Yohane 10:32 - BAIBLO ALOO NGMAMI KLƆUKLƆU Ɔ

³² Se Yesu de mɛ ke, “I pee ní kpakpahi babauu nɛ nyɛ na. Níhi nɛ i pee ɔ, Tsɛ ɔ nɛ tsɔɔ mi. Te nɔ́ nɛ he nɛ nyɛ ngɛ hlae nɛ nyɛɛ fia mi tɛ ɔ.”

Somi He Ɔ

³² Yesu he nɔ ke: “I tsɔɔ nyɛ ni tsumi kpakpahi fuu nɛ je Tsaatsɛ ngɔ. Te jamɛ a ni tsumi ɔmɛ a ti nɔ́ nɛ he nɛ nyɛ maa fia mi tɛ ngɛ ɔ nɛ?”

Yohane 10:32 ပူးပေါင်းရင်းမြစ်များ

La 35:12

A peeɔ mi yayami kɛ toɔ kpakpa nane mi, nɛ a woɔ mi ka, konɛ a gbe mi.

Fiɛlɔ 4:4

Jehanɛ, i na kaa nɔ́ nɛ he je nɛ nihi gboɔ dengme wawɛɛ konɛ a ya nɔ ɔ ji kaa a hɛ kɔɔ a nyɛmimɛ a nɔ. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Yeremia 37:18

Jehanɛ, i bi Matsɛ Zedekia ke, “Mɛni yayami i pee mo, loo o tsɔli ɔmɛ, loo ma nɛ ɔ, loko nyɛ wo mi tsu ɔ?

Mateo 11:5

Hɛ yuyuili ngɛ nɔ́ hyɛe, glɔtsɛmɛ ngɛ nyɛɛe, nɛ nihi nɛ ngɛ he womi nɔ hiɔ yaya nue ɔ, a he ngɛ tsɔe; amuɛtihi ngɛ nɔ́ nue, gbogboehi ngɛ si tee, nɛ a ngɛ sane kpakpa fiɛe ha ohiatsɛmɛ.

Yohane 10:25

Yesu he nɔ ke, “Tse i de nyɛ momo nɛ nyɛ he we yi! Tsaatsɛ he wami nya nɛ i tsuɔ ní nɛ ɔmɛ, nɛ níhi nɛ i tsuɔ ɔ yeɔ ye he odase.

Yohane 10:31

Kɛkɛ nɛ Yuda bi ɔmɛ kukuɔ tɛ ekohu nɛ a maa fia Yesu.

Yohane 10:33

Yuda bi ɔmɛ he nɔ ke, “Tsa pi kpakpa nɛ o pee ɔ he nɛ wa maa fia mo tɛ ɔ, se mohu musu nɛ o bɔ ɔ he. Nɔmlɔ adesa kɛkɛ ji mo, se o peeɔ o he Mawu.”

Yohane 10:37

Ke i tsu we níhi nɛ Tsaatsɛ ke ma tsu ɔ, lɛɛ nyɛ ko he mi nyɛɛ ye.

Yohane 5:36

Imi lɛɛ i ngɛ odase nɛ pe Yohane nɔ́ ɔ, ejakaa ní tsumihi nɛ Tsaatsɛ ngɔ ha mi kaa ma tsu ɔ, jamɛ a ní tsumi ɔmɛ nɛ́ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 2:22

“Ye nyɛmimɛ Israel bi, nyɛɛ bu munyu nɛ ɔ tue saminya! Nyakpɛ níhi, kɛ okadihi nɛ Mawu pee kɛ gu Yesu nɛ je Nazaret ɔ nɔ ɔ yeɔ odase paa kaa Mawu nitsɛ lɛ tsɔ lɛ. Nyɛ nitsɛmɛ nyɛ le enɛ ɔ, ejakaa nyɛ kpɛti a pee ni nɛ ɔmɛ ngɛ.

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.