Yohane 11:28 - BAIBLO ALOO NGMAMI KLƆUKLƆU Ɔ

²⁸ Benɛ Marta de enɛ ɔ, e kpale e se kɛ ho nɛ e ya tsɛ e nyɛmiyo Maria zaa. E de lɛ ke, “Tsɔɔlɔ ɔ ba, nɛ e ngɛ o si bie.”

Somi He Ɔ

²⁸ Nɛ benɛ Marta de lɛ kikɛ ɔ, e pue nɔ kɛ ho, nɛ e ya tsɛ e nyɛmi Maria a zaa, nɛ e de lɛ ke: “Nyɔmtsɛ ɔ ba, nɛ e ngɛ mo tsɛe.”

Yohane 11:28 ပူးပေါင်းရင်းမြစ်များ

Zakaria 3:10

Jamɛ a be ɔ, nyɛ maa kpee nyɛ sibi kɛ ba nyɛ wai ngmɔ ɔmɛ a mi, kɛ nyɛ ngmɔkɔ tso ɔmɛ a sisi. Yawɛ lɛ de.”

Mateo 26:18

E de mɛ ke, “Nyɛɛ ya asimasi ngɔ ngɛ ma a mi, nɛ nyɛ ya de lɛ ke, ‘Tsɔɔlɔ ɔ ke, Ye be ɔ su; i kɛ ye kaseli ɔmɛ ma ba ye Hetsɔmi ɔ ngɛ o we ɔ mi.’ ”

Marko 10:49

Yesu da si, nɛ e ke, “Nyɛ tsɛ lɛ kɛ ba!” Kɛkɛ nɛ a tsɛ hɛ yuyuilɔ ɔ, nɛ a de lɛ ke, “Na tsui; tee si, e ngɛ mo tsɛe!”

Marko 14:14

kɛ ya we mi he nɛ e yaa a. Nyɛ de wetsɛ ɔ ke, Tsɔɔlɔ ɔ ke, ‘Nibwɔhi a to he ɔ, he nɛ i kɛ ye kaseli ɔmɛ maa ye Hetsɔmi niye ní ɔ ngɛ ɔ, jije e ngɛ?’

Luka 22:11

nɛ nyɛ ya de wetsɛ ɔ ke, ‘Tsɔɔlɔ ɔ ke wa ba bi mo ke nibwɔhi a tsu ɔ, he nɛ i kɛ ye kaseli ɔmɛ maa ye Hetsɔmi niye ní ɔ ngɛ ɔ, jije e ngɛ?’

Yohane 1:41

E kɛ we kulaa nɛ Andrea kɛ e nyɛmi Simon ba kpe. Andrea de Simon ke, “Wa na Mesia a.” (Mesia sisi ji Kristo).

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Yohane 10:3

nɛ agbo ɔ nya bulɔ ɔ bliɔ haa lɛ. To ɔmɛ le e gbi, ejakaa e kɛ a biɛ tsɛɔ mɛ, nɛ e tsɔ́ɔ́ mɛ kɛ jeɔ kpo.

Yohane 11:20

Benɛ Marta nu kaa Yesu ma a, e je kpo nɛ e kɛ lɛ ya kpe, se Maria lɛɛ e hii si ngɛ we ɔ mi.

Yohane 11:29

Benɛ Maria nu enɛ ɔ, e te si pam, nɛ e je kpo esɔ, nɛ e kɛ Yesu ya kpe.

Yohane 11:30

Yesu na we nɛ e su kɔpe ɔ mi lolo; mohu ɔ, he nɛ Marta kɛ lɛ ya kpe ngɛ ɔ, lejɛ ɔ nɔuu nɛ e ngɛ kɛ mwɔɔ.

Yohane 13:13

Tse nyɛ tsɛɔ mi Tsɔɔlɔ, nɛ nyɛ tsɛɔ mi Nyɔmtsɛ hulɔ! Saminya, e ngɛ mi jã.

Yohane 20:16

Yesu tsɛ lɛ, “Maria!” Kɛkɛ nɛ Maria plɛ e he, nɛ e de lɛ ngɛ Hebri mi ke, “Rabuni” (E sisi ji “Tsɔɔlɔ”).

Yohane 21:7

Kaselɔ nɛ Yesu suɔ lɛ ɔ de Petro ke, “Nyɔmtsɛ ɔ nɛ daa si ɔ nɛ.” Benɛ Simon Petro nu nɛ a de ke Nyɔmtsɛ ɔ lɛ daa si ɔ, e wo e tade ɔ ngɔ muɔ e mlɛ mi, nɛ e tu ma pa a mi, ejakaa e hɛɛ e he gu.

1 Tesalonikabi 5:11

Lɔ ɔ he ɔ, nyɛɛ wo nyɛ sibi he wami, nɛ nyɛɛ ye bua nyɛ sibi kaa bɔ nɛ nyɛ ngɛ pee amlɔ nɛ ɔ.

Hebribi 12:12

Lɔ ɔ he ɔ, nyɛ ninehi nɛ mi jɔ, kɛ nakutsohi nɛ ngɛ kpokpoe ɔ, nyɛ wlua nyɛ, nɛ nyɛ nɔ gbagba nɛ te.