Yohane 11:19 - BAIBLO ALOO NGMAMI KLƆUKLƆU Ɔ

¹⁹ lɔ ɔ he ɔ, Yuda bi babauu ba Marta kɛ Maria a ngɔ, konɛ a ba ye mɛ kɔmɔ ngɛ a nyɛminyumu ɔ gbenɔ ɔ he.

Somi He Ɔ

¹⁹ Nɛ Yudafo ɔmɛ a ti nihi fuu ba Marta kɛ Mariamɛ a ngɔ konɛ a ba ye mɛ kɔmɔ ngɛ a nyɛmi nyumu ɔ gbenɔ ɔ he.

Yohane 11:19 ပူးပေါင်းရင်းမြစ်များ

Mose I, 37:35

Yakob binyumu ɔmɛ, kɛ e biyi ɔmɛ tsuo ba ba wo lɛ bua, se e kplɛɛ we. E de ke, “Ma ye kɔmɔ hluu kɛ yaa si gbeje.” Nɛ e tsa nɔ nɛ e ye kɔmɔ ha e bi Yosef ɔ.

Kronika I, 10:12

ta buli katsɛmɛ ɔmɛ tsuo ya nɛ a ya ngɔ Saul gbogboe ɔ, kɛ e binyumu ɔmɛ a ní ɔmɛ kɛ ba Yabesh ba pu ngɛ tso ngua a sisi. Nɛ a ha hwɔ ligbi kpaago.

Hiob 2:11

Amanehlu nɛ ba Hiob nɔ ɔ, e huɛmɛ etɛ komɛ nu he, nɛ a je he slɔɔtohi kɛ ba konɛ a ba ye lɛ kɔmɔ nɛ a wo lɛ bua. Huɛmɛ ɔmɛ ji Elifaz nɛ je Teman ma a mi, Bildad nɛ je Shua zugba a nɔ, kɛ Zofar nɛ je Naama zugba a nɔ.

Hiob 42:11

Hiob nyɛminyumuhi, e nyɛmiyihi, kɛ nihi nɛ le lɛ sa a tsuo ba slaa lɛ nɛ a kɛ lɛ ba ye ní ngɛ e we ɔ mi. A ye lɛ kɔmɔ nɛ a jɔɔ e bua ngɛ haomihi tsuo nɛ Yawɛ kɛ ba e nɔ ɔ a he. A ti nɔ tsuaa nɔ ke lɛ sika, kɛ sika tsu ga.

Fiɛlɔ 7:2

E hi kaa o maa ya we mi he nɛ a ngɛ kɔmɔ yee ngɛ, pe kaa o maa ya he nɛ a tsɛ ní yemi ngɛ. Ejakaa e hia kaa nihi nɛ ngɛ wami mi kɛ mwɔɔ ɔ, a kai be tsuaa be kaa gbenɔ ji wɔ tsuo wa nyagbe.

Yesaya 51:19

Haomi enyɔ nɛ ɔmɛ ba o nɔ; ta ba kpata o zugba a hɛ mi, nɛ hwɔ nɛ nya wa ngɛ ni ɔmɛ yee. Mɛnɔ maa jɔɔ o bua?

Kɔmɔ Yemi 1:16

“Enɛ ɔ he i wo yana, nɛ vo nyu ngɛ ye hɛngmɛ mi jee kɛ ngɛ si puee. I be bua wolɔ ko nɛ maa wo mi he wami. Peepee ta ye bimɛ ɔmɛ a he, ejakaa he nyɛlɔ ɔ ye ye nɔ kunimi.

Kɔmɔ Yemi 1:2

Ya sɔuu e ngɛ foe nyɔnyɔɔnyɔ tsuo; nɛ vo nyu ngɛ e hɛngmɛ mi jee kɛ ngɛ si kplee. E suɔli ɔmɛ hu a ti nɔ ko nɔ ko be nɛ maa jɔɔ e bua. E huɛmɛ ɔmɛ tsuo kpa ngɛ e se, nɛ a ba pee e he nyɛli.

Kɔmɔ Yemi 1:21

“Bu ye kɛmɛmi ɔ tue; nɔ ko be nɛ maa jɔɔ ye bua. Haomi nɛ ba ye nɔ nɛ ɔ, ye he nyɛli ɔmɛ tsuo nu he, nɛ a bua jɔ kaa o ha sane nɛ ɔ ba ye nɔ. Ligbi nɛ o to ha he nyɛli ɔmɛ ɔ, ha nɛ e ba esɔ, konɛ mɛ hu a pee kaa bɔ nɛ i ngɛ nɛ ɔ.

