Yohane 11:11 - BAIBLO ALOO NGMAMI KLƆUKLƆU Ɔ

¹¹ Yesu de kɛ gbe nya ke, “Wa huɛ Lazaro hwɔ mahe, se i yaa nɛ ma ya tsɛ̃ɛ̃ lɛ.”

Somi He Ɔ

¹¹ Yesu tu munyu nɛ ɔmɛ, nɛ lɔ ɔ se ɔ e de mɛ ke: “Wa huɛ Lazaro hwɔ mahɛ; se i yaa nɛ ma ya tsɛ̃ɛ lɛ ngɛ mahɛ ɔ mi.”

Yohane 11:11 ပူးပေါင်းရင်းမြစ်များ

Matsɛmɛ II, 4:31

Gehazi sɛ a hlami, nɛ e ya wo Elisha dɛma tso ɔ nɔ ngɛ jokuɛ ɔ hɛ mi. Se gbi ko pɛ́, nɛ okadi ko hu be nɛ tsɔɔ kaa jokuɛ ɔ ngɛ wami mi. Lɔ ɔ he ɔ, e kpale e se nɛ e kɛ Elisha ba kpe, nɛ e de lɛ ke, “Jokuɛ ɔ ti si.”

Kronika II, 20:7

Anɛ pi mo, wa Mawu ɔ nɛ o fie zugba nɛ ɔ nɔ bi ɔmɛ kɛ je hiɛmɛ nɛ ɔ benɛ o ma, Israel ma a lo? Anɛ pi mo nɛ o ngɔ zugba nɛ ɔ kɛ ha o huɛ Abraham nina, konɛ e pee a nɔ́ kɛ ya neneene lo?

Mose II, 33:11

Yawɛ kɛ Mose maa tu munyu hɛ mi kɛ hɛ mi kaa bɔ nɛ nɔ kɛ e huɛ tuɔ munyu ɔ. Ke Mose kpale e se kɛ ba ma a sito he ɔ, e tsɔlɔ niheyo wayoo nɛ ji Nun binyumu Yoshua lɛɛ e ji kpe he bo tsu ɔ mi.

Yesaya 41:8

“Se mo, ye tsɔlɔ Israel, mo ji ma nɛ i hla, ye huɛ Abraham nina.

Daniel 12:2

Ni nɛmɛ nɛ gbo momo nɛ a pu mɛ ɔ, a ti nihi babauu maa te si ekohu: ni komɛ maa ya neneene wami mi, nɛ ni komɛ hu maa ya neneene hɛ mi si puemi mi.

Mateo 27:52

nɛ yɔkɔhi a nya bli. Kɛkɛ nɛ Mawu bimɛ babauu nɛ gbo ɔ, a tle mɛ si kɛ ba wami mi ekohu.

Mateo 9:24

e de mɛ ke, “Nyɛɛ je hiɛ ɔ! Yiheyo ɔ gbo we; mahe kɛkɛ lɛ e ngɛ hwɔe.” Kɛkɛ nɛ ni ɔmɛ muɔ lɛ.

Marko 5:39

Benɛ e sɛ we ɔ mi ɔ, e de mɛ ke, “Mɛni he je nyɛ ngɛ hoo pee nɛ nyɛ ngɛ ya foe kikɛ nɛ ɔ? Jokuɛ ɔ gbo we; mahe kɛkɛ e ngɛ hwɔe.”

Yohane 11:10

Se ke nɔ ko nyɛɛ nyɔ mi ɔ, e tɛɔ si, ejakaa la be.”

Yohane 11:12

Kaseli ɔmɛ he nɔ ke, “Nyɔmtsɛ, ke mahe e ngɛ hwɔe ɔ, lɛɛ e maa hi ha lɛ.”

Yohane 11:13

Yesu ngɛ tsɔɔe kaa Lazaro gbo momo, se mɛɛ lɛɛ a susu kaa mahe nitsɛ nɛ e ke Lazaro ngɛ hwɔe.

Yohane 11:3

Lɔ ɔ he ɔ, nyɛmiyi ɔmɛ kɛ sɛ mane Yesu ke, “Nyɔmtsɛ, o huɛ nɛ o suɔ lɛ ɔ ngɛ gboe.”

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

Ni Tsumi 7:60

E kpla si, nɛ e kpa ngmlaa wawɛɛ ke, “Nyɔmtsɛ, ngɔɔ yayami nɛ ɔ kɛ pa mɛ!” Benɛ e de kikɛ nɛ ɔ, kɛkɛ nɛ e ngɔ e nya.

1 Korintobi 15:18

Kɛkɛ ɔ, nihi nɛ he Kristo ye nɛ a gbo ɔ, mɛ hu a hɛ mi kpata.

1 Korintobi 15:34

Nyɛ susu nyɛ yi mi saminya nɛ nyɛ kpa yayami peemi. I ngɛ dee nɛ zo nɛ gbe nyɛ kaa nyɛ ti ni komɛ li Mawu.

1 Korintobi 15:51

Nyɛɛ bu tue! Anɔkuale laami sane nɛ i ngɛ nyɛ dee nɛ ɔ nɛ. Wɔ tsuo wa be gboe! Se ke nyagbe titimati ɔ pɛ ɔ, a ma tsake wɔ tsuo amlɔ kaa a fiaa hɛngmɛ. Ejakaa ke titimati ɔ pɛ ɔ, ni gbogboe ɔmɛ maa te si, nɛ a be gboe hu gblegbleegble. Nɛ a ma tsake wɔ tsuo.

Efesobi 5:14

ejakaa la lɛ haa nɛ a naa nɔ́ tsuaa nɔ́. Enɛ ɔ he je nɛ a de ke, “Mo nɔ nɛ o ngɛ mahe hwɔe, o hɛ nɛ tsɛ, nɛ o te si kɛ je gbeje. Kɛkɛ Kristo ma kpɛ ha mo ɔ nɛ.”

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

1 Tesalonikabi 5:10

Kristo ba gbo ha wɔ, bɔ nɛ pee nɛ wa hɛ ngɛ jio, wa gbo jio, waa kɛ lɛ nɛ hi si.

Yakobo 2:23

Nɛ nɔ́ nɛ ngmami ɔ de ɔ ba mi ke, “Abraham he Mawu ye, nɛ e hemi kɛ yemi ɔ ha nɛ Mawu bu lɛ dalɔ.” Enɛ ɔ he nɛ a tsɛɛ Abraham ke Mawu huɛ ɔ nɛ.