Yohane 10:4 - BAIBLO ALOO NGMAMI KLƆUKLƆU Ɔ

⁴ Ke e je to ɔmɛ kpo ɔ, lɛ nitsɛ e nyɛɛɔ hɛ mi, nɛ to ɔmɛ nyɛɛɔ e se, ejakaa a le e gbi.

Somi He Ɔ

⁴ Nɛ ke e bli e to ɔmɛ ɔ, e nyɛɛ a hɛ mi, nɛ to ɔmɛ nyɛɛ e se, ejakaa a le e gbi.

Yohane 10:4 ပူးပေါင်းရင်းမြစ်များ

Lahi 2:8

I nu ye suɔlɔ ɔ gbi. E ngɛ hiie ngɛ yo ɔmɛ a nɔ kɛ ma; e ngɛ fo tue ngɛ yoku ɔmɛ a nɔ kɛ ma ye ngɔ.

Lahi 5:2

I hwɔ mahe, se i hwɔ we mahe kɛ ye tue. Tlukaa a, ye suɔlɔ ɔ ba si sinya a. Agoo, ye tsui kpa, bli sinya a ha mi. Ye nyɛmiyo, ye lahuɛ! Bɔ́ nɛɛ mi, nɛ ye yi, kɛ ye yi bwɔmi tsuo pɔ.

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Yohane 10:16

I ngɛ to kpa komɛ hulɔ, se mɛɛ a piɛ we kuu nɛ ɔ he. Ma ngɔ mɛ hu kɛ ba; a maa nu ye gbi, nɛ a maa pee to kuu kake, kɛ hyɛlɔ kake.

Yohane 10:27

Ye to ɔmɛ buɔ mi tue; i le mɛ, nɛ a nyɛɛɔ ye se.

Yohane 10:3

nɛ agbo ɔ nya bulɔ ɔ bliɔ haa lɛ. To ɔmɛ le e gbi, ejakaa e kɛ a biɛ tsɛɔ mɛ, nɛ e tsɔ́ɔ́ mɛ kɛ jeɔ kpo.

Yohane 10:5

Ke nɔ kpa ko tsɛ to ɔmɛ ɔ, a nyɛɛ we e se, se a tuu fo kɛ jeɔ e he, ejakaa a li nɔ kpa gbi.”

Yohane 10:8

Nihi tsuo nɛ sɛ ye hlami kɛ ba a, juli, kɛ ojo fiali ji mɛ; nɛ to ɔmɛ bui mɛ tue.

Yohane 12:26

Ke nɔ ko suɔ kaa e ma sɔmɔ mi ɔ, e nyɛɛ ye se, kɛkɛ ɔ, i kɛ ye tsɔlɔ ɔ maa hi he kake. Nɔ tsuaa nɔ nɛ ma sɔmɔ mi ɔ, Tsaatsɛ maa wo e hɛ mi nyami.”

Yohane 13:15

Imi lɛɛ i pee enɛ ɔ nɛ nyɛɛ hyɛ, nɛ nyɛ hu nyɛ pee ha nyɛ sibi.

Yohane 18:37

Lɔ ɔ he ɔ, Pilato bi lɛ ke, “Se matsɛ ji mo kɛ̃?” Yesu he nɔ ke, “O ngɛ dee ke matsɛ ji mi. Imi lɛɛ enɛ ɔ he nɛ a fɔ mi kɛ ba je ɔ mi, konɛ ma tsɔɔ anɔkuale ɔ. Nɔ tsuaa nɔ nɛ le anɔkuale ɔ buɔ mi tue.”

Yohane 3:29

Ayɛflo huno ɔ, e nɔ ji ayɛflo ɔ. Se kɛ̃ ɔ, ayɛflo huno ɔ huɛ nɛ daa si ngɛ e kasa nya a, ke e nu ayɛflo huno ɔ gbi kɛkɛ e bua jɔ. Enɛ ɔ nɛ haa imi hu i naa bua jɔmi babauu.

1 Korintobi 11:1

Nyɛɛ ngɔ mi ngɔ pee nɔ hyɛmi nɔ́ kaa bɔ nɛ imi hu i ngɔ Kristo ngɔ pee ye nɔ hyɛmi nɔ́ ɔ.

Efesobi 5:1

Akɛnɛ Mawu bimɛ nɛ e suɔ ji nyɛ he je ɔ, nyɛɛ bɔ mɔde nɛ nyɛɛ kase lɛ.

Mose V, 1:30

Yawɛ, nyɛ Mawu ɔ nɛ nyɛɛ nyɛ hɛ mi ɔ, lɛ nitsɛ e maa hwu ha nyɛ kaa bɔ nɛ e pee ha nyɛ ngɛ Egipt,

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 6:20

Wa he ɔ, Yesu sɛ wa hɛ mi kɛ ho lejɛ ɔ ya, nɛ e ya pee osɔfo nɔkɔtɔma pe kulaa kɛ yaa neneene kaa Melkizedek pɛ.

1 Petro 2:21

Enɛ ɔ he Mawu tsɛ nyɛ ɔ nɛ. Ejakaa Kristo nitsɛ na amanehlu, nɛ e kɛ lɔ ɔ pee nɔ hyɛmi nɔ́ ha nyɛ, konɛ nyɛɛ nyɛɛ e se.

1 Petro 4:1

Akɛnɛ Kristo na nɔ́ ngɛ he lo mi he je ɔ, nyɛ hu nyɛ dla nyɛ he kɛ jamɛ a juɛmi ɔ nɔuu. Ejakaa nɔ tsuaa nɔ nɛ naa nɔ́ ngɛ he lo mi ɔ, e kɛ yayami be sane ko hu.

1 Petro 5:3

Nihi nɛ Mawu ngɔ ha nyɛ ke nyɛɛ hyɛ a nɔ ɔ, nyɛ ko ye a nɔ; se mohu nyɛɛ ngɔ nyɛ he ngɔ pee nɔ hyɛmi nɔ́ ha Mawu asafo ɔ.