Kɔmɔ Yemi 1:9

Yerusalem he yayami ɔ ngɛ fu jee gbɛɛ; se lɛ nitsɛ lɛɛ nɔ́ nɛ ma e nɔ ɔ pee we lɛ kɔmɔ ko kulaa. E si nɔmi ɔ nya wa; nɔ ko nɔ ko be nɛ maa wo lɛ bua. E jé ngmlaa ke, “Ao! Yawɛ, moo hyɛ nɛ o na mi mɔbɔ, ejakaa ye he nyɛli ɔmɛ ye kunimi!”

Kɔmɔ Yemi 2:13

Yerusalem, i suɔ mo! Yerusalem, mɛni ma de ha mo? Kɛ ma pee kɛ jɔɔ o bua kɛɛ? Nɔ ko nɔ ko nɛ́ amanehlu hyɛ kaa nɔ́ nɛ ba o nɔ nɛ ɔ. O haomi ɔ kle tsɔ, nɛ e nyagbe be. Mɛnɔ ma he o yi wami?

Luka 10:39

Marta ngɛ nyɛmiyo ko nɛ a tsɛɛ lɛ Maria. Maria ba hi si ngɛ Nyɔmtsɛ ɔ nane nya, nɛ e ngɛ nɔ́ nɛ e ngɛ dee ɔ tue bue.

Luka 10:42

se nɔ́ kake lɛ hia. Nɔ́ nɛ hi ɔ, lɔ ɔ Maria hla a nɛ, nɛ nɔ ko nɔ ko be kpɔe ngɛ e dɛ.”

Yohane 1:19

Yuda ma nimeli ɔmɛ nɛ ngɛ Yerusalem ɔ tsɔ osɔfo komɛ, kɛ Levi bi komɛ Yohane ngɔ. A ba bi lɛ ke, “Mɛnɔ ji mo?”

Yohane 11:1

Nyumu ko hi Betania, Maria kɛ Marta a ma a mi. Nyumu nɛ ɔ, a tsɛɛ lɛ Lazaro. Be ko ɔ, Lazaro ba nu hiɔ.

Yohane 11:31

Yuda bi ɔmɛ nɛ kɛ Maria ngɛ we ɔ mi, nɛ a ngɛ lɛ kɔmɔ yee ɔ na bɔ nɛ e te si nɛ e sá e he kɛ je kpo, nɛ a nyɛɛ e se. A susu kaa e yaa yɔkɔ ɔ he nɛ e ya fo ya ngɛ lejɛ ɔ.

Yohane 11:33

Yesu na kaa Maria ngɛ ya foe; nɛ jehanɛ ɔ, bɔ nɛ Yuda bi ɔmɛ nɛ piɛ Maria he ɔ hu ngɛ ya foe ɔ ha Yesu hao ngɛ mumi mi.

Yohane 11:36

Kɛkɛ nɛ Yuda bi ɔmɛ de ke, “Hyɛ bɔ nɛ e suɔ lɛ ha!”

Yohane 11:45

Yuda bi ɔmɛ nɛ ba Maria ngɔ ɔ, a ti nihi babauu na nɔ nɛ Yesu pee ɔ, nɛ a he lɛ ye.

Yohane 11:8

Kaseli ɔmɛ he nɔ ke, “Tsɔɔlɔ, pi lingmi pɛ nɛ Yuda bi ɔmɛ ka mo tɛ fiami, nɛ o yaa lejɛ ɔ ekohu?”

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

2 Korintobi 1:4

E woɔ wa bua ngɛ haomihi tsuo a mi. Kɛkɛ ɔ, ke haomi ba ni kpahi a nɔ ɔ, bua womi nɛ wɔ nitsɛmɛ wa na kɛ je Mawu dɛ mi ɔ, wa ma nyɛ kɛ wo mɛ hu bua.

1 Tesalonikabi 4:18

Lɔ ɔ he ɔ, nyɛɛ kɛ kikɛmɛ a munyu nɛ ɔmɛ nɛ wo nyɛ sibi a bua.

1 Tesalonikabi 5:11

Lɔ ɔ he ɔ, nyɛɛ wo nyɛ sibi he wami, nɛ nyɛɛ ye bua nyɛ sibi kaa bɔ nɛ nyɛ ngɛ pee amlɔ nɛ ɔ.

Samuel I, 31:13

Lɔ ɔ se ɔ, a muɔ wu ɔmɛ ya pu ngɛ tso nguaa ko sisi ngɛ Yabesh ma a mi, nɛ a ha hwɔ ligbi kpaago.