Yohane 1:46 - BAIBLO ALOO NGMAMI KLƆUKLƆU Ɔ

⁴⁶ Se Natanael bi Filipo ke, “Anɛ nɔ́ kpakpa ko maa je Nazaret lo?” Filipo he nɔ ke, “Ba nɛ o ba hyɛ!”

Somi He Ɔ

⁴⁶ Nɛ Natanael de Filipo ke: “Anɛ nɔ́ kpakpa ko ma nyɛ Nazaret maa je lo?” Filipo de lɛ ke: “Ba nɛ o ba hyɛ.”

Yohane 1:46 ပူးပေါင်းရင်းမြစ်များ

Mateo 10:3

Filipo kɛ Bartolomeo, Toma, kɛ Mateo tó tsulɔ ɔ Alfeo bi Yakobo, kɛ Tadeo,

Mateo 2:23

nɛ e ya hi ma ko nɛ a tsɛɛ Nazaret ɔ. Nɛ nɔ́ nɛ gbali ɔmɛ de to ɔ ba mi ke, “A ma tsɛ lɛ Nazaret no.”

Luka 12:57

“Mɛni he je nyɛ nitsɛmɛ nyɛ nɛ nɔ́ nɛ sa kaa nyɛɛ pee ɔ?

Yohane 1:44

Filipo je Betsaida, ma mi he nɛ Andrea kɛ Petro hu je ɔ.

Yohane 1:45

Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Yohane 12:21

Nimli nɛ ɔmɛ ba Filipo nɛ je Betsaida ngɛ Galilea a ngɔ, nɛ a ba de lɛ ke, “Nyɔmtsɛ, wa ngɛ hlae nɛ waa na Yesu.”

Yohane 14:8

Filipo de lɛ ke, “Nyɔmtsɛ, tsɔɔ wɔ Tsɛ ɔ, kɛkɛ nɔ ko be wɔ hiae hu.”

Yohane 4:29

“Nyɛɛ ba! Nyɛ ba hyɛ nyumu ko nɛ de mi níhi tsuo nɛ i pee hyɛ. Anɛ pi lɛ ji Kristo ɔ lo?”

Yohane 6:5

Yesu wo e yi nɔ, nɛ e na nimli babauu nɛ bu kɛ ma e ngɔ. Lɔ ɔ he ɔ, e bi Filipo ke, “Jije wa ma he niye ní ngɛ nɛ maa su nimli nɛ ɔmɛ a nya?”

Yohane 6:7

Filipo he nɔ ke, “Sika hiɔ lafa enyɔ nya abolo po be mɛ sue nya mi bɔ kakaaka.”

Yohane 7:52

A he nɔ ke, “Saminya! Tse mo hu Galilea no ji mo! Yaa kpa ngmami ɔmɛ a mi kaa o maa na gbalɔ ko nɛ je Galilea lo!”

1 Tesalonikabi 5:21

Nyɛɛ ka nɔ́ tsuaa nɔ́ hyɛ. Nɔ́ nɛ hi ɔ, nyɛɛ pɛtɛ he nɛ wa;