Yohane 10:34 - BAIBLO ALOO NGMAMI KLƆUKLƆU Ɔ

³⁴ Yesu he nɔ ke, “A ngma ngɛ nyɛ mlaa a mi ke, Mawu de ke, ‘Mawuhi ji nyɛ.’

Somi He Ɔ

³⁴ Yesu he nɔ ke: “Anɛ a ngmɛ́ ngɛ nyɛ Mlaa mi ke: ‘I ke, mawuhi ji nyɛ’ ɔ lo?

Yohane 10:34 ပူးပေါင်းရင်းမြစ်များ

La 138:1

Yawɛ, i ngɛ mo si nae kɛ ye tsui tsuo. I ngɛ lae kɛ ngɛ o yi jee ngɛ Mawu kpa amɛ a hɛ mi po.

La 82:1

Mawu daa si ngɛ hiɔwe gua nguaa a mi. E ngɛ kojoli ɔmɛ a hɛ mi kae ke,

Mose II, 22:28

“Ko jɛ Mawu; nɛ koo gbiɛ o matsɛ.

Mose II, 4:16

Moo o maa pee kaa Mawu, nɛ o maa tsɔɔ lɛ nɔ́ nɛ e de, nɛ lɛɛ e maa pee o we otsiamɛ, nɛ e ma je o munyu ɔ nya ha ni ɔmɛ.

Mose II, 7:1

Yawɛ de Mose ke, “O nɛ, i pee mo kaa Mawu ha Farao ɔ, nɛ o nyɛmi Aaron maa pee o gbalɔ.

Yohane 10:35

Wa le kaa nɔ nɛ ngmami ɔ deɔ ɔ, anɔkuale sisiisi nɛ́ ngɛ kɛ yaa neneene. Nimli adesahi nɛ Mawu tsɔ nɛ a ngɔ e sɛ gbi ɔ ba ha mɛ ɔ po Mawu tsɛ mɛ ke mawuhi.

Yohane 12:34

Ma kpekpemi ɔ he nɔ ke, “Wa mlaa a de ke Kristo ɔ maa hi si kɛ maa ya neneene. Kɛ pee kɛɛ nɛ moo lɛɛ o deɔ ke a ma wo Nɔmlɔ Bi ɔ nɔ ɔ? Mɛnɔ ji kikɛmɛ a Nɔmlɔ Bi nɛ ɔ?”

Yohane 15:25

Lɔ ɔ he ɔ, e sa nɛ e ba jã, konɛ nɔ́ nɛ a ngma ngɛ a mlaa a mi ke, ‘A nyɛ mi yaka gu’ ɔ nɛ ba mi.

Yohane 8:17

A ngma ngɛ nyɛ mlaa a mi ke, ke ni enyɔ ye odase nɛ kɔɔ ɔ, e peeɔ anɔkuale.

1 Korintobi 14:21

A ngma ngɛ Mose mlaa a mi ke, “Ma gu nihi nɛ tuɔ gbi slɔɔtohi a nɔ, Nɛ ma tu munyu kɛ tsɔɔ ye ma a; Nyɔmtsɛ ɔ lɛ de. Ma tu munyu kɛ gu nibwɔhi a nɔ, se kɛ̃ ye ma a be mi tue bue.”