Yohane 11:47 - BAIBLO ALOO NGMAMI KLƆUKLƆU Ɔ

⁴⁷ Lɔ ɔ he ɔ, osɔfo nikɔtɔma amɛ, kɛ Farisi bi ɔmɛ tsɛ kpe ngua a mi bi ɔmɛ kɛ kpe, nɛ a de ke, “Kɛ wa maa pee kɛɛ? Nyɛɛ hyɛ níhi tsuo nɛ nyumu nɛ ɔ ngɛ pee kɛ ngɛ okadi toe.

Somi He Ɔ

⁴⁷ Lɔ ɔ he ɔ, osɔfo nikɔtɔma amɛ kɛ Farisifo ɔmɛ tsɛ kpe, nɛ a ke: “Kɛ wa ngɛ pee kɛɛ? Nyumu nɛ ɔ ngɛ okadi slɔɔtohi fuu pee.

Yohane 11:47 ပူးပေါင်းရင်းမြစ်များ

Mateo 26:3

Jamɛ a be ɔ mi ɔ, osɔfo nikɔtɔma amɛ, kɛ ma nimeli ɔmɛ ya bua a he nya ngɛ osɔfo nɔkɔtɔma pe kulaa Kayafa mɔ ɔ mi,

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Marko 14:1

Benɛ e piɛ ligbi enyɔ nɛ a maa ye Hetsɔmi ɔ, kɛ Abolokplolo nyami be ɔ, osɔfo nikɔtɔma amɛ, kɛ mlaa tsɔɔli ɔmɛ hla bɔ nɛ a maa pee nɛ a nu Yesu ga mi nɛ a gbe lɛ.

Luka 22:2

Osɔfo nikɔtɔma amɛ, kɛ mlaa tsɔɔli ɔmɛ ye ma a gbeye; lɔ ɔ he ɔ, a hla blɔ nɔ nɛ a maa gu kɛ gbe Yesu ngɛ laami mi.

Yohane 11:57

Osɔfo nikɔtɔma amɛ, kɛ Farisi bi ɔmɛ ya wo ma a si kaa nɔ tsuaa nɔ nɛ le he nɛ Yesu ngɛ ɔ, e ba wo a tue nɔ, konɛ a ya nu lɛ.

Yohane 12:19

Lɔ ɔ he ɔ, Farisi bi ɔmɛ de a he ke, “Tse nyɛ na kaa nyɛ nyɛ we nɔ́ ko nɛ nyɛɛ pee. Hyɛ, je ɔ tsuo nɛ hia kɛ nyɛɛ e se ɔ nɛ.”

Yohane 2:11

Enɛ ɔ ji kekleekle nyakpɛ nɔ́ nɛ Yesu pee ngɛ Kana ngɛ Galilea kɛ to okadi kaa Mawu ha lɛ he wami; nɛ e kaseli ɔmɛ he lɛ ye.

Yohane 6:2

Nimli babauu nyɛɛ e se, ejakaa a na nɛ e tsa hiɔtsɛmɛ kɛ to okadi kaa Mawu Bi ji lɛ.

Yohane 7:32

Benɛ Farisi bi ɔmɛ nu nɛ ma kpekpemi ɔ ngɛ Yesu he munyu tue kusikusi ɔ, a kɛ osɔfo nikɔtɔma amɛ tsɔ nihi ke a ya nu lɛ kɛ ba.

Yohane 7:45

Benɛ tsɔli ɔmɛ kpale kɛ ba a, osɔfo nikɔtɔma amɛ, kɛ Farisi bi ɔmɛ bi mɛ ke, “Mɛni he je nyɛɛ kɛ lɛ bɛ ɔ?”

Ni Tsumi 5:21

Bɔfo ɔmɛ pee bɔ nɛ a de mɛ ɔ. A pue nɔ mɔtu kɛ ho sɔlemi we ɔ ya ya tsɔɔ ní. Jehanɛ osɔfo nɔkɔtɔma pe kulaa a, kɛ e nikɔtɔma amɛ tsɛ Yuda ma nimeli ɔmɛ nɛ a ngɛ kpe ngua a mi ɔ kpe. A tsɔ nihi kɛ ya he nɛ a wo bɔfo ɔmɛ tsu ngɛ ɔ, konɛ a ya ngɔ mɛ kɛ ba.

Ni Tsumi 5:24

Benɛ osɔfo nikɔtɔma amɛ, kɛ sɔlemi we ɔ asafoatsɛ ɔ nu kikɛmɛ a munyu nɛ ɔ, a hɛ mi pee mɛ yaa, nɛ a li nɔ nɛ a ma de.