Yohane 10:18 - BAIBLO ALOO NGMAMI KLƆUKLƆU Ɔ

¹⁸ Nɔ ko be nyɛe ma kpɔ ye wami ɔ ngɛ ye dɛ. Imi nitsɛ ye tsui mi faa nɛ ma ngɔ kɛ ha. I ngɛ he wami nɛ ma nyɛ ma ngɔ ye wami ɔ ngɔ ha, nɛ ma nyɛ ma kpale ngɔ lɛ ekohu. Kikɛ nɛ ɔ Tsaatsɛ ke ma pee.”

Somi He Ɔ

¹⁸ Nɔ ko kpɔ we ngɛ ye dɛ, se mohu imi nitsɛ lɛ i ngɔ fɔɔ si. I ngɛ he wami kaa i kɛ haa, nɛ i ngɛ he wami kaa i ngɔɔ ekohu; bɔ nɛ Tsaatsɛ de mi ji nɛ ɔ nɛ.”

Yohane 10:18 ပူးပေါင်းရင်းမြစ်များ

Yohane 10:11

“Imi ji to hyɛlɔ kpakpa a nɛ. I suɔ kaa ma gbo ngɛ to ɔmɛ a he.

Yohane 10:17

“Tsɛ ɔ suɔ mi, ejakaa i suɔ kaa ma ngɔ ye wami kɛ fɔ si, konɛ ma kpale ngɔ.

Yohane 14:31

se e sa kaa je ɔ tsuo nɛ le kaa i suɔ Tsɛ ɔ, lɔ ɔ he ɔ, nɔ́ tsuaa nɔ́ nɛ e fa a, i peeɔ. “Nyɛɛ te nɛ waa je hiɛmɛ nɛ ɔ!

Yohane 15:10

Ke nyɛ ye ye mlaa amɛ a nɔ ɔ, lɛɛ suɔmi nɛ i ngɛ kɛ ha nyɛ ɔ maa hi si daa. Imi hu i ye Tsaatsɛ mlaa amɛ a nɔ, lɔ ɔ ha nɛ suɔmi nɛ e ngɛ kɛ ha mi ɔ se pui gblegbleegble.

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”

Yohane 5:26

Lɔ ɔ he ɔ, kaa bɔ nɛ Tsɛ ɔ ngɛ wami ngɛ e mi ɔ, ja nɔuu e ha e Bi ɔ hu wami.

Yohane 5:30

“I be he blɔ nɛ i peeɔ imi nitsɛ ye yi mi nɔ́ ko. Bɔ nɛ Mawu tsɔɔ mi ke ma kojo ɔ, jã pɛ i peeɔ; lɔ ɔ he ɔ, i yeɔ dami sane. Ejakaa i hla we kaa ma pee nɔ́ nɛ imi nitsɛ i suɔ, se mohu Tsaatsɛ nɛ tsɔ mi ɔ suɔmi nya ní i peeɔ.

Yohane 6:38

Ejakaa i je hiɔwe kɛ ba nɛ ma ba pee nɔ nɛ tsɔ mi ɔ suɔmi nya ní, se pi imi nitsɛ ye suɔmi nya ní.

Ni Tsumi 2:24

Se Mawu tle lɛ si kɛ je gbeje; e kpɔ lɛ ngɛ gbenɔ nya mi, ejakaa gbenɔ be e nya nyɛe maa tsi kɔkɔɔkɔ.

Ni Tsumi 2:32

Mawu tle kikɛmɛ a Yesu nɛ ɔ nɔuu si kɛ je gbeje; lɔ ɔ he odase yeli ji wɔ tsuo.

Ni Tsumi 3:15

Wami matsɛ ɔ, nyɛ gbe lɛ. Se Mawu tle lɛ si kɛ je gbeje; lɔ ɔ nɔuu he odase yeli ji wɔ.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Hebribi 2:9

Se Yesu lɛɛ wa na kaa gbenɔ mi amanehlu ɔ nɛ e na a ha nɛ a kɛ hɛ mi nyami kɛ bu fi lɛ jlasi. Nɛ Mawu bɔ lɛ ɔ, nɔ́ ko bɔɔ pɛ e ha bɔfo ɔmɛ kɛ pe lɛ. Mawu pee lɛ jã, konɛ lɛ Mawu ɔ dloomi ɔ nya a, Yesu nɛ ba gbo kɛ ha nihi tsuo.