Yohane 1:29 - BAIBLO ALOO NGMAMI KLƆUKLƆU Ɔ

²⁹ E nɔ jena a, Yohane na Yesu nɛ ma e ngɔ. Kɛkɛ nɛ e de ke, “Hyɛ, Mawu To Bi ɔ nɛ woɔ je ɔ he yayami kɛ yaa a, lɛ ji nɛ ɔ nɛ.

Somi He Ɔ

²⁹ E nɔ je na a, Yohane na Yesu ma e ngɔ nɛ e ke: “Oʼɛ Mawu To bi ɔ nɛ woɔ je ɔ he yayami ɔ kɛ yaa a!

Yohane 1:29 ပူးပေါင်းရင်းမြစ်များ

Mose II, 28:38

E hi Aaron hɛ nya daa, kɛkɛ ɔ, ke Israel bi ɔmɛ ngɔ a nike ní klɔuklɔu ɔmɛ kɛ ba ha mi, nɛ tɔmi ko ba ngɛ nɔ́ nɛ ɔ peemi mi po ɔ, imi Yawɛ, i be nike ní ɔmɛ kuae, se mohu ma ngɔ.

Yesaya 53:10

“Se e sa Yawɛ hɛ mi kaa a fiaa lɛ ní; e ha a pi lɛ. Ke e ngɔ e wami kɛ sã bɔ ngɛ yayami he ɔ, e se maa kɛ ngɛ je mi, nɛ e ma na nina babauu. Nɛ Yawɛ maa gu e nɔ kɛ ye manye.

Yesaya 53:11

Ke e na nɔ́ se ɔ, e ma na bua jɔmi ekohu, nɛ e maa na kaa e nɔ́ nami pee we yaka. Ye tsɔlɔ nɛ i suɔ lɛ ɔ, a maa gbla e tue ngɛ nihi babauu a nane mi, se e he ɔ, ma ngɔ a he yayami kɛ pa mɛ.

Yesaya 53:7

“A wa lɛ yi mi, nɛ a pi lɛ; se e kpɛ we e kuɔ si! A kpaka lɛ kɛ ho kaa to bi nɛ a yaa gbe. Nɛ bɔ nɛ jijɔ peeɔ kpoo ngɛ e he bwɔmi salɔ hɛ mi ɔ, ja nɔuu e kpɛ we e kuɔ si.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Mose III, 10:17

“Mɛni he je nɛ nyɛ yi yayami pami bɔ ɔ ngɛ he klɔuklɔu ɔ? Nyɛ li kaa e ji nɔ́ ko nɛ ngɛ klɔuklɔu, nɛ Mawu kɛ ha nyɛ nɛ nyɛ kɛ je ma a he yayami kɛ kpata Yawɛ kɛ ha mɛ lo?

Zakaria 13:1

Yawɛ Tabohiatsɛ ɔ ya nɔ nɛ e de ke, “Ke jamɛ a be ɔ su ɔ, a ma bli nyu vu ko nya, nɛ a maa ngɔ e mi nyu ɔ kɛ tsu David nina, kɛ Yerusalem bi ɔmɛ a he kɛ jé a he yayami ɔ, kɛ a he mu ɔ.

Mose IV, 18:1

Yawɛ de Aaron ke, “O kɛ o bimɛ ɔmɛ, kɛ o tsɛ we ɔ, nyɛ ji ni nɛmɛ nɛ he klɔuklɔu ɔ he sɔ tloo, se nɔ́ nɛ kɔɔ osɔfo yemi ní tsumi ɔ he ɔ lɛɛ o kɛ o bimɛ ɔmɛ kɛkɛ nyɛ sane ji lɔ ɔ.

Mose IV, 18:23

Levi bi ɔmɛ pɛ ji ni nɛmɛ nɛ ma tsu ní ngɛ kpe he ɔ; ke sane ko ba a, mɛ lɛ a ma bi. Enɛ ɔ ji mlaa nɛ fɔɔ si daa kɛ ha nyɛ bimɛ; se weto ní ko lɛɛ a be nae ngɛ Israel,

Mose IV, 21:9

Mose pee akɔblee sinɔ, nɛ e kɛ kpla tso he; nɛ nɔ tsuaa nɔ nɛ sinɔ kɔ lɛ, nɛ e hyɛ akɔblee sinɔ ɔ, e yi na wami niinɛ.

