Yohane 12:10 - BAIBLO ALOO NGMAMI KLƆUKLƆU Ɔ

¹⁰ Enɛ ɔ he ɔ, osɔfo nikɔtɔma amɛ ya so nɛ a maa gbe Lazaro hulɔ,

Somi He Ɔ

¹⁰ Nɛ osɔfo nikɔtɔma amɛ muɔ a yi mi kpɔ kaa a maa gbe Lazaro hulɔ.

Yohane 12:10 ပူးပေါင်းရင်းမြစ်များ

Luka 16:31

Se Abraham de lɛ ke, ‘Ke a bui Mose kɛ gbali ɔmɛ tue ɔ, lɔ ɔ lɛɛ ke nɔ ko te si kɛ je gbeje tete po, a yi mi be plɛe.’ ”

Mateo 2:16

Benɛ Herode na kaa ní leli ɔmɛ sisi lɛ ɔ, e mi mi fu wawɛɛ. E tsɔ nɛ a ya gbe jokuɛ nyumuwi tsuo nɛ ngɛ Betlehem, kɛ lejɛ ɔ ní ɔmɛ a mi; a gbe kɛ je muɔloku nɔ kɛ ya si ni nɛmɛ nɛ ye jeha enyɔɔnyɔ a nɔ. Herode kale kɛ je be nɛ ní leli ɔmɛ tsɔɔ kaa dodoe ɔ je ɔ, nɛ e kɛ tsu nɔ́ nɛ ɔ.

Yohane 11:57

Osɔfo nikɔtɔma amɛ, kɛ Farisi bi ɔmɛ ya wo ma a si kaa nɔ tsuaa nɔ nɛ le he nɛ Yesu ngɛ ɔ, e ba wo a tue nɔ, konɛ a ya nu lɛ.

Fiɛlɔ 9:3

Níhi nɛ dɛ ngɛ je nɛ ɔ mi ɔ, a kpɛti kake ji kaa haomi baa nihi tsuo a nɔ fiee nɛ slɔɔto be mi; dali jio, yayami peeli jio. Daa nɛ ɔ, yayami kɛ godo hyi nimli adesahi a tsui mi ngɛ je ɔ mi. Kɛkɛ a gbo tlukaa.

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Mateo 12:14

Enɛ ɔ he ɔ, Farisi bi ɔmɛ je kpo, nɛ a ya so Yesu yi nɔ, bɔ nɛ a maa pee nɛ a kpata e hɛ mi.

Yohane 12:9

Yuda bi babauu nu Yesu he ngɛ Betania, nɛ a bu kɛ ba kaa a maa na lɛ, kɛ Lazaro nɛ e tle si kɛ je gbeje ɔ hulɔ.

Yohane 12:11

ejakaa e he ɔ, Yuda bi ɔmɛ a ti nihi babauu kua mɛ, nɛ a ya he Yesu ye.