Yohane 11:4 - BAIBLO ALOO NGMAMI KLƆUKLƆU Ɔ

⁴ Benɛ Yesu nu kaa Lazaro ngɛ gboe ɔ, e de ke, “Hiɔ nɛ ɔ be Lazaro gbee, se mohu a maa gu enɛ ɔ nɔ kɛ wo Mawu hɛ mi nyami; nɛ enɛ ɔ nɔuu a kɛ maa wo Mawu Bi ɔ hɛ mi nyami.”

Somi He Ɔ

⁴ Se benɛ Yesu nu enɛ ɔ ɔ, e ke: “Kikɛmɛ a hiɔ nɛ ɔ pi gbenɔ hiɔ, se mohu Mawu hɛ mi nyami ɔ he je, benɛ pee nɛ a wo Mawu Bi ɔ hɛ mi nyami.”

Yohane 11:4 ပူးပေါင်းရင်းမြစ်များ

Mose II, 16:7

Mɔtu ɔ, nyɛ maa na Yawɛ hɛ mi nyami ɔ; ejakaa e nu nyɛ munyu huitihuiti nɛ nyɛ tu kɛ si lɛ ɔ. Wɔɔ lɛɛ wa pi ni komɛ nɛ ke nyɛ hɔɔ nya si wo wa he nɛ e peeɔ nɔ́ ko.”

Yohane 10:38

Se ke jamɛ a ní tsumi ɔmɛ i tsuɔ ɔ, lɔ ɔ lɛɛ ke nyɛ he we imi nitsɛ yi po ɔ, níhi nɛ i peeɔ ɔ, nyɛ he nyɛɛ ye mɔ. Kɛkɛ ɔ, nyɛ maa le si kake nyɔngloo kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.”

Yohane 11:40

Yesu de lɛ ke, “Anɛ i de we mo ke, ke o he ye ɔ, o maa na Mawu hɛ mi nyami ɔ lo?”

Yohane 12:28

Tsaatsɛ, wo mo nitsɛ o hɛ mi nyami!” Kɛkɛ nɛ gbi ko je hiɔwe de ke, “I wo ye hɛ mi nyami momo, se ma kpale pee ekohu.”

Yohane 17:1

Benɛ Yesu de ní nɛ ɔmɛ se ɔ, e wo hɛ nɔ kɛ hyɛ hiɔwe, nɛ e ke, “Tsaatsɛ, be ɔ su. Ha nɛ a wo o Bi ɔ hɛ mi nyami, konɛ Bi ɔ hu nɛ wo o hɛ mi nyami.

Yohane 17:10

Nɔ́ tsuaa nɔ́ nɛ i ngɛ ɔ, o nɔ, nɛ nɔ́ tsuaa nɔ́ nɛ o ngɛ ɔ, imi hu ye nɔ; nɛ ní nɛ ɔmɛ tsuo woɔ o hɛ mi nyami.

Yohane 17:5

Tsaatsɛ, ha nɛ ye hɛ mi nɛ ba nyami amlɔ nɛ ɔ kaa bɔ nɛ i ngɛ momo ngɛ o hɛ mi benɛ a na we nɛ a bɔ je ɔ.

Yohane 2:11

Enɛ ɔ ji kekleekle nyakpɛ nɔ́ nɛ Yesu pee ngɛ Kana ngɛ Galilea kɛ to okadi kaa Mawu ha lɛ he wami; nɛ e kaseli ɔmɛ he lɛ ye.

Yohane 5:23

Kɛkɛ ɔ, nihi tsuo maa wo Bi ɔ hɛ mi nyami kaa bɔ nɛ a woɔ Tsɛ ɔ hɛ mi nyami ɔ. Lɔ ɔ he ɔ, nɔ tsuaa nɔ nɛ wui imi Bi ɔ, ye hɛ mi nyami ɔ, Tsɛ ɔ nɛ tsɔ mi ɔ hɛ mi nyami e wui ɔ nɛ.

Yohane 8:54

Yesu he nɔ ke, “Kaa imi nitsɛ nɛ i woɔ ye hɛ mi nyami ɔ, lɛɛ lɔ ɔ pi nɔ́ ko; se hyɛ, Tsaatsɛ nɛ nyɛ tsɛɔ ke nyɛ Mawu ɔ, lɛ nɔuu nɛ woɔ ye hɛ mi nyami.

Yohane 9:24

Yuda bi ɔmɛ kpale tsɛ nyumu ɔ nɛ a fɔ lɛ hɛ yuyuilɔ ɔ ekohu, nɛ a bi lɛ ke, “Ka wɔ kita ngɛ Mawu hɛ mi ngɛ hiɛmɛ nɛ ɔ kaa o maa tu wɔ anɔkuale! Wɔɔ lɛɛ wa le kaa nɔmlɔ nɛ tsa mo ɔ yayami peelɔ ji lɛ.”

Yohane 9:3

Yesu he nɔ ke, “Nɔmlɔ nɛ hɛ yu nɛ ɔ, pi lɛ nitsɛ nɛ pee yayami, nɛ pi e fɔli hulɔ. Mohu ɔ, e hɛ yu, bɔ nɛ pee nɛ a gu e nɔ kɛ tsɔɔ bɔ nɛ Mawu he wami ɔ tsuɔ ní ha.

Romabi 11:11

Jehanɛ, i ngɛ bie ke, nɛ a tɛ nɔ́ nɛ a nɔ si ɔ, a nɔ gbidii nɛ a ti hu lo? Dɛbi! A si gbeemi ɔ bli blɔ ha ma je li ɔmɛ, nɛ a he a yi wami. Enɛ ɔ ha Israel bi ɔmɛ je mɛ hunga.

Filipibi 1:11

Kristo Yesu nitsɛ ma ha nyɛ ma na subai nɛ hi saminya ngɛ nyɛ wami si himi mi, konɛ a wo Mawu hɛ mi nyami, nɛ a je e yi.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

1 Petro 1:21

Nyɛ gu e nɔ kɛ he Mawu ye; Mawu nɛ tle lɛ si, nɛ e wo e hɛ mi nyami. Lɔ ɔ he ɔ, nyɛ he Mawu nyɛɛ ye, nɛ nyɛɛ ngɔ nyɛ hɛ ngɔ fɔ lɛ nɔuu e nɔ.

1 Petro 4:11

Ke nɔ ko ngɛ fiɛe ɔ, e fiɛ Mawu sɛ gbi ɔ; ke nɔ ko ngɛ sɔmɔe ɔ, e ngɔ he wami nɛ Mawu ha lɛ ɔ kɛ sɔmɔ. Nɔ́ tsuaa nɔ́ nɛ nyɛ ngɛ pee ɔ, e ha nɛ nihi nɛ a je Mawu yi kɛ gu Yesu Kristo nɔ. Mawu nɔ́ ji hɛ mi nyami, kɛ he wami kɛ yaa neneene. Amen.

1 Petro 4:14

Ke nihi jɛ nyɛ kaa Kristo se nyɛɛli ji nyɛ ɔ, a gbaa nyɛ pɛ. Enɛ ɔ tsɔɔ kaa mumi nɛ hɛ mi ngɛ nyami, nɛ ji mumi nɛ je Mawu ngɔ ɔ kɛ nyɛ ngɛ.