Yohane 11:2 - BAIBLO ALOO NGMAMI KLƆUKLƆU Ɔ

² Lazaro nɛ ɔ, Maria nɛ ngɔ nu kɛ e he via kɛ pɔ Nyɔmtsɛ ɔ nane, nɛ e kɛ e yi bwɔmi tsu ɔ nyɛminyumu ji lɛ.

Somi He Ɔ

² (Maria nɛ ngɔ nu kɛ e he via kɛ kpa Nyɔmtsɛ ɔ nɛ e kɛ e yi bwɔmi tsu e nan ehe ɔ nyɛmi Lazaro lɛ ngɛ gboe nɛ ɔ ne.)

Yohane 11:2 ပူးပေါင်းရင်းမြစ်များ

Marko 14:3

Yesu ba Betania, nɛ e ba to Simon we ɔ mi. Simon nɛ ɔ nu he womi nɔ hiɔ yaya ko hyɛ. Benɛ Yesu hii si ngɛ ní yee ɔ, yo ko hɛɛ tɔ kɛ e mi nu via liliili nɛ he jua wa kɛ ba e ngɔ. E ywia tɔ ɔ, nɛ e plɛ nu ɔ ngɔ pue Yesu yi mi.

Luka 7:13

Benɛ Nyɔmtsɛ ɔ na yo ɔ, e ní pee lɛ mɔbɔ, nɛ e de lɛ ke, “Ko fo ya!”

Luka 7:19

nɛ e tsɔ mɛ Nyɔmtsɛ Yesu ngɔ ke a ya bi lɛ ke, “Mo lɛ a de ke o ma a, aloo waa hyɛ nɔ kpa blɔ?”

Yohane 11:21

Marta de Yesu ke, “Nyɔmtsɛ, kaa o ngɛ hiɛ ɔ jinɛ ye nyɛminyumu ɔ ko gbo we.

Yohane 11:3

Lɔ ɔ he ɔ, nyɛmiyi ɔmɛ kɛ sɛ mane Yesu ke, “Nyɔmtsɛ, o huɛ nɛ o suɔ lɛ ɔ ngɛ gboe.”

Yohane 11:32

Maria ya su he nɛ Yesu ngɛ ɔ, nɛ amlɔ nɔuu nɛ e na Yesu ɔ, e kpla si ngɛ Yesu nane nya, nɛ e de lɛ ke, “Nyɔmtsɛ, kaa o ngɛ hiɛ ɔ jinɛ ye nyɛminyumu ɔ ko gbo we.”

Yohane 12:3

Kɛkɛ nɛ Maria ngɔ nardo nu ngmingmiingmi nɛ he jua wa saminya lita fa, nɛ e kɛ ba pɔ Yesu nane, nɛ e kɛ e yi bwɔmi tsu e nane ɔmɛ a he. Nu ɔ he via a kpe we ɔ mi tsuo;

Yohane 13:13

Tse nyɛ tsɛɔ mi Tsɔɔlɔ, nɛ nyɛ tsɛɔ mi Nyɔmtsɛ hulɔ! Saminya, e ngɛ mi jã.

Yohane 13:14

Jehanɛ ɔ, imi nyɛ Nyɔmtsɛ, kɛ nyɛ Tsɔɔlɔ ɔ, ke i fɔ nyɛ nane he ɔ, e sa kaa nyɛ hu nyɛ fɔ nyɛ sibi a nane he.