Yohane 12:13 - BAIBLO ALOO NGMAMI KLƆUKLƆU Ɔ

¹³ Lɔ ɔ he ɔ, a kukuɔ tã ba, nɛ a je kpo, nɛ a kɛ lɛ ya kpe kɛ a nɔ ose ke, “Mo kpɔ wɔ oo! Mawu nɛ gbaa nɔ nɛ ma ngɛ Nyɔmtsɛ ɔ biɛ mi ɔ! Mawu nɛ gbaa Israel matsɛ ɔ!”

Somi He Ɔ

¹³ a kukuɔ tã ba, nɛ a je kpo ya kpee lɛ, nɛ a wɔ lele ke: “Hosiana! A gbaa nɔ nɛ ma ngɛ Nyɔmtsɛ ɔ biɛ mi ɔ, Israel matsɛ ɔ!”

Yohane 12:13 ပူးပေါင်းရင်းမြစ်များ

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Kpojemi 7:9

Enɛ ɔ se nɛ ma hyɛ ɔ, nimli asafo nɛ nɔ ko be nyɛe maa kane ji nɛ. A je je ma amɛ tsuo a mi, wɛtso munomuno, nimli munomuno, kɛ gbi munomuno. A daa si ngɛ matsɛ sɛ ɔ, kɛ To bi ɔ hɛ mi kɛ a he tade hiɔ klɔiiklɔii; nɛ nɔ tsuaa nɔ hɛɛ tã kũɔmi ngɛ e dɛ.

Yohane 1:49

Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Mateo 23:39

I ngɛ mo dee ke, kɛ je be nɛ ɔ mi kɛ yaa a, o be mi nae hu kɛ yaa si be nɛ o ma de ke, ‘A gbaa nɔ nɛ ma ngɛ Nyɔmtsɛ ɔ biɛ mi ɔ.’ ”

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Yohane 19:15

Se mɛɛ lɛɛ a kpa ngmlaa ke, “O kɛ lɛ nɛ ya! O kɛ lɛ nɛ ya! Sɛu lɛ!” Pilato bi mɛ ke, “Nyɛ matsɛ ɔ, ma sɛu lɛ lo?” Osɔfo nikɔtɔma amɛ he nɔ ke, “Wa be matsɛ ko kaa ja Kaisare ɔ pɛ.”

Zefania 3:15

Yawɛ gbla nyɛ tue ta; e fie nyɛ he nyɛli ɔmɛ ngɛ nyɛ he. Yawɛ, Israel matsɛ ɔ ngɛ nyɛ kpɛti; nyɛ be gbeye yee hu.

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”

Yesaya 44:6

Bɔ nɛ Yawɛ, Israel matsɛ, kɛ e kpɔlɔ, nɛ lɛ ji Tabohiatsɛ ɔ ngɛ dee ji, “Imi ji kekleekle no, kɛ nyagbe no. Ye se ɔ, Mawu kpa ko be hu.

Mose III, 23:40

Kekleekle ligbi ɔ, nyɛɛ ngɔ tso yiblii kpakpahi, tã bahi, kɛ tso kusuuhi a kɔnihi kɛ a he ba nɛ nyɛ kɛ nya ligbi kpaago kɛ wo Yawɛ, nyɛ Mawu ɔ hɛ mi nyami.

Yohane 12:15

“Zion biyo, koo ye gbeye! O matsɛ ɔ ma. E hi teji bi nɔ.”

Mateo 27:42

“E he ni kpahi a yi wami, se lɛ nitsɛ e nɔ́ lɛɛ e nyɛ we nɛ e he! Pi lɛ nɛ e ke lɛ ji Israel matsɛ ɔ! Jehanɛ ɔ lɛɛ é kple si kɛ je sɛumi tso ɔ nɔ koo, kɛkɛ wa ma he ye!

Yohane 12:14

Yesu na teji ko nɛ e hi nɔ kaa bɔ nɛ a ngma a ke,