Yohane 11:55 - BAIBLO ALOO NGMAMI KLƆUKLƆU Ɔ

⁵⁵ Jehanɛ ɔ, Hetsɔmi nyami be ɔ su ta; lɔ ɔ he ɔ, nihi babauu nɛ je ngmɔ si ɔ pue nɔ kɛ ho Yerusalem ya. Kusumi nɛ a peeɔ kɛ tsukɔɔ a he ɔ, a ya konɛ a ya pee loko nyami be ɔ nɛ su.

Somi He Ɔ

⁵⁵ Jeha nɛ ɔ Yudafo ɔmɛ a Hetsɔmi ɔ su ta. Nɛ nihi babauu je zugba a tsuo nɔ kɛ ho Yerusalem ya, konɛ a ya tsukɔ a he loko Hetsɔmi ɔ nɛ su.

Yohane 11:55 ပူးပေါင်းရင်းမြစ်များ

Mose I, 35:2

Kɛkɛ nɛ Yakob de e yi ɔmɛ, kɛ e bimɛ ɔmɛ, kɛ nɔ tsuaa nɔ nɛ kɛ lɛ ngɛ ɔ ke, “Nyɛ jé ma se mawu ɔmɛ nɛ ngɛ nyɛ dɛ ɔ ngɔ pue he; nyɛɛ tsukɔ nyɛ he, nɛ nyɛɛ wo tadehi nɛ a he tsɔ.

Hiob 1:5

Ke a gbe ní yemi ɔ tsuo nya kikɛ nɛ ɔ, jena mɔtu ɔ, Hiob maa te si mla nɛ e maa sã sami bɔ kɛ ha e bimɛ ɔmɛ kakaaka, nɛ e kɛ maa pee mɛ klɔuklɔu. Hiob peeɔ nɔ́ nɛ ɔ daa, ejakaa e susuɔ kaa eko ɔ, e bimɛ ɔmɛ pee yayami kaa a jɛ Mawu nɛ a li a he be.

La 26:6

Yawɛ, ma fɔ ye dɛ kɛ tsɔɔ kaa yayami ko be ye he; konɛ ma bɔle bɔ sami la tɛ ɔ.

Mose II, 19:10

Nɛ Yawɛ de Mose ke, “Yaa nɛ o ya tsukɔ ma a he mwɔnɛ ɔ kɛ hwɔɔ. Ha nɛ a fɔ a tadehi a he,

Mose IV, 9:10

ke e de Israel bi ɔmɛ ke, “Ke nyɛ ti nɔ ko, aloo nyɛ nina ko ya ta nɔ gbogboe he nɛ e kɛ ble e he, aloo e hia blɔ kɛ ho ma se lokoo ya a, jamɛ a nɔ ɔ ma nyɛ maa ye Yawɛ Hetsɔmi ɔ faa.

Mose IV, 9:6

Se ni komɛ ngɛ a kpɛti nɛ a ble a he, ejakaa a ta nɔ gbogboe he; lɔ ɔ he ɔ, mɛɛ a nyɛ we nɛ a ye Hetsɔmi ɔ jamɛ a ligbi ɔ. Kikɛmɛ a nimli nɛ ɔmɛ ba Mose kɛ Aaron a ngɔ jamɛ a ligbi ɔ nɔuu,

Mateo 26:1

Benɛ Yesu tu munyu nɛ ɔmɛ tsuo gbe nya a, e de e kaseli ɔmɛ ke,

Mateo 26:2

“Kaa bɔ nɛ nyɛ le ɔ, e piɛ ligbi enyɔ pɛ nɛ a maa ye Hetsɔmi ɔ, nɛ a maa ngɔ Nɔmlɔ Bi ɔ ngɔ ha nɛ a ya sɛu lɛ.”

Marko 14:1

Benɛ e piɛ ligbi enyɔ nɛ a maa ye Hetsɔmi ɔ, kɛ Abolokplolo nyami be ɔ, osɔfo nikɔtɔma amɛ, kɛ mlaa tsɔɔli ɔmɛ hla bɔ nɛ a maa pee nɛ a nu Yesu ga mi nɛ a gbe lɛ.

Luka 22:1

Jehanɛ ɔ, Abolokplolo nyami be ɔ nɛ a tsɛɛ Hetsɔmi ɔ ba su.

Yohane 12:1

Jehanɛ ɔ, benɛ e piɛ ligbi ekpa nɛ a maa ye Hetsɔmi ɔ, Yesu ba Betania, he nɛ Lazaro nɛ gbo nɛ Yesu tle lɛ si kɛ je gbeje ɔ ngɛ ɔ.

Yohane 13:1

Benɛ e piɛ ligbi kake loko a maa ye Hetsɔmi nyami ɔ, Yesu na kaa jehanɛ lɛɛ be ɔ su nɛ e ma si je ɔ mi kɛ ho Tsɛ ɔ ngɔ ya. Yesu suɔ nihi tsuo nɛ he lɛ ye ngɛ je ɔ mi ɔ saminya kɛ ya si e gbenɔ mi po.

Yohane 18:28

Jena mɔtu mla a, a ngɔ Yesu kɛ je Kayafa ngɔ, nɛ a kɛ lɛ ya amlaalo ɔ mɔ ɔ mi. Yuda ma nimeli ɔmɛ nitsɛmɛ lɛɛ a sɛ we mi, ejakaa a sume nɛ a ble a he, bɔ nɛ pee nɛ a nyɛ nɛ a ye Hetsɔmi ɔ.

Yohane 2:13

Benɛ Yuda bi ɔmɛ a Hetsɔmi nyami be ɔ su ɔ, Yesu ya Yerusalem.

Yohane 2:6

Yuda bi a kusumi ji a fɔ a he nɛ a kɛ tsú a he. Enɛ ɔ he ɔ, didɔ ekpa maa si ngɛ lejɛ ɔ. Didɔ nɛ ɔmɛ ɔ, eko tsuaa eko yeɔ nyu lita lafa.

Yohane 5:1

Enɛ ɔ se ɔ, Yuda bi ɔmɛ ngɛ nyami ligbi yee ngɛ Yerusalem, nɛ Yesu ya lejɛ ɔ.

Yohane 6:4

Be nɛ Yuda bi ɔmɛ maa ye Hetsɔmi nyami ɔ su ta.

Ni Tsumi 21:24

O kɛ mɛ nɛ ya, nɛ kusumi nɛ a peeɔ kɛ tsukɔɔ nɔ he ɔ, nyɛ ya pee, nɛ o wo hiɔ ɔ ha mɛ, konɛ a sɛ a yi. Ke o pee ja a, nihi tsuo maa na kaa níhi nɛ a ba sɛɛ ngɛ o he ɔ be mi, se mohu mo nitsɛ po o yeɔ Mose mlaa a nɔ sisiisi.

Ni Tsumi 21:26

Lɔ ɔ he ɔ, e nɔ jena a, Paulo kɛ nyumu ɔmɛ ho nɛ a ya pee kusumi kɛ tsukɔ a he. Lɔ ɔ se ɔ, e ya sɔlemi we ɔ, nɛ a ya wo si kaa otsi se ɔ, a maa gbe kusumi ɔ nya, nɛ a ti nɔ tsuaa nɔ ma ba sã bɔ.

Ni Tsumi 24:18

Benɛ i ngɛ kusumi ɔmɛ pee ɔ, a na mi ngɛ sɔlemi we ɔ. Jamɛ a be ɔ mi ɔ, i pee kusumi ɔ kɛ tsukɔ ye he gbe nya momo. Nɔ ko nɛ́ mi nɛ i kɛ nihi fuu daa si, jehanɛ hu, nɔ ko pee we basabasa ngɛ lejɛ ɔ.

1 Korintobi 11:28

Nɔ tsuaa nɔ nɛ hyɛ e tsui mi kekle loko e ye abolo ɔ, nɛ e nu wai nɛ ngɛ kplu ɔ mi ɔ.

Yakobo 4:8

Nyɛɛ hɛ nyɛ kɛ su Mawu he, nɛ e maa hɛ lɛ kɛ su nyɛ he. Yayami peeli, nyɛ fɔ nyɛ dɛ! Nyɛ yi mi enyɔɔnyɔtsɛmɛ, nyɛ tsake nyɛ tsui.

Samuel I, 16:5

E he nɔ ke, “Ee, i ba nɛ ma ba sã bɔ ha Yawɛ. Nyɛɛ tsukɔ nyɛ he nɛ waa ho bɔ sami he ɔ ya.” E tsukɔ Ishai kɛ e binyumu ɔmɛ a he, nɛ e kpee mɛ hu kɛ ya bɔ sami he ɔ.