Yohane 1:45 - BAIBLO ALOO NGMAMI KLƆUKLƆU Ɔ

⁴⁵ Benɛ Filipo hu kɛ Natanael ya kpe ɔ, Filipo de lɛ ke, “Natanael, hyɛ, nɔmlɔ ɔ nɛ Mose ngma e he sane ngɛ mlaa womi ɔ mi, nɛ gbali ɔmɛ hu tu e he munyu ɔ, wa na lɛ. Lɛ ji Yosef bi Yesu nɛ je Nazaret ɔ.”

Somi He Ɔ

⁴⁵ Filipo hu na Natanael, nɛ e de lɛ ke: “Wa na nɔ nɛ Mose ngma e he sane ngɛ Mlaa a mi, nɛ gbali ɔmɛ hu ngma e he sane ɔ, Yesu, Yosef bi nɛ je Nazaret ɔ.”

Yohane 1:45 ပူးပေါင်းရင်းမြစ်များ

Mose I, 22:18

Je ma amɛ tsuo ma bi ke ma gbaa mɛ kaa bɔ nɛ i gbaa o nina a, ejakaa o bu mi tue.”

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Mose I, 49:10

Yuda maa hɛɛ matsɛ tso ɔ, E nina maa ye matsɛ daa. Je ma amɛ ma tsu to ba ha lɛ, Nɛ a ma ba kpla si ngɛ e hɛ mi.

Yesaya 4:2

Be ma, nɛ Yawɛ ma ha tso tsuaa tso ngɛ zugba a nɔ ɔ maa bɔ, nɛ e maa pee fɛu. Israel bi tsuo nɛ a yi ma na wami ɔ, a bua maa jɔ, nɛ a ma na gɛjɛmi ngɛ niba ní nɛ a ma na ngɛ zugba a mi ɔ he.

Yesaya 53:2

Yawɛ tsɔlɔ ɔ ngɛ kaa tso wayoo ko nɛ puɛ kɛ je zugba gbigbli mi. Agboje ko be e he ɔ, he fɛu hu bɔ lɛ, lɔ ɔ he ɔ, wa bui lɛ. Nɔ́ ko nɔ́ ko be e he nɛ maa pee wɔ akɔnɔ.

Yesaya 7:14

Yoo, i nu. Nyɔmtsɛ ɔ nitsɛ ma ha nyɛ okadi ko; yiheyo ko maa ngɔ hɔ, nɛ e ma fɔ binyumu, nɛ e maa wo lɛ biɛ ke, ‘Yimanuel’.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Zakaria 6:12

De lɛ ke bɔ nɛ Yawɛ Tabohiatsɛ ɔ de ji nɛ ɔ nɛ: ‘Nɔ ko ji nɛ ɔ nɛ. A tsɛɛ lɛ Tso Kɔni. E ma gba kɔni nɛ e ma ba ma Yawɛ we ɔ ekohu.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mateo 10:3

Filipo kɛ Bartolomeo, Toma, kɛ Mateo tó tsulɔ ɔ Alfeo bi Yakobo, kɛ Tadeo,

Mateo 13:55

Anɛ pi kapitɛ ɔ bi ɔ ji nɛ ɔ? Anɛ pi e nyɛ nɛ a tsɛɛ Maria a? Pi e nyɛminyumuhi ji Yakobo, Yosef, Simon, kɛ Yuda a?

Mateo 2:23

nɛ e ya hi ma ko nɛ a tsɛɛ Nazaret ɔ. Nɛ nɔ́ nɛ gbali ɔmɛ de to ɔ ba mi ke, “A ma tsɛ lɛ Nazaret no.”

Mateo 21:11

Ma kpekpemi ɔ he nɔ ke, “Nɔ nɛ ɔ ji gbalɔ Yesu nɛ je Nazaret ngɛ Galilea a nɛ.”

Marko 14:67

Benɛ e na Petro nɛ ngɛ la hlue ɔ, e hyɛ lɛ too, nɛ e bi lɛ ke, “Tse mo hu o piɛ Yesu nɛ je Nazaret ɔ he?”

Marko 6:3

Anɛ pi kapitɛ ɔ ji nɛ ɔ? Pi Maria bi ɔ ji nɛ ɔ? Pi Yakobo, Yose, Yuda, kɛ Simon a nyɛminyumu ɔ ji nɛ ɔ? Pi e nyɛmiyihi hu nɛ kɛ wɔ ngɛ hiɛ ɔ?” Lɔ ɔ he ɔ, e pee mɛ tai.

Luka 18:37

A de lɛ ke, “Yesu nɛ je Nazaret ɔ lɛ bee.”

Luka 2:4

Yosef je Nazaret ma a mi ngɛ Galilea, nɛ e ya Betlehem ngɛ Yudea, he nɛ a fɔ Matsɛ David ngɛ ɔ. Yosef ya lejɛ ɔ, ejakaa David nina ji lɛ.

Luka 2:48

Benɛ e fɔli ɔmɛ na lɛ ɔ, a nya kpɛ a he; nɛ e nyɛ bi lɛ ke, “Ye bi, mɛni he je nɛ o pee wɔ kikɛ nɛ ɔ? Hyɛ, i kɛ o tsɛ kpa si hla mo kɛ hɛdɔ.”

Luka 24:27

Jehanɛ ɔ, Yesu tsɔɔ mɛ níhi tsuo nɛ ngmami ɔmɛ de ngɛ lɛ nitsɛ e he ɔ a sisi; e je sisi kɛ je Mose womi ɔmɛ, kɛ gbali ɔmɛ tsuo a ni ɔmɛ a nɔ.

