Yohane 10:7 - BAIBLO ALOO NGMAMI KLƆUKLƆU Ɔ

⁷ Lɔ ɔ he ɔ, Yesu kpale de ekohu ke, “I ngɛ nyɛ dee anɔkuale mi ke imi ji to tsu ɔ nya agbo ɔ nɛ.

Somi He Ɔ

⁷ Lɔ ɔ he ɔ, Yesu kpale de mɛ ekohu ke: “I ngɛ nyɛ dee anɔkuale mi ke: Imi ji to ɔmɛ a tsu ɔ nya sinya a nɛ.

Yohane 10:7 ပူးပေါင်းရင်းမြစ်များ

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Efesobi 2:18

Yuda bi jio, ma je li jio, Kristo nɔ lɛ wɔ tsuo wa maa gu kɛ ba Tsɛ ɔ ngɔ. Mumi Klɔuklɔu kake ɔ nɔuu lɛ maa piɛ wa he.

Yohane 10:1

Yesu de ke, “I ngɛ nyɛ dee anɔkuale mi ke, ke to tsu ngɛ, nɛ nɔ ko ya kuɔ kɛ gu he kpa kɛ sɛ mi, se e gui to tsu ɔ nya a, jamɛatsɛ ɔ, julɔ kɛ ojo fialɔ ji lɛ.

Yohane 10:9

Imi ji agbo ɔ nɛ; nɔ tsuaa nɔ nɛ ba guu agbo ɔ mi kɛ sɛɔ mi ɔ, e yi ma na wami. E maa sɛ mi, nɛ e maa kpale je kpo ya na niye ní.

Ezekiel 34:31

“Nyɛ ye ma, nyɛ ji ye tohi nɛ i ngɛ lɛe, nɛ imi ji nyɛ Mawu.” Nyɔmtsɛ Yawɛ lɛ de.

La 79:13

Ke o pee ja a, wɔ, o ma a, o to kuu ɔ, wa maa na mo si, nɛ wa ma je o yi daa.

La 100:3

Nyɛ na nyɛɛ le kaa Yawɛ ji Mawu. Lɛ nɛ e bɔ wɔ; e níhi ji wɔ. E ma ji wɔ; wa ngɛ kaa tohi nɛ e ngɛ lɛe.

La 95:7

Ejakaa wa Mawu ji lɛ! Wɔ ji e ma a nɛ; lɛ nɛ hyɛɛ wa nɔ; wa ngɛ kaa tohi nɛ e ngɛ tsɔe. Mwɔnɛ ɔ, nyɛɛ bu e gbi ɔ tue:

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

Ezekiel 36:38

Ma ha nɛ a ma amɛ ma hyi tɔ kɛ nimli kaa tohi nɛ a kɛ ba bɔ sami, loo nimli kpekpemi nɛ ba Yerusalem nɛ a ba ye nyami be. Kɛkɛ ɔ, a maa le kaa imi ji Yawɛ.”