Yohane 1:9 - BAIBLO ALOO NGMAMI KLƆUKLƆU Ɔ

⁹ La nɛ ɔ ji la nɛ tsoɔ haa nimli adesahi tsuo.

Somi He Ɔ

⁹ La nitse nɛ tsoo haa nɔ tsuaa nɔ ɔ lɛ ma je ɔ mi ɔ nɛ.

Yohane 1:9 ပူးပေါင်းရင်းမြစ်များ

Yesaya 49:6

Yawɛ de mi ke, “Ye tsɔlɔ, i ngɛ ní tsumi agbo ko ha mo; pi kaa o ma bua Israel bi nɛ a yi na wami ɔ a nya kɛ pee ma ekohu kaa sa a kɛkɛ, se mohu kaa o maa pee la kɛ ha je ma amɛ, bɔ nɛ pee nɛ a he je ɔ tsuo yi wami.”

Yesaya 8:20

Ke a de nyɛ ja a, nyɛ he nɔ ke, “Nyɛɛ bu nɔ́ nɛ Yawɛ ngɛ nyɛ tsɔɔe ɔ tue! Nyɛ ko bu ní peeli tue. Níhi nɛ a deɔ nyɛ ɔ, a he be se nami.”

Mateo 6:23

Se ke o hɛngmɛ nɔ tsɔ we ɔ, lɛɛ o nɔmlɔ tso ɔ tsuo maa wo diblii. Lɔ ɔ he ɔ, ke la nɛ ngɛ o mi ji diblii ɔ, lɛɛ jamɛ a diblii ɔ mi ma ti wawɛɛ nitsɛ.

Luka 11:36

Ke o nɔmlɔ tso ɔ tsuo mi tsɔ, nɛ he ko he ko wui diblii ɔ, lɛ tsuo ma kpɛ kaa bɔ nɛ kane kpɛɔ nɛ e haa mo la a.”

Yohane 1:4

Wami ngɛ Munyu ɔ mi, nɛ wami nɛ ɔ ngɔ la ba ha nimli adesahi.

Yohane 1:7

E ba nɛ e ba ye la a he odase ha nimli adesahi, konɛ mɛ tsuo a he ye.

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ mi yeɔ ɔ, e ko hi diblii ɔ mi.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

Yohane 15:1

“Imi ji wai tso nitsɛ ɔ, nɛ Tsaatsɛ ji ngmɔtsɛ.

Yohane 6:32

Yesu de mɛ ke, “I ngɛ nyɛ dee anɔkuale mi ke nɔ́ nɛ Mose ha nyɛ ɔ, pi lɔ ɔ ji abolo nɛ je hiɔwe ɔ. Tsaatsɛ ji nɔ nɛ haa nyɛ abolo nitsɛnitsɛ nɛ je hiɔwe.

Yohane 7:12

Ma a tsuo tu Yesu he munyu kusikusi. Benɛ ni komɛ de ke, “Nɔmlɔ kpakpa ji lɛ” ɔ, ni komɛ hu de ke, “Dɛbi, e ngɛ ma a nane tɔtɔe”.

1 Yohane 1:8

Ke wa de ke yayami ko be wa he ɔ, wɔ nitsɛmɛ wa he wa ngɛ sisie; nɛ Mawu we anɔkuale ɔ be wa mi.

1 Yohane 2:8

Se kɛ̃ ɔ, mlaa nɛ i ngɛ ngmae nɛ nyɛɛ ye nɔ nɛ ɔ, mlaa he, ejakaa a naa e we anɔkuale ɔ nɛ ngɛ ní tsue ngɛ nyɛ mi kaa bɔ nɛ e tsu ní ngɛ Kristo mi ɔ. Diblii ɔ ngɛ bee kɛ yaa, nɛ la nitsɛ ɔ bɔni kpɛmi momo.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.