Luka 24:44

Enɛ ɔ se ɔ, e de mɛ ke, “Benɛ i kɛ nyɛ ngɛ ɔ, níhi nɛ i deɔ nyɛ ji nɛ ɔmɛ nɛ: níhi tsuo nɛ a ngma ngɛ ye he ngɛ Mose mlaa a, kɛ gbali ɔmɛ, kɛ La womi ɔ a mi ɔ, ja lɛ tsuo ba mi.”

Luka 3:23

Benɛ Yesu je e ní tsumi sisi ɔ, e ye maa pee jeha nyingmi etɛ, nɛ bɔ nɛ nihi susuɔ ji e tsɛ ji Yosef, Heli bi ɔ,

Luka 4:22

Ni ɔmɛ tsuo tu e he munyu kpakpa, nɛ munyuhi nɛ a he jua wa nɛ je e nya a ha a nya kpɛ a he, nɛ a bi ke, “Anɛ pi Yosef bi ɔ ji nɛ ɔ lo?”

Yohane 1:44

Filipo je Betsaida, ma mi he nɛ Andrea kɛ Petro hu je ɔ.

Yohane 12:21

Nimli nɛ ɔmɛ ba Filipo nɛ je Betsaida ngɛ Galilea a ngɔ, nɛ a ba de lɛ ke, “Nyɔmtsɛ, wa ngɛ hlae nɛ waa na Yesu.”

Yohane 14:8

Filipo de lɛ ke, “Nyɔmtsɛ, tsɔɔ wɔ Tsɛ ɔ, kɛkɛ nɔ ko be wɔ hiae hu.”

Yohane 18:5

A he nɔ ke, “Yesu nɛ je Nazaret ɔ.” Yesu de mɛ ke, “Imi ji nɛ ɔ nɛ!” Yuda, nɔ nɛ tsɔɔ Yesu se blɔ ɔ hu kɛ mɛ daa si ngɛ lejɛ ɔ.

Yohane 18:7

Yesu kpale bi mɛ ekohu ke, “Mɛnɔ nyɛ ngɛ hlae?” A he nɔ ke, “Yesu nɛ je Nazaret ɔ.”

Yohane 19:19

Pilato ngma kɛ mɛtɛ Yesu sɛumi tso ɔ yi mi ke, “Yesu nɛ je Nazaret, Yuda bi ɔmɛ a matsɛ ɔ.”

Yohane 21:2

Simon Petro, kɛ Toma nɛ a tsɛɛ lɛ Hayo hulɔ ɔ, Natanael nɛ je Kana ngɛ Galilea a, Zebedeo bimɛ ɔmɛ, kɛ kaseli ɔmɛ a ti ni kpahi enyɔ hu ya bua ngɛ he ko.

Yohane 6:42

nɛ a bi ke, “Anɛ pi Yosef bi Yesu ɔ ji nɛ ɔ? Tse wa le e tsɛ kɛ e nyɛ! Nɛ lɛɛ e ke e je hiɔwe ɔ? Kɛ pee kɛɛ nɛ e deɔ jã mɔ?”

Yohane 6:5

Yesu wo e yi nɔ, nɛ e na nimli babauu nɛ bu kɛ ma e ngɔ. Lɔ ɔ he ɔ, e bi Filipo ke, “Jije wa ma he niye ní ngɛ nɛ maa su nimli nɛ ɔmɛ a nya?”

Yohane 6:7

Filipo he nɔ ke, “Sika hiɔ lafa enyɔ nya abolo po be mɛ sue nya mi bɔ kakaaka.”

Ni Tsumi 10:38

Nyɛ le Yesu nɛ je Nazaret ɔ he sane, bɔ nɛ Mawu hla lɛ, nɛ e ha nɛ Mumi Klɔuklɔu ɔ he wami ɔ ba e nɔ. Nyɛ le bɔ nɛ e kpa si kɛ ya he tsuaa he kɛ kpakpa peemi. E tsa hiɔtsɛmɛ, nɛ e hia mumi yayamihi hulɔ; ejakaa Mawu kɛ lɛ ngɛ.

Ni Tsumi 2:22

“Ye nyɛmimɛ Israel bi, nyɛɛ bu munyu nɛ ɔ tue saminya! Nyakpɛ níhi, kɛ okadihi nɛ Mawu pee kɛ gu Yesu nɛ je Nazaret ɔ nɔ ɔ yeɔ odase paa kaa Mawu nitsɛ lɛ tsɔ lɛ. Nyɛ nitsɛmɛ nyɛ le enɛ ɔ, ejakaa nyɛ kpɛti a pee ni nɛ ɔmɛ ngɛ.

Ni Tsumi 22:8

I he nɔ ke, ‘Mo mɛnɔ, Nyɔmtsɛ?’ E de mi ke, ‘Imi ji Yesu, Nazaret no ɔ nɛ o ngɛ lɛ yi mi wae ɔ!’

Ni Tsumi 26:9

“Imi nitsɛ hu jinɛ i susu kaa ma bɔ mɔde kɛ puɛ Yesu, Nazaret no ɔ ní tsumi ɔ.

Ni Tsumi 3:6

Se Petro de lɛ ke, “I be sika hiɔ, loo sika tsu, se nɔ́ nɛ i ngɛ ɔ, lɔ ɔ i ngɛ mo hae nɛ ɔ nɛ. Ngɛ Yesu Kristo, Nazaret no ɔ biɛ mi ɔ, tee si nɛ o nyɛɛ!”