Yohane 1:42 - BAIBLO ALOO NGMAMI KLƆUKLƆU Ɔ

⁴² Kɛkɛ nɛ e ngɔ Simon kɛ ya Yesu ngɔ. Yesu hyɛ Simon too, nɛ e de lɛ ke, “Tse mo ji Yohane bi Simon ɔ. Jehanɛ lɛɛ a ma tsɛ mo Kefa.” (E sisi ji Petro, loo tɛ sa.)

Somi He Ɔ

⁴² Nɛ e kɛ lɛ ba Yesu ngɔ. Nɛ benɛ Yesu hyɛ lɛ ɔ, e ke: “Mo ji Simon, Yona bi ɔ, a ma tsɛ mo Kefa.” (E sisi ji Petro loo tɛ sa.)

Yohane 1:42 ပူးပေါင်းရင်းမြစ်များ

Matsɛmɛ II, 5:4

Benɛ Naeman nu he ɔ, e ho ya bɔ matsɛ ɔ nɔ́ nɛ yiheyo ɔ nɛ je Israel ɔ de ɔ.

Mateo 10:2

Bɔfohi nyɔngma kɛ enyɔ ɔmɛ a biɛhi ji nɛ ɔmɛ nɛ. Kekleekle nɔ ji Simon (nɛ a tsɛɛ lɛ Petro hulɔ ɔ), kɛ e nyɛmi Andrea, Yakobo, kɛ e nyɛmi Yohane, Zebedeo bimɛ ɔmɛ,

Marko 3:16

Ni nyɔngma kɛ enyɔ ɔmɛ nɛ e hla a ji nɛ ɔmɛ nɛ: Simon, (nɛ e wo lɛ biɛ ke Petro hulɔ ɔ),

Luka 5:8

Benɛ Simon Petro na nɔ́ nɛ ba a, e kpla si ngɛ Yesu nane nya, nɛ e de ke, “Nyɔmtsɛ! Jee ye kasa nya, ejakaa yayami peelɔ ji mi!”

Luka 6:14

Mɛ ji Simon, nɔ nɛ e wo lɛ biɛ ke Petro hulɔ ɔ, kɛ e nyɛmi Andrea, Yakobo kɛ Yohane, Filipo kɛ Bartolomeo,

Yohane 13:18

“Pi nyɛ tsuo nyɛ he nɛ i ngɛ enɛ ɔ dee; ejakaa nihi nɛ i hla a, i le bɔ nɛ a ngɛ. Se e sa kaa ngmami ɔ nɛ deɔ ke, ‘Nɔmlɔ nɛ kɛ mi dla ye abolo ɔ te si ngɔ si mi,’ ɔ nɛ ba mi.

Yohane 21:2

Simon Petro, kɛ Toma nɛ a tsɛɛ lɛ Hayo hulɔ ɔ, Natanael nɛ je Kana ngɛ Galilea a, Zebedeo bimɛ ɔmɛ, kɛ kaseli ɔmɛ a ti ni kpahi enyɔ hu ya bua ngɛ he ko.

Yohane 4:16

Yesu de yo ɔ ke, “Yaa nɛ o ya tsɛ o huno, nɛ o kɛ lɛ nɛ ba hiɛ ɔ.”

1 Korintobi 1:12

Nɔ́ nɛ i ngɛ tsɔɔe ji, nyɛ ti nɔ tsuaa nɔ ngɛ nɔ́ ko nɛ e ngɛ dee. Nɔ ko ke, “Paulo nɔ́ ji mi”, nɛ nɔ ko hu ke, “Imi lɛɛ Apolo nɔ́ ji mi”; nɔ kpa ke, “Imi lɛɛ Kefa nɔ́ ji mi”; nɛ nɔ kpa hu ke, “Oo, imi lɛɛ Kristo nitsɛ se nyɛɛlɔ ji mi.”

1 Korintobi 15:5

E jé e he kpo ngɔ tsɔɔ Petro; nɛ pee se ɔ, e jé e he kpo ngɔ tsɔɔ ni nyɔngma kɛ enyɔ ɔmɛ.

1 Korintobi 3:22

Paulo jio, Apolo jio, Petro jio, je nɛ ɔ jio, wami jio, gbenɔ jio, amlɔ nɛ ɔ jio, hwɔɔ se jio, ní nɛ ɔmɛ tsuo ngɛ ha nyɛ.

1 Korintobi 9:5

Ke wa yaa he ko ɔ, anɛ wa be he blɔ kaa wa yihi nɛ le Kristo ɔ, waa kɛ mɛ nyɛɛɔ kaa bɔ nɛ bɔfo kpa amɛ, kɛ Nyɔmtsɛ ɔ nyɛminyumu ɔmɛ, kɛ Petro peeɔ ɔ lo?

Galatabi 1:18

Jeha etɛ se loko i ya Yerusalem ya na Petro, nɛ i ye ligbi nyɔngma kɛ enuɔ ngɛ e ngɔ.

Galatabi 2:11

Benɛ Petro ba Antiokia a, i ka e hɛ mi ngɛ ma hɛ mi; ejakaa nɔ́ nɛ e pee ɔ dɛ kulaa.

Galatabi 2:9

Yakobo, Petro, kɛ Yohane nɛ a buu mɛ kaa asafo ɔ mi titimahi ɔ na paa kaa Mawu dloo mi babauu, nɛ e tu ní tsumi pɔtɛɛ nɛ ɔ ngɔ wo ye dɛ; lɔ ɔ he ɔ, mɛ hu a sa i kɛ Barnaba wa dɛ mi kɛ he wɔ atuu kaa nihi nɛ kɛ mɛ ngɛ ní tsumi kake tsue. Wa ma nya si kaa i kɛ Barnaba maa ya ma je li ɔmɛ a ngɔ, konɛ mɛɛ lɛɛ a ya Yuda bi ɔmɛ a ngɔ.