Yohane 11:24 - BAIBLO ALOO NGMAMI KLƆUKLƆU Ɔ

²⁴ Marta he nɔ ke, “I le kaa nyagbe ligbi ɔ nɛ ni gbogboehi maa te si ɔ, e maa te si kɛ ba wami mi.”

Somi He Ɔ

²⁴ Marta de lɛ ke: “I le kaa e maa te si ngɛ ni gbogboehi a si temi ɔ mi ngɛ nyagbe ligbi ɔ nɔ.”

Yohane 11:24 ပူးပေါင်းရင်းမြစ်များ

La 17:15

Se imi lɛɛ ma na o hɛ mi, ejakaa i pee we yayami ko. Nɛ ke ye hɛ tsɛ ɔ, ma ná bua jɔmi babauu kaa i na mo hɛ mi kɛ hɛ mi.

Yesaya 25:8

Nyɔmtsɛ Mawu maa ye gbenɔ nɔ kunimi; e ma tsu nɔ tsuaa nɔ hɛ mi vo nyu, nɛ e ma je zo nɛ gbe e ma a ngɛ je ɔ mi tsuo ɔ kɛ je. Yawɛ lɛ de.

Yesaya 26:19

Wa ma mi nihi nɛ gbo ɔ ma na wami ekohu! A gbogboe ɔmɛ maa te si. Nihi nɛ hwɔɔ si ngɛ zu mi ɔ, mɛ tsuo a maa te si, nɛ a ma la kɛ bua jɔmi. Kaa bɔ nɛ bɔ́ nyu ngleinglei haa zugba a peeɔ ehe ekohu ɔ, ja Yawɛ maa ngɔ wami he ngɔ wo nihi nɛ gbo momo ɔ a mi.

Hosea 13:14

Anɛ ma kpɔ mɛ kɛ je gbeje lo? Anɛ ma he mɛ kɛ je gbenɔ dɛ mi lo? Gbenɔ, jije o hiɔ nɛ gbee nɔ ɔ ngɛ? Gbeje, jije nɔ́ nɛ a kɛ kpataa nɔ hɛ mi ɔ ngɛ? I be ma nɛ ɔ mɔbɔ nae hu.

Hosea 6:2

Ngɛ ligbi enyɔ mi ɔ, e ma ha wa na he wami ekohu; ligbi etɛne ɔ, e ma wo wa nɔ nɛ waa kɛ lɛ maa hi si.

Luka 14:14

nɛ Mawu maa gbaa mo; ejakaa mɛɛ a be nyɛe maa to mo nane mi. Ligbi ɔ nɛ ni kpakpa amɛ maa te si kɛ je gbeje ɔ, Mawu maa to mo nane mi.”

Yohane 11:23

Yesu de lɛ ke, “O nyɛminyumu ɔ maa te si kɛ ba wami mi ekohu.”

Yohane 6:39

Nɔ nɛ tsɔ mi ɔ, nɔ́ nɛ e suɔ ji kaa nihi tsuo nɛ e tu ngɔ wo ye dɛ mi ɔ, ngmelu kake kó je mi; se mohu nyagbe ligbi ɔ, ma tle mɛ tsuo si.

Yohane 6:40

Ejakaa Tsaatsɛ suɔ kaa nɔ tsuaa nɔ nɛ na Bi ɔ, nɛ e heɔ lɛ yeɔ ɔ, e na neneene wami. Nɛ nyagbe ligbi ɔ, ma tle mɛ si kɛ ba wami mi.”

Ni Tsumi 24:15

I heɔ Mawu yeɔ kaa adesahi tsuo maa te si kɛ je gbeje hwɔɔ se, ni kpakpahi jio, yayami peeli jio; nimli nɛ ɔmɛ heɔ enɛ ɔ yeɔ ja nɔuu.

Hebribi 11:35

Kɛ gu hemi kɛ yemi nɔ ɔ, yi komɛ a weku li nɛ gbo ɔ, a tle mɛ si kɛ ba wami mi ekohu. A wa ni komɛ yi mi wawɛɛ, nɛ a kplɛɛ we kaa a maa ngmɛɛ a hemi kɛ yemi ɔ he, nɛ a ye a he. Mohu ɔ, a suɔ nɛ a na nɔ́ kɛ gbo, konɛ a tle mɛ si kɛ ba wami nɛ hi kulaa pe kekle nɔ ɔ mi.