔ, kɛ odase ɔ nɛ a ye ɔ nɔ. A de we ke a maa baa mɛ nitsɛmɛ a wami yi, se mohu a suɔ kaa a maa ngɔ a wami tete ngɔ ha, nɛ a gbe mɛ.