Yohane 12:16 - BAIBLO ALOO NGMAMI KLƆUKLƆU Ɔ

¹⁶ Jamɛ a be ɔ, e kaseli ɔmɛ nui nɔ́ nɛ ɔ sisi; se benɛ a tle Yesu si, nɛ a wo e hɛ mi nyami se ɔ, a kai kaa a ngma nɔ́ nɛ ɔ ngɛ Yesu he, nɛ e ba mi.

Somi He Ɔ

¹⁶ Se e kaseli ɔmɛ nɛ́ ni nɛ ɔmɛ a sisi mla mi, se benɛ a wo Yesu hɛ mi nyami se ɔ loko a kai kaa a ngma ni nɛ ɔmɛ ngɛ e he, nɛ lɔ ɔ a pee ha lɛ ɔ nɛ.

Yohane 12:16 ပူးပေါင်းရင်းမြစ်များ

Yohane 2:22

nɛ a he ngmami ɔ, kɛ munyu nɛ Yesu kɛ mɛ tu ɔ tsuo ye.

Yohane 14:26

Tsɛ ɔ maa wo Mumi Klɔuklɔu ɔ blɔ kɛ ba nyɛ ngɔ. Hepiɛlɔ nɛ ɔ maa ba ngɛ ye biɛ mi, nɛ nɔ́ tsuaa nɔ́ nɛ hia kaa nyɛɛ le ɔ, e maa tsɔɔ nyɛ; nɛ nihi tsuo nɛ i de nyɛ ɔ, e ma kai nyɛ.

Yohane 7:39

Blɔɔ, Mumi ɔ he Yesu de enɛ ɔ nɛ, ejakaa nɔ tsuaa nɔ nɛ heɔ lɛ yeɔ ɔ nine maa su Mumi ɔ nɔ. Se jamɛ a be ɔ, Mumi ɔ bɛ lolo, ejakaa a na we nɛ a wo Yesu hɛ mi nyami.

Ni Tsumi 2:36

“Lɔ ɔ he ɔ, Israel bi tsuo nɛ́ a na nɛ a le kaa Yesu ɔ nɛ nyɛ sɛu ɔ, Mawu ngɔ lɛ ngɔ pee Nyɔmtsɛ, kɛ nɔ nɛ lɛ nitsɛ e hla!”

Yohane 12:23

Yesu he nɔ ke, “Jehanɛ lɛɛ be ɔ su nɛ a maa wo Nɔmlɔ Bi ɔ hɛ mi nyami babauu.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 8:1

Nɔ́ nɛ wa ngɛ dee ɔ we oti ɔ tsɔɔ kaa wa ngɛ nɔ ko nɛ ji osɔfo nɔkɔtɔma pe kulaa nɛ hii si ngɛ Mawu matsɛ sɛ ɔ hiɔ nɔ ngɛ hiɔwe.

Ni Tsumi 3:13

Wa nɛmɛ Abraham, Isak, kɛ Yakob a Mawu ɔ wo e tsɔlɔ Yesu hɛ mi nyami. Se nyɛɛ lɛɛ nyɛ je lɛ ngɔ ha, nɛ nyɛ kua lɛ ngɛ Pilato hɛ mi, be mi nɛ lɛɛ e pee e juɛmi kaa e maa ngmɛɛ e he ɔ.

Ni Tsumi 2:33

A wo e nɔ kɛ ho e Tsɛ Mawu ɔ hiɔ nɔ ya, nɛ e ná Mumi Klɔuklɔu nɛ a wo he si ɔ kɛ je e dɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ngɛ nue nɛ ɔ, Yesu lɛ ha nɛ e ba.

Yohane 16:4

Se i ngɛ nyɛ ní nɛ ɔmɛ dee, konɛ ke be ɔ su ɔ, nyɛ kai kaa i wo nɔ ta de nyɛ. “Sisije ɔ, i de we nyɛ ní nɛ ɔmɛ, ejakaa i kɛ nyɛ ngɛ.

Luka 24:45

Jehanɛ ɔ, e bli a juɛmi nya, konɛ a nu ngmami ɔmɛ a sisi.

Luka 24:25

Kɛkɛ nɛ Yesu de mɛ ke, “Kuasiahi nɛ nyɛ sume kaa nyɛ ma he níhi tsuo nɛ gbali ɔmɛ de ɔ maa ye!

Luka 18:34

Se kaseli ɔmɛ nui ní nɛ ɔmɛ ekoeko sisi; a ngɔ munyu ɔmɛ a sisi numi ngɔ laa mɛ, nɛ nɔ́ nɛ Yesu ngɛ dee ɔ, a kɔ we se.

Luka 9:45

Se kaseli ɔmɛ nui nɔ́ nɛ e de ɔ sisi. A ngɔ kɛ laa mɛ, konɛ a ko nu sisi; nɛ mɛ hu a ngɛ gbeye yee kaa a ma bi lɛ munyu ɔ he nɔ́ ko.

Yohane 17:5

Tsaatsɛ, ha nɛ ye hɛ mi nɛ ba nyami amlɔ nɛ ɔ kaa bɔ nɛ i ngɛ momo ngɛ o hɛ mi benɛ a na we nɛ a bɔ je ɔ.

Marko 16:19

Benɛ Nyɔmtsɛ Yesu kɛ mɛ tu munyu se ɔ, a ngɔ lɛ kɛ ho hiɔwe ya, nɛ e ya hi si ngɛ Mawu hiɔ nɔ.

Marko 9:32

Se a nɛ́ nɔ́ nɛ e de nɛ ɔ nya, nɛ a ngɛ gbeye yee hulɔ kaa a ma bi lɛ.