Yohane 1:49 - BAIBLO ALOO NGMAMI KLƆUKLƆU Ɔ

⁴⁹ Natanael kpale he nɔ ke, “Tsɔɔlɔ, niinɛ, mo ji Mawu Bi ɔ! Mo ji Israel matsɛ ɔ nɛ!”

Somi He Ɔ

⁴⁹ Natanael he nɔ nɛ e de lɛ ke: “Rabi, mo ji Mawu Bi ɔ nɛ, mo ji Israel matsɛ ɔ nɛ!”

Yohane 1:49 ပူးပေါင်းရင်းမြစ်များ

La 110:1

Yawɛ de ye nyɔmtsɛ ɔ ke, “Hii si ngɛ ye hiɔ nɔ kɛ yaa si be nɛ ma ngɔ o he nyɛli ɔmɛ kɛ pee nɔ́ nɛ o kɛ o nane maa nɔ.”

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Daniel 9:25

Lɔ ɔ he ɔ, na nɛ o le kaa kɛ je be nɛ a ma fa ke a kpale ma Yerusalem ekohu, kɛ yaa si be nɛ ganɔ ɔ nɛ Mawu hla a maa ba a, jeha kpaago totoe kpaago maa be. A maa kpale ma Yerusalem ma a ekohu. A ma je gbɛjegbɛhi kɛ wo ma a mi; nɛ a maa fia gbogbo kɛ wo he, nɛ ma a maa hi si jeha kpaago totoe nyingmi ekpa kɛ enyɔ. Se jamɛ a be ɔ maa pee fimi be.

Hosea 3:5

Se pee se ɔ, Israel bi ɔmɛ maa kpale kɛ ba a ma a mi ekohu; a ma ba hla Yawɛ, a Mawu ɔ, kɛ David nɛ ji matsɛ ɔ nina se blɔ ekohu. Jamɛ a be ɔ, a maa ye Yawɛ gbeye, nɛ a ma na nike ní kpakpahi kɛ je e dɛ mi.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Zefania 3:15

Yawɛ gbla nyɛ tue ta; e fie nyɛ he nyɛli ɔmɛ ngɛ nyɛ he. Yawɛ, Israel matsɛ ɔ ngɛ nyɛ kpɛti; nyɛ be gbeye yee hu.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mateo 14:33

Jehanɛ, kaseli ɔmɛ nɛ ngɛ lɛ ɔ mi ɔ ja Yesu, nɛ a de ke, “Niinɛ, Mawu Bi ji mo!”

Mateo 2:2

“Bimwɔyo ɔ nɛ a fɔ nɛ e ba ye Yuda bi ɔmɛ a nɔ matsɛ ɔ, jije e ngɛ? Wa na e dodoe ngɛ beleku, nɛ wa ba, konɛ wa ba ja lɛ.”

Mateo 21:5

“Nyɛ de Zion biyo ɔ ke, Hyɛ, o matsɛ ɔ ma o ngɔ. E he jɔ, nɛ e hi teji nɔ, ee, e hi teji bi nɔ.”

Mateo 23:7

a suɔ nɛ a kɛ bumi nɛ nga mɛ ngɛ jua nɔ, nɛ a tsɛ mɛ ke, ‘Tsɔɔlɔ!’

Mateo 23:8

Nyɛɛ lɛɛ, a ko tsɛ nyɛ ‘Tsɔɔlɔ’, ejakaa nyɛ tsuo pɛpɛɛpɛ nyɛmimɛ ji nyɛ, nɛ tsɔɔlɔ kake pɛ nyɛ ngɛ.

Mateo 27:11

Yesu daa si ngɛ Roma amlaalo ɔ hɛ mi, nɛ amlaalo ɔ bi lɛ ke, “Mo ji Yuda bi ɔmɛ a matsɛ ɔ?” Yesu he nɔ ke, “Ja o de ɔ nɛ.”

Mateo 27:42

“E he ni kpahi a yi wami, se lɛ nitsɛ e nɔ́ lɛɛ e nyɛ we nɛ e he! Pi lɛ nɛ e ke lɛ ji Israel matsɛ ɔ! Jehanɛ ɔ lɛɛ é kple si kɛ je sɛumi tso ɔ nɔ koo, kɛkɛ wa ma he ye!

Mateo 4:3

Kɛkɛ nɛ Abosiami ba e ngɔ ba de lɛ ke, “Ke Mawu Bi ji mo ɔ, fa tɛ nɛ ɔmɛ nɛ a plɛ abolo.”

Marko 15:32

Ke lɛ ji Kristo, Israel matsɛ ɔ, e je sɛumi tso ɔ nɔ kɛ kple si nɛ waa na konɛ wa he ye!” Ni enyɔ ɔmɛ nɛ a sɛu ngɔ piɛ e he ɔ hu ye e he fɛu.

Luka 1:35

Bɔfo ɔ de lɛ ke, “Mumi Klɔuklɔu ɔ maa ba o nɔ; Hiɔwe No ɔ he wami ɔ maa ba o nɔ. Enɛ ɔ he je ɔ, bi klɔuklɔu ɔ nɛ o ma fɔ ɔ, a ma tsɛ lɛ Mawu Bi.

Luka 19:38

A de ke, “Mawu nɛ gbaa matsɛ ɔ nɛ ma ngɛ Nyɔmtsɛ ɔ biɛ mi ɔ! He jɔmi ngɛ hiɔwe, kɛ hɛ mi nyami ha Mawu!”

Yohane 1:18

Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Yohane 1:34

Nɔ́ nɛ ɔ ba mi jã pɛpɛɛpɛ nɛ i na, lɔ ɔ he nɛ i ngɛ odase yee ke Yesu ji Mawu Bi ɔ nɛ.”

Yohane 1:38

Benɛ Yesu plɛ e he, nɛ e na kaa kaseli ɔmɛ nyɛɛ e se ɔ, e bi mɛ ke, “Mɛni nyɛ ngɛ hlae?” A he nɔ ke, “Tsɔɔlɔ, jije o hii?”

Yohane 1:50

Jehanɛ ɔ, Yesu bi Natanael ke, “Akɛnɛ i de mo ke i na mo ngɛ ngmɔkɔ tso ɔ sisi ɔ, lɔ ɔ he nɛ o he ye ɔ? O maa na ní nguahi nɛ pe enɛ ɔ.”

Yohane 18:37

Lɔ ɔ he ɔ, Pilato bi lɛ ke, “Se matsɛ ji mo kɛ̃?” Yesu he nɔ ke, “O ngɛ dee ke matsɛ ji mi. Imi lɛɛ enɛ ɔ he nɛ a fɔ mi kɛ ba je ɔ mi, konɛ ma tsɔɔ anɔkuale ɔ. Nɔ tsuaa nɔ nɛ le anɔkuale ɔ buɔ mi tue.”

Yohane 4:31

Jamɛ a be ɔ, kaseli ɔmɛ bɔni Yesu pɛɛ kpami ke e ba wo e nya mi nɔ́ ko.