Yohane 11:43 - BAIBLO ALOO NGMAMI KLƆUKLƆU Ɔ

⁴³ Benɛ e de enɛ ɔ se ɔ, e tsɛ lɛ kɛ gbi wawɛɛ ke, “Lazaro lee-ee, jee kpo!”

Somi He Ɔ

⁴³ Nɛ benɛ e de kikɛ ɔ, e tsɛ lɛ kɛ gbi wawɛɛ ke: “Lazaro leee, jee kpo!”

Yohane 11:43 ပူးပေါင်းရင်းမြစ်များ

Marko 4:41

Se mɛɛ a he mi po, nɛ a bi a he ke, “Mɛnɔ ji nɛ ɔ nɛ kɔɔhiɔ kɛ wo tete buɔ lɛ tue nɛ ɔ!”

Yohane 11:42

I le kaa o buɔ mi tue be tsuaa be; se i ngɛ enɛ ɔ dee ngɛ nihi nɛ pueɔ si nɛ ɔ a he, bɔ nɛ pee nɛ a he ye kaa mo nɛ o tsɔ mi.”

Yohane 11:44

Kɛkɛ nɛ gbogboe ɔ je kpo. Bo nɛ a kɛ pu lɛ ɔ blaa e nine kɛ e nane, nɛ duku fi e hɛ mi. Yesu de mɛ ke, “Nyɛɛ pɛne lɛ nɛ nyɛ ha e ya.”

Yohane 12:1

Jehanɛ ɔ, benɛ e piɛ ligbi ekpa nɛ a maa ye Hetsɔmi ɔ, Yesu ba Betania, he nɛ Lazaro nɛ gbo nɛ Yesu tle lɛ si kɛ je gbeje ɔ ngɛ ɔ.

Yohane 12:9

Yuda bi babauu nu Yesu he ngɛ Betania, nɛ a bu kɛ ba kaa a maa na lɛ, kɛ Lazaro nɛ e tle si kɛ je gbeje ɔ hulɔ.

Ni Tsumi 3:12

Benɛ Petro na ni ɔmɛ ɔ, e de mɛ ke, “Ye nyɛmimɛ Israel fɔfɔɛhi, mɛni he je nyɛ hɛ mi pee nyɛ yaa? Mɛni he je nyɛ ngɛ wɔ hyɛe gaa kikɛ nɛ ɔ? Nyɛ susu kaa wɔ nitsɛmɛ wa he wami, aloo wa Mawu nɛ wa jaa saminya he je nɛ nyumu nɛ ɔ ngɛ nyɛɛe nɛ ɔ?

Ni Tsumi 3:6

Se Petro de lɛ ke, “I be sika hiɔ, loo sika tsu, se nɔ́ nɛ i ngɛ ɔ, lɔ ɔ i ngɛ mo hae nɛ ɔ nɛ. Ngɛ Yesu Kristo, Nazaret no ɔ biɛ mi ɔ, tee si nɛ o nyɛɛ!”

Ni Tsumi 9:34

Kɛkɛ nɛ Petro de lɛ ke, “Aenea, Yesu Kristo tsa mo; tee si nɛ o hluɛ o sa a!” Aenea te si amlɔ.

Ni Tsumi 9:40

Se Petro je mɛ kpo. Kɛkɛ nɛ e kpla si nɛ e sɔle; nɛ e plɛ e hɛ mi ngɔ kpee gbogboe ɔ, nɛ e de ke, “Tabita, tee si!” Tabita bli e hɛngmɛ; nɛ benɛ e na Petro ɔ, e wo e he nɔ, nɛ e hi si.