Yohane 12:2 - BAIBLO ALOO NGMAMI KLƆUKLƆU Ɔ

² A pee niye ní ha Yesu, nɛ Marta sɔmɔ lɛ. Lazaro piɛ nihi nɛ a kɛ Yesu ye ní ɔ a he.

Somi He Ɔ

² Kɛkɛ nɛ a ngmɛ lɛ okplɔɔ ngɛ lejɛ ɔ, nɛ Marta sɔmɔ; se Lazaro piɛ nihi nɛ kɛ lɛ hii si ngɛ okplɔɔ ɔ he ɔmɛ a he.

Yohane 12:2 ပူးပေါင်းရင်းမြစ်များ

Lahi 4:16

Kɔɔhiɔ nɛ je omleyi je, tee si koo. Kɔɔhiɔ nɛ je leneyi je, tee si nɛ o fia kɛ ya gu ye we abɔɔ ɔ mi, konɛ lejɛ ɔ tsuo nɛ je via. Ha nɛ ye suɔlɔ ɔ nɛ ba e we abɔɔ ɔ mi, nɛ e ba ye e mi tso yiblii nɔ́ nɛ hi pe kulaa a.

Mateo 26:6

Jehanɛ Yesu ba su Betania, nɛ e ba Simon we ɔ mi. Simon nɛ ɔ nu he womi nɔ hiɔ yaya hyɛ.

Marko 14:3

Yesu ba Betania, nɛ e ba to Simon we ɔ mi. Simon nɛ ɔ nu he womi nɔ hiɔ yaya ko hyɛ. Benɛ Yesu hii si ngɛ ní yee ɔ, yo ko hɛɛ tɔ kɛ e mi nu via liliili nɛ he jua wa kɛ ba e ngɔ. E ywia tɔ ɔ, nɛ e plɛ nu ɔ ngɔ pue Yesu yi mi.

Luka 12:37

Jamɛ a tsɔli ɔmɛ nɛ a nyɔmtsɛ ɔ ma ba na mɛ kaa a hwɔ we mahe ɔ, a bua maa jɔ! I ngɛ nyɛ dee ke, e ma sa bo kɛ wo e mlɛ mi, nɛ e ma ha tsɔli ɔmɛ maa hi si ngɛ okplɔɔ he, nɛ e ma ha mɛ ní nɛ a ye.

Luka 14:12

Jehanɛ ɔ, Yesu de nɔ nɛ kpee lɛ ɔ ke, “Ke o tsɛ nihi ní yemi piani, loo gbɔkuɛ ɔ, koo kpee o huɛmɛ, loo o nyɛmimɛ, loo o weku li, loo niatsɛmɛ nɛ ngɛ o paka mi. Ke o pee ja a, mɛ hu a maa kpee mo; kɛkɛ ɔ, e ngɛ kaa a wo mo nɔ́ nɛ o pee ɔ he hiɔ.

Luka 22:27

Te nɔ nɛ pe e nyɛmi nɛɛ: nɔ nɛ hii okplɔɔ he nɛ yeɔ ní, aloo nɔ nɛ sɔmɔɔ lɛ? Anɛ pi nɔ nɛ hii okplɔɔ he nɛ yeɔ ní ɔ lo? Se imi lɛɛ i ngɛ nyɛ kpɛti kaa nɔ nɛ sɔmɔɔ.

Luka 5:29

Levi ngmɛ okplɔɔ nguaa ngɛ e we ɔ mi kɛ wo Yesu hɛ mi nyami, nɛ tó tsuli, kɛ ni kpahi fuu kɛ mɛ ba ye ní.

Kpojemi 3:20

Hyɛ, i daa si ngɛ sinya a se, nɛ i ngɛ sie. Ke nɔ ko nu ye gbi nɛ e bli sinya a, ma sɛ mi, nɛ i kɛ lɛ maa ye ní, nɛ lɛ hu e kɛ mi maa ye ní.