Yohane 11:45 - BAIBLO ALOO NGMAMI KLƆUKLƆU Ɔ

⁴⁵ Yuda bi ɔmɛ nɛ ba Maria ngɔ ɔ, a ti nihi babauu na nɔ nɛ Yesu pee ɔ, nɛ a he lɛ ye.

Somi He Ɔ

⁴⁵ Lɔ ɔ he ɔ, Yudafo ɔmɛ nɛ ba Maria ngɔ ɔ a ti nihi fuu he Yesu nɔ ye, benɛ a na nihi nɛ e pee ɔ.

Yohane 11:45 ပူးပေါင်းရင်းမြစ်များ

Mose II, 14:31

Benɛ Israel bi ɔmɛ na he wami nguaa nɛ Yawɛ kɛ ye Egipt bi ɔmɛ a nɔ ɔ, a ye lɛ gbeye, nɛ a he lɛ, kɛ e tsɔlɔ Mose ɔ ye.

Yohane 10:41

Nihi babauu ba e ngɔ, nɛ a de ke, “Yohane pee we okadi ko lɛɛ, se níhi tsuo nɛ e de ngɛ nɔmlɔ nɛ ɔ he ɔ, anɔkuale sisiisi.”

Yohane 11:19

lɔ ɔ he ɔ, Yuda bi babauu ba Marta kɛ Maria a ngɔ, konɛ a ba ye mɛ kɔmɔ ngɛ a nyɛminyumu ɔ gbenɔ ɔ he.

Yohane 11:31

Yuda bi ɔmɛ nɛ kɛ Maria ngɛ we ɔ mi, nɛ a ngɛ lɛ kɔmɔ yee ɔ na bɔ nɛ e te si nɛ e sá e he kɛ je kpo, nɛ a nyɛɛ e se. A susu kaa e yaa yɔkɔ ɔ he nɛ e ya fo ya ngɛ lejɛ ɔ.

Yohane 12:42

Yuda ma nimeli ɔmɛ a ti nihi babauu he Yesu ye, se Farisi bi ɔmɛ a he ɔ, a nyɛ we nɛ a ye odase paa, bɔ nɛ pee nɛ a ko fie mɛ ngɛ kpe he ɔ.

Yohane 2:23

Yesu hi Yerusalem Hetsɔmi nyami be ɔ tsuo. E pee okadihi babauu, nɛ nihi tsuo nɛ na a, a he lɛ ye.

Yohane 7:31

Ma mi bi ɔmɛ a ti nihi babauu he Yesu ye, lɔ ɔ he ɔ, a bi ke, “Anɛ Mesia a nɛ maa ba a ma nyɛ to okadi pe nɔmlɔ nɛ ɔ lo?”