Mateo 1:21

E ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wami kɛ je a he yayami ɔmɛ a mi.”

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Yohane 1:35

E nɔ jena benɛ Yohane kɛ e kaseli ɔmɛ a ti ni enyɔ daa si ekohu ɔ,

Yohane 1:36

e na Yesu nɛ bee. Kɛkɛ nɛ Yohane de ke, “Ne Mawu To Bi ɔ!”

Yohane 1:43

E nɔ jena a, Yesu to e yi mi kaa e maa ya Galilea. Kɛkɛ nɛ e kɛ Filipo kpe, nɛ e de lɛ ke, “Filipo, nyɛɛ ye se.”

Yohane 2:1

E nɔ ligbi etɛ ɔ, a kpee yo ngɛ Galilea ma nɛ a tsɛɛ Kana a. Yesu nyɛ ya lejɛ ɔ;

Yohane 3:16

Ejakaa Mawu suɔ je ɔ saminya, nɛ e ngɔ e Bi kake ɔ ngɔ ha, konɛ nɔ tsuaa nɔ nɛ heɔ lɛ yeɔ ɔ, e hɛ mi ko kpata, se mohu e na neneene wami.

Yohane 4:42

Kɛkɛ nɛ a de yo ɔ ke, “Jehanɛ lɛɛ pi o munyu ɔ nya hu nɛ wa heɔ yeɔ kaa nɔmlɔ nɛ ɔ ji je ɔ yi wami helɔ ɔ, se mohu nɔ́ nɛ wɔ nitsɛmɛ wa nu kɛ wa tue kɛ je lɛ nitsɛ e nya a he.”

Yohane 6:51

Imi ji abolo nɛ je hiɔwe nɛ haa nɔ wami. Nɔ nɛ maa ye kikɛmɛ a abolo nɛ ɔ eko ɔ maa hi si kɛ maa ya neneene. Abolo nɛ ma ha lɛ ɔ ji imi nitsɛ ye he lo nɛ i ngɔ kɛ ha, bɔ nɛ pee nɛ je ɔ tsuo yi nɛ na wami.”

Ni Tsumi 8:32

Ngmami ɔ mi he nɛ e ngɛ kanee ɔ ji nɛ ɔ nɛ: “A ngɔ lɛ kɛ ho kaa jijɔ nɛ a yaa gbe! Nɛ bɔ nɛ jijɔ bi peeɔ kpoo ngɛ e he bwɔmi sãlɔ hɛ mi ɔ, ja nɔuu e pee. nɛ e kpɛ we e kuɔ si.

1 Korintobi 15:3

Sɛ gbi nɛ he hia pe kulaa nɛ imi hu i na a, i ngɔ ba ha nyɛ. Lɔ ɔ ji kaa Kristo gbo ngɛ wa he yayami ɔmɛ a he kaa bɔ nɛ ngmami ɔmɛ tsɔɔ ɔ.

2 Korintobi 5:21

Kristo pee we yayami, se wa he ɔ, Mawu bu lɛ yayami peelɔ. Lɔ ɔ he ɔ, nɛ wa ba pee Kristo se nyɛɛli ɔ, wa peeɔ níhi nɛ da ngɛ Mawu hɛ mi.

Galatabi 1:4

Yesu Kristo ngɔ e he ngɔ ha ngɛ wa he yayami ɔmɛ a he, konɛ a je wɔ kɛ je yi nɔ nɛ ɔ yi wu tso ní peemi ɔmɛ a mi. Enɛ ɔ ji wa Mawu, kɛ wa Tsɛ ɔ suɔmi nya ní.

Galatabi 3:13

Wa he ɔ, Kristo ba plɛ nɔ nɛ a gbiɛ lɛ, konɛ gbiɛmi nɛ ko ba wa nɔ ngɛ mlaa a nya a, e je wɔ kɛ je mi. Ejakaa a ngma ke, “Nɔ tsuaa nɔ nɛ a sɛu lɛ ngɛ sɛumi tso nɔ ɔ, a gbiɛ lɛ.”

1 Timoteo 2:6

Kristo ngɔ e he kɛ sã bɔ ngɛ be nɛ sa mi, konɛ nimli tsuo nɛ a ye a he kɛ je yayami mi.

Tito 2:14

E ngɔ lɛ nitsɛ e he ngɔ ha ngɛ wa he. E kpɔ wɔ kɛ je yi wu tso níhi a peemi mi, nɛ e ngɔ wɔ ngɔ pee lɛ nitsɛ e ma klɔuklɔu, nihi nɛ a hɛ dɔɔ ngɛ nɔ́ kpakpa peemi he.

