Yohane 11:52 - BAIBLO ALOO NGMAMI KLƆUKLƆU Ɔ

⁵² Pohu pi ma a nane mi kɛkɛ, se e ma bua Mawu bimɛ tsuo nɛ gbɛ fĩa hu a nya kɛ pee kake.

Somi He Ɔ

⁵² nɛ pi ngɛ ma a kɛkɛ nane mi, se benɛ pee nɛ e bua Mawu bimɛ nɛ gbɛ fia a hu nya ngɔ pee kake.

Yohane 11:52 ပူးပေါင်းရင်းမြစ်များ

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

La 22:15

Ye kuɔ si gbli kaa ngɛyu kokoe mi, nɛ ye lilɛ mɛtɛ ye nya mi. O si mi ngɛ tabo zu mi kaa nɔ nɛ gbo.

La 22:27

Je mahi tsuo ma kai Yawɛ; a maa je he tsuaa he kɛ ba e ngɔ ba ja lɛ.

La 72:19

A je e biɛ klɔuklɔu ɔ yi kɛ ya neneene! A wo e hɛ mi nyami ngɛ je ɔ mi tsuo! Amen! Amen!

Yesaya 49:18

Hyɛ o he kɛ kpe, nɛ o maa na nɔ́ ko! O ma mi bi ɔmɛ ngɛ a he nya buae kɛ ma we! Ligbi abɔ nɛ imi Yawɛ i ngɛ nɛ ɔ, ma ha o bua maa jɔ o ma a he kaa bɔ nɛ ayɛflo bua jɔɔ june nɛ e wo he ɔ.

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 55:5

Jehanɛ lɛɛ, o ma tsɛ je mahi nɛ li mo kɛ ba; sa a, a li mo, se jehanɛ lɛɛ a ma wo fo kɛ ba o ngɔ! Imi Yawɛ, Israel Mawu klɔuklɔu ɔ ma ha ní nɛ ɔmɛ tsuo maa ba mi.”

Yesaya 56:8

Nyɔmtsɛ Yawɛ nɛ ngɛ e ma Israel nya buae kɛ je ma se kɛ ma we ɔ, bɔ nɛ e ngɛ dee ji, “Ma bua ni kpahi a nya kɛ piɛ nihi nɛ a bua a nya momo ɔ a he.”

Yesaya 60:4

Wo o yi nɔ nɛ o hyɛ o he kɛ kpe. O nɛ, mɛ tsuo a ngɛ a he nya buae; a ngɛ a he nya buae kɛ ma o ngɔ! O binyumu ɔmɛ maa je ma se tsitsaa kɛ ba, nɛ o biyi ɔmɛ lɛɛ a maa hɛɛ mɛ kaa bimwɔwi kɛ ba.

Ezekiel 34:12

Bɔ nɛ to hyɛlɔ hlaa e tohi nɛ gbɛ fĩa, nɛ e buaa a nya ekohu ɔ, jã ma hla ye to ɔmɛ a se blɔ. Ma kpaka mɛ kɛ je he tsuaa he nɛ a gbɛ fĩa ligbi ɔ nɛ jamɛ amanehlu kɔɔhiɔ yaya ba fia mɛ ɔ.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Luka 15:8

“Aloo waa ngɔ lɛ kaa yo ko ngɛ sika hiɔ yi nyɔngma, nɛ kake laa. Mɛni e maa pee? E maa su kane, nɛ e maa bɛɛ we ɔ mi, nɛ e ma hla sika a fitsofitso hluu kɛ yaa si e maa na.

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Yohane 1:12

Se nihi tsuo nɛ he lɛ atuu, nɛ a he lɛ ye ɔ, e ha mɛ blɔ nya kaa a ba pee Mawu bimɛ.

Yohane 1:29

E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.

Yohane 12:32

Ke a wo ye nɔ kɛ je zugba a nɔ ɔ, ma gbla nihi tsuo kɛ ba ye ngɔ.”

Ni Tsumi 18:10

ejakaa i kɛ mo ngɛ. Nɔ ko nɔ ko be nyɛe maa pee mo yayami ko; ejakaa i ngɛ we bi babauu ngɛ ma nɛ ɔ mi.”

Romabi 3:29

Anɛ Mawu ɔ, Yuda bi kɛkɛ a Mawu lo? Anɛ pi ma je li ɔmɛ hu a Mawu ji lɛ lo? Ee, ma je li ɔmɛ hu a Mawu ji lɛ.

Romabi 4:17

Ejakaa ngmami ɔ deɔ ke, “Ma pee mo je mahi babauu a tsɛ.” Mawu ɔ nɛ Abraham he ye ɔ, anɔkualetsɛ ji lɛ, nɛ si nɛ e wo ɔ maa ba mi. Lɛ ji Mawu nɛ tleɔ ni gbogboehi si kɛ baa wami mi ekohu; nɔ́ nɛ bɛ je mi hyɛ po, e haa e baa.

Efesobi 1:5

e pee e yi mi momo kaa kɛ gu Yesu Kristo nɔ ɔ, e maa ngɔ wɔ kɛ pee e bimɛ. Nɔ́ nɛ e suɔ, nɛ e to nɛ e maa pee ji nɛ ɔ nɛ.

Efesobi 3:11

Blema lokoo nɛ Mawu to e yi mi kaa e ma tsu nɔ́ ko kaa kikɛ nɛ ɔ, nɛ e gu wa Nyɔmtsɛ Kristo Yesu nɔ nɛ e ha nɛ e ba mi.

Yakobo 1:1

Imi Yakobo, Mawu kɛ Nyɔmtsɛ Yesu Kristo tsɔlɔ ɔ lɛ i ngɛ womi nɛ ɔ ngmae kɛ ya ha wɛtso nyɔngma kɛ enyɔ ɔmɛ nɛ gbɛ fĩa je ɔ mi tsuo. Nyɛ he manye!

1 Petro 1:1

Imi Petro, Yesu Kristo bɔfo ɔ, i ngɛ womi nɛ ɔ ngmae kɛ ngɛ nyɛ nihi nɛ Mawu hla, nɛ nyɛ gbɛ fĩa Ponto, Galatia, Kapadokia, Asia, kɛ Bitinia zugba amɛ a nɔ ɔ manee.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

1 Yohane 3:1

Nyɛɛ hyɛ suɔmi sɔuu nɛ Tsɛ ɔ ngɛ kɛ ha wɔ, kaa e ma tsɛ wɔ e bimɛ; niinɛ Mawu bimɛ ji wɔ. Enɛ ɔ he ɔ, je ɔ li wɔ, ejakaa lɛ Mawu ɔ nitsɛ hu je ɔ li lɛ.

1 Yohane 3:10

Slɔɔto titli nɛ ngɛ Mawu bimɛ, kɛ Abosiami bimɛ a kpɛti ji nɛ ɔ nɛ. Nɔ tsuaa nɔ nɛ pee we nɔ́ nɛ da, aloo nɔ nɛ sume e nyɛmi ɔ, pi Mawu bi ji lɛ.

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

Kpojemi 5:9

Hɛ kali ɔmɛ, kɛ ni kpa amɛ la la he kɛ ha To bi ɔ ke, “Mo nɛ o sa kaa o heɔ womi kpo ɔ, nɛ o tsɔɔ nya sɔumi ní ɔmɛ. Ejakaa a gbe mo, nɛ o kɛ o muɔ ɔ he adesahi tsuo, wɛtsohi, gbihi, mahi, kɛ je mahi kɛ ha Mawu.