Yohane 11:44 - BAIBLO ALOO NGMAMI KLƆUKLƆU Ɔ

⁴⁴ Kɛkɛ nɛ gbogboe ɔ je kpo. Bo nɛ a kɛ pu lɛ ɔ blaa e nine kɛ e nane, nɛ duku fi e hɛ mi. Yesu de mɛ ke, “Nyɛɛ pɛne lɛ nɛ nyɛ ha e ya.”

Somi He Ɔ

⁴⁴ Nɛ nɔ gbogboe ɔ je kpo, bo nɛ a kɛ pu lɛ ɔ blaa e nane, nɛ duku fi e hɛ mi. Yesu de mɛ ke: “Nyɛɛ pɛne lɛ nɛ nyɛ ha e ya.”

Yohane 11:44 ပူးပေါင်းရင်းမြစ်များ

Yohane 5:25

I ngɛ nyɛ dee anɔkuale mi ke be ma, pohu e su ta, nɛ gbogboehi maa nu Mawu Bi ɔ gbi, nɛ a maa ba wami mi ekohu.

Yohane 20:7

kɛ duku nɛ a kɛ fi e yi ɔ hulɔ. Duku ɔ be kploba amɛ a kasa nya; se mohu a ku mi kɛ fɔ si ngɛ he ko banee.

Filipibi 3:21

E ma tsake wa nɔmlɔ tso nɛ hɛ mi be nyami ɔ; e maa pee lɛ kaa lɛ nitsɛ e nɔmlɔ tso nɛ hɛ mi ngɛ nyami ɔ. E ngɛ he wami nɛ e kɛ yeɔ níhi tsuo a nɔ.

Yohane 10:30

I kɛ Tsɛ ɔ ni kake ji wɔ.”

Yohane 5:21

Kaa bɔ nɛ Tsɛ ɔ tleɔ gbogboe si, nɛ e ngɔɔ wami woɔ mi ɔ, jã nɔuu Bi ɔ hu haa níhi nɛ e suɔ mɛ ɔ wami.

Luka 7:15

Kɛkɛ nɛ nɔ nɛ gbo ɔ te si nɛ e hi si, nɛ e bɔni munyu tumi. Nɛ Yesu ngɔ lɛ kɛ ha e nyɛ.

Samuel I, 2:6

Yawɛ gbeɔ nɔ, nɛ e haa nɔ wami ekohu; e kɛ nɔ yaa gbeje, nɛ e kpaleɔ lɛ kɛ baa wami mi ekohu.

Mose I, 1:3

Kɛkɛ nɛ Mawu fa ke, “La nɛ ba”; nɛ la ba.

Kpojemi 1:18

Imi ji hɛ kalɔ ɔ! I gbo, se hyɛ, ye hɛ ngɛ kɛ yaa neneene. I ngɛ gbenɔ kɛ gbeje a nya safe.

Yohane 19:40

Mɛ ni enyɔ ɔmɛ a ya ngɔ Yesu gbogboe ɔ, nɛ a wo lɛ tsopa kɛ e he via a, nɛ a kɛ kploba bla lɛ kaa bɔ nɛ Yuda bi peeɔ kɛ puɔ nɔ ɔ.

Marko 5:43

Se Yesu wo mɛ si veveeve ke a ko ha nɔ ko nɔ ko nɛ le nɔ nɛ ba a. Kɛkɛ nɛ e fa ke a ha lɛ nɔ́ ko nɛ e ye.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

La 33:9

Ejakaa munyu kɛkɛ lɛ e tu nɛ e kɛ bɔ je ɔ. Fami kɛkɛ lɛ e fa nɛ níhi tsuo ba.

Yohane 20:5

E ya kɔkɔ e yi si, nɛ e na kploba amɛ nɛ a kɛ bla Yesu gbogboe ɔ, se e sɛ we yɔkɔ ɔ mi.

Yohane 11:39

Yesu fa mɛ ke, “Nyɛ je tɛ ɔ.” Marta, nyumu ɔ nɛ gbo ɔ nyɛmiyo ɔ he nɔ ke, “Nyɔmtsɛ, be nɛ ɔ mi ɔ, nɔ ɔ puɛ, ejakaa ligbi eywiɛ sɔuu ji nɛ ɔ nɛ e gbo.”

Luka 19:20

“Tsɔlɔ kpa hu ba ba de ke, ‘Nyɔmtsɛ, o sika tsu ɔ ji nɛ ɔ nɛ i fi ngɔ wo duku mi ngɔ to.

Yohane 11:43

Benɛ e de enɛ ɔ se ɔ, e tsɛ lɛ kɛ gbi wawɛɛ ke, “Lazaro lee-ee, jee kpo!”