Hebribi 1:3

Bɔ nɛ Mawu hɛ mi ngɛ nyami ɔ, jã nɔuu Bi ɔ hu hɛ mi ngɛ nyami. Bi ɔ ngɛ kaa Mawu pɛpɛɛpɛ. E kɛ e munyu ɔ he wami kpetekpleenyɛ ɔ hɛɛ je ɔ tsuo. Benɛ e ngɔ je ɔ he yayami tsuo kɛ ho ɔ, e ya hi si ngɛ hiɔwe ngɛ matsɛ ngua a hiɔ nɔ.

Hebribi 2:17

Enɛ ɔ tsɔɔ kaa blɔ tsuaa blɔ nɔ ɔ, e hia kaa Yesu nɛ pee kaa e nyɛmimɛ ɔmɛ. Kɛkɛ ɔ, e maa pee osɔfo nɔkɔtɔma pe kulaa anɔkualetsɛ, kɛ mɔbɔ nalɔ nɛ ngɛ Mawu sɔmɔe, nɛ e kɛ e he nɛ sã kpatami bɔ, konɛ Mawu nɛ ngɔ a he yayamihi kɛ pa mɛ.

Hebribi 9:28

Jã nɔuu Kristo hu a ngɔ lɛ kɛ sã bɔ si kake pɛ, konɛ e kɛ je adesa he yayami. E maa ba si enyɔne ɔ, pi nɛ e ba tsu yayamihi a he ní hu, se mohu e ma ba he nihi nɛ ngɛ lɛ blɔ hyɛe wawɛɛ ɔ a yi wami.

1 Petro 1:19

se mohu, gbenɔ nɛ Kristo gbo, nɛ e ngɔ e he kɛ sã bɔ nɛ he jua wa a. Ee, Kristo ngɛ kaa to bi nɛ kpa, aloo mu ko be e he.

1 Petro 2:24

Kristo nitsɛ tloo wa he yayami ɔmɛ, nɛ e nɔmlɔ tso ɔ na nɔ́ ngɛ sɛumi tso ɔ nɔ. E pee enɛ ɔ, konɛ wa ko ngɔ wa he ngɔ ha yayami hu, se mohu waa ba wa je mi bɔ nɛ sa. E pa amɛ lɛ tsa nyɛ ɔ nɛ.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

1 Yohane 2:2

Nɛ Kristo ɔ ji nɔ nɛ a kɛ pee kpatami kɛ je wa he yayami ɔmɛ; pi wɔ kɛkɛ, se je ɔ tsuo he yayami.

1 Yohane 3:5

Nyɛ le kaa Kristo ba, konɛ e ba wó wa he yayami ɔmɛ kɛ ho. Nyɛ le hulɔ kaa Kristo ɔ, yayami ko be e he.

1 Yohane 4:10

Bɔ nɛ suɔmi ngɛ ji nɛ ɔ nɛ: pi wɔ nɛ wa sɛ hlami kɛ suɔ Mawu; Mawu mohu lɛ suɔ wɔ. Enɛ ɔ he ɔ, e tsɔ e Bi ɔ kɛ ba, konɛ e ba dla waa kɛ Mawu wa kpɛti, nɛ a ngɔ wa he yayami ɔmɛ ngɔ pa wɔ.

Kpojemi 1:5

kɛ Yesu Kristo nɛ yeɔ anɔkuale odase ɔ, nɛ lɛ ji kekleekle nɔ nɛ Mawu tle si kɛ je gbeje, nɛ lɛ nɛ e yeɔ zugba a nɔ matsɛmɛ ɔmɛ a nɔ ɔ nɛ dloo nyɛ, nɛ e ha nyɛ he jɔmi ja nɔuu. Nɔ nɛ suɔ wɔ, nɛ e kɛ lɛ nitsɛ e muɔ kpɔ wɔ kɛ je wa he yayami ɔmɛ a mi, nɛ

Kpojemi 12:11

Wa nyɛmimɛ ɔmɛ ye e nɔ kunimi kɛ gu To bi ɔ muɔ ɔ, kɛ odase ɔ nɛ a ye ɔ nɔ. A de we ke a maa baa mɛ nitsɛmɛ a wami yi, se mohu a suɔ kaