Yohane 11:40 - BAIBLO ALOO NGMAMI KLƆUKLƆU Ɔ

⁴⁰ Yesu de lɛ ke, “Anɛ i de we mo ke, ke o he ye ɔ, o maa na Mawu hɛ mi nyami ɔ lo?”

Somi He Ɔ

⁴⁰ Yesu de lɛ ke: “Anɛ i de we mo ke ke o he ye ɔ, o maa na Mawu hɛ mi nyami ɔ lo?”

Yohane 11:40 ပူးပေါင်းရင်းမြစ်များ

Kronika II, 20:20

E nɔ jena mɔtu kpla a, ma a hia kɛ ho Tekoa nga a nɔ ya. Benɛ a yaa a, Yehoshafat de mɛ ke, “Nyɛ Yuda, kɛ Yerusalem bi! Nyɛɛ ngɔ nyɛ hɛ kɛ fɔ Yawɛ nyɛ Mawu ɔ nɔ, nɛ nyɛ maa ye manye. Nyɛ he nɔ́ nɛ e gbali ɔmɛ deɔ nyɛ ɔ nyɛɛ ye, nɛ nyɛ maa ye kunimi.”

La 63:2

Lɔ ɔ he i ngɛ mo blɔ hyɛe ngɛ he klɔuklɔu ɔ, kaa ma na o he wami ɔ, kɛ o hɛ mi nyami ɔ!

La 90:16

Ha nɛ wɔ, o tsɔli ɔmɛ, waa na o ní tsumi ɔmɛ. Ha nɛ wa bimɛ ɔmɛ nɛ a na o he wami kpetekpleenyɛ ɔ.

Mose II, 16:7

Mɔtu ɔ, nyɛ maa na Yawɛ hɛ mi nyami ɔ; ejakaa e nu nyɛ munyu huitihuiti nɛ nyɛ tu kɛ si lɛ ɔ. Wɔɔ lɛɛ wa pi ni komɛ nɛ ke nyɛ hɔɔ nya si wo wa he nɛ e peeɔ nɔ́ ko.”

Mateo 17:20

Yesu he nɔ ke, “Ejakaa nyɛ hemi kɛ yemi pi. Niinɛ, i ngɛ nyɛ dee ke, ke nyɛ ngɛ hemi kɛ yemi nɛ kle kaa sinapi wu ɔ, nyɛ ma de yo nɛ ɔ ke, ‘Hiaa kɛ je hiɛ ɔ kɛ ya lejɛ ɔ,’ nɛ e maa hia. Nɔ́ ko nɔ́ ko peemi be wae ha nyɛ!” [

Marko 9:23

Yesu de lɛ ke, “O ngɛ dee ke, Ke o ma nyɛ, pi jã a? A ma nyɛ pee nɔ́ tsuaa nɔ́ ha nɔ nɛ heɔ yeɔ ɔ!”

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 11:4

Benɛ Yesu nu kaa Lazaro ngɛ gboe ɔ, e de ke, “Hiɔ nɛ ɔ be Lazaro gbee, se mohu a maa gu enɛ ɔ nɔ kɛ wo Mawu hɛ mi nyami; nɛ enɛ ɔ nɔuu a kɛ maa wo Mawu Bi ɔ hɛ mi nyami.”

Yohane 12:41

Yesaya de enɛ ɔ, ejakaa e na Yesu hɛ mi nyami ɔ ngɛ e hɛ mi lokoo, nɛ e tu he munyu.

Yohane 9:3

Yesu he nɔ ke, “Nɔmlɔ nɛ hɛ yu nɛ ɔ, pi lɛ nitsɛ nɛ pee yayami, nɛ pi e fɔli hulɔ. Mohu ɔ, e hɛ yu, bɔ nɛ pee nɛ a gu e nɔ kɛ tsɔɔ bɔ nɛ Mawu he wami ɔ tsuɔ ní ha.

Romabi 6:4

Lɔ ɔ he ɔ, nɛ a sɔle wɔ ɔ, wa gbo kaa bɔ nɛ Kristo gbo ɔ, nɛ a pu waa kɛ lɛ tsuo, konɛ bɔ nɛ Tsɛ ɔ tle Kristo si ngɛ nyami mi ɔ, wɔ hu wa na wami he.

2 Korintobi 3:18

Wɔ Kristo we bi lɛɛ hɛ mi hami nɔ́ ko be wa hɛ mi; wa ngɛ kaa a huhuɛ nɛ Nyɔmtsɛ ɔ hɛ mi nyami ɔ kpɛɔ kɛ guu mi. Kikɛmɛ a hɛ mi nyami ɔ ji Nyɔmtsɛ ɔ mumi ɔ nɛ. Nɛ akɛnɛ mumi ɔ ngɛ ní tsue ngɛ wa mi daa he je ɔ, wa ngɛ tsakee ngɛ pee kaa lɛ.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.