Yohane 10:5 - BAIBLO ALOO NGMAMI KLƆUKLƆU Ɔ

⁵ Ke nɔ kpa ko tsɛ to ɔmɛ ɔ, a nyɛɛ we e se, se a tuu fo kɛ jeɔ e he, ejakaa a li nɔ kpa gbi.”

Somi He Ɔ

⁵ Se nɔ kpa a, a be e se nyɛɛe, se mohu a maa tu fo kɛ je e ngɔ, ejakaa a li ni kpahi a gbi.”

Yohane 10:5 ပူးပေါင်းရင်းမြစ်များ

Kpojemi 2:2

I le ní nɛ o tsuɔ, dengme nɛ o gboɔ, kɛ bɔ nɛ o toɔ o tsui si. I le hu kaa o ha we yayami peeli hɛ mi. Nihi nɛ tsɛɔ a he bɔfohi, se pi bɔfohi ji mɛ ɔ, bɔ nɛ o ka mɛ, nɛ o na kaa lakpatsɛmɛ ji mɛ ɔ, i le lɛ tsuo pɛpɛɛpɛ.

Marko 4:24

E de mɛ hu ke, “Nyɛ susu nɔ́ nɛ nyɛ ngɛ nue nɛ ɔ he saminya! Mlaahi nɛ nyɛ kɛ kojoɔ ni kpahi ɔ, lɔ ɔ Mawu kɛ maa kojo nyɛ; nɛ nyɛ kojomi ɔ nya maa wa wawɛɛ.

Abɛ Womi 19:27

Ye bi, ke o sume nɛ a slɔ mo ɔ, nile munyuhi ma bɔ mo.

1 Yohane 2:21

Pi kaa anɔkuale ɔ nɛ nyɛ li nɛ i ngɛ nyɛ womi nɛ ɔ ngmae. Dɛbi! Akɛnɛ nyɛ le anɔkuale ɔ, lɔ ɔ he mohu nɛ i ngɛ nyɛ womi ɔ ngmae ɔ nɛ; nɛ nyɛ le hu kaa anɔkuale ɔ, lakpa be mi.

Matsɛmɛ I, 22:7

Se Yehoshafat bi ke, “Anɛ gbalɔ kpa ko be hiɛmɛ nɛ ɔ nɛ wa ma bi lɛ Yawɛ ga womi lo?”

1 Yohane 2:19

Anɔkuale mi ɔ, pi wa kpɛti nɛ nimli nɛ ɔmɛ je; nɛ lɔ ɔ he je nɛ a si wɔ ɔ nɛ. Kaa wa kpɛti nɛ a je jinɛ a kɛ wɔ ko hi si. Se a si wɔ, bɔ nɛ pee nɛ e fɔ si paa kaa a ti nɔ ko nɔ ko kɛ wɔ bɔɛ.

2 Timoteo 4:3

Be ma nɛ nihi be suɔe kaa a maa bu tsɔɔmi kpakpa tue. Mohu ɔ, a ma hla ní tsɔɔli ha a he; a ma hla nihi nɛ maa tsɔɔ mɛ níhi nɛ maa ngɔ ngɛ a tue mi.

Luka 8:18

“Lɔ ɔ he ɔ, nyɛɛ bu tue saminya; ejakaa nɔ tsuaa nɔ nɛ nɔ́ ko ngɛ e dɛ ɔ, a ma ha lɛ fuu kɛ piɛ he. Se nɔ nɛ be nɔ́ ko ɔ, bɔɔ nɛ e susu kaa e ngɛ ɔ tete po a ma he ngɛ e dɛ.”

Yohane 10:4

Ke e je to ɔmɛ kpo ɔ, lɛ nitsɛ e nyɛɛɔ hɛ mi, nɛ to ɔmɛ nyɛɛɔ e se, ejakaa a le e gbi.

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.