Yohane 12:20 - BAIBLO ALOO NGMAMI KLƆUKLƆU Ɔ

²⁰ Nihi nɛ ya Mawu jami ngɛ Yerusalem nyami be ɔ, Hela bi komɛ piɛ a he.

Somi He Ɔ

²⁰ Helabi komɛ ngɛ nihi nɛ ba nɛ a ba ja Mawu ngɛ nyami ligbi ɔ nɔ ɔmɛ a kpɛti.

Yohane 12:20 ပူးပေါင်းရင်းမြစ်များ

Yesaya 11:10

Jamɛ a ligbi ɔ, matsɛ he nɛ je Ishai powu ɔ mi ɔ maa da si kaa okadi ko ha je ma amɛ. A ma bua a he nya kɛ maa ba e matsɛ ma a mi, nɛ a ma ba wo e hɛ mi nyami.

Marko 7:26

Yo nɛ ɔ, Hela no ji lɛ, nɛ he nɛ e je ji Foinike ngɛ Siria. E ba kpa Yesu pɛɛ nɛ́ e hia mumi yayami ɔ kɛ je e biyo ɔ mi.

Yohane 12:1

Jehanɛ ɔ, benɛ e piɛ ligbi ekpa nɛ a maa ye Hetsɔmi ɔ, Yesu ba Betania, he nɛ Lazaro nɛ gbo nɛ Yesu tle lɛ si kɛ je gbeje ɔ ngɛ ɔ.

Yohane 12:19

Lɔ ɔ he ɔ, Farisi bi ɔmɛ de a he ke, “Tse nyɛ na kaa nyɛ nyɛ we nɔ́ ko nɛ nyɛɛ pee. Hyɛ, je ɔ tsuo nɛ hia kɛ nyɛɛ e se ɔ nɛ.”

Yohane 7:35

Yuda ma nimeli ɔmɛ bi mɛ nitsɛmɛ a he ke, “Jije po e yaa nɛ wa be lɛ nae hu ɔ? Anɛ e maa ho Hela ma nguaa amɛ a mi ya ngɛ wa nyɛmimɛ ɔmɛ a ngɔ, nɛ e ya tsɔɔ Hela bi ɔmɛ ní lo?

Ni Tsumi 14:1

Kikɛmɛ a nɔ́ nɛ ɔ ya nɔ ngɛ Ikoniom hulɔ. Paulo kɛ Barnaba ya Yuda bi ɔmɛ a kpe he ɔ, nɛ bɔ nɛ a tu munyu tsɔɔ ni ɔmɛ ɔ ha Yuda bi ɔmɛ, kɛ ma je li ɔmɛ a ti nihi babauu he Nyɔmtsɛ ɔ ye.

Ni Tsumi 16:1

Paulo ba su Derbe, nɛ e tsa nɔ kɛ ya Listra. Benɛ e su Listra a, e ba na nɔ ko nɛ heɔ Yesu yeɔ ngɛ lejɛ ɔ. A tsɛɛ lɛ Timoteo. E nyɛ ɔ, Yuda yo nɛ heɔ Yesu yeɔ ji lɛ; se e tsɛ lɛɛ Hela no.

Ni Tsumi 17:4

Ni ɔmɛ a ti ni komɛ he ye kaa Paulo munyu ɔ ngɛ mi, nɛ a kɛ a he ya bɔ Paulo kɛ Sila a he. Hela bi Mawu gbeye yeli ɔmɛ a ti nihi babauu, kɛ yi komɛ nɛ a buu mɛ hu ya piɛ a he ja nɔuu.

Ni Tsumi 20:21

I tu munyu kɛ tsɔɔ Yuda bi, kɛ ma je li tsuo ke a kpa yayami peemi, nɛ a ba Mawu ngɔ, nɛ a he wa Nyɔmtsɛ Yesu Kristo nɛ a ye.

Ni Tsumi 21:28

A kpa ngmlaa ke, “Tsaatsɛmɛ Israel bi, nyɛ ba piɛ wa he! Kikɛmɛ a nyumu nɛ ɔ yaa he tsuaa he ya tuɔ munyu yaya kɛ gbee Israel ma a he guɛ; e tuɔ munyu kɛ siɔ Mose mlaa a, kɛ wa sɔlemi we ɔ. Jehanɛ lɛɛ e ngɔ ma je li tete kɛ ba sɔlemi we ɔ ba ble he klɔuklɔu nɛ ɔ hulɔ!”

Ni Tsumi 8:27

Filipo dla e he, nɛ e ho. Benɛ e yaa a, e na Etiopia manyɛ ɔ tsɔlɔ nɔkɔtɔma ko nɛ a puɛ lɛ. Lɛ nɛ e hyɛɛ manyɛ ɔ juetli nɔ. Nyumu nɛ ɔ ya Yerusalem ya ja Mawu, nɛ e kpale kɛ yaa e ma mi ngɛ e zugba lɛ mi. Benɛ e yaa a tsuo e ngɛ gbalɔ Yesaya womi ɔ kanee.

Romabi 1:16

Sane kpakpa a he pee we mi zo, ejakaa e ji Mawu he wami nɛ haa nɔ tsuaa nɔ nɛ heɔ yeɔ ɔ yi naa wami, Yuda bi kekle, lɔ ɔ se ɔ, ma je li hulɔ.

Romabi 10:12

Slɔɔto ko be Yuda no kɛ ma je no a kpɛti, ejakaa a ngɛ Nyɔmtsɛ kake, nɛ e mi hi saminya ha nihi tsuo nɛ kpaa ngmlaa kɛ tsɛɔ lɛ ɔ.

Galatabi 2:3

Tito nɛ i kɛ lɛ ngɛ ní tsue ɔ, nɔ ko nyɛ́ e nɔ doo ke a po lɛ, pohu Hela no ji lɛ.

Galatabi 3:28

Enɛ ɔ he je ɔ, slɔɔto ko kulaa be nyɛ kpɛti hu: Yuda no be ɔ, Hela no be; nyɔguɛ be ɔ, odehe be; nyumu be ɔ, yo be. Nɛ́ nyɛ tsuo nyɛ ngɛ Kristo Yesu mi nɛ ɔ, nyɛ tsuo nyɛ peeɔ nɔ kake.

Kolosebi 3:11

Ngɛ enɛ ɔ mi ɔ, slɔɔto ko be Hela no kɛ Yuda no a kpɛti; slɔɔto be nɔ nɛ a po lɛ, kɛ mɔmlɔtɔtsɛ a kpɛti. Kɔpe no be ɔ, futufutu no be; nyɔguɛ be ɔ, odehe ko hu be. Nɔ nɛ he hia ji Kristo; nɛ nɔ́ tsuaa nɔ́ nɛ hɛ ngɛ ɔ, Kristo ngɛ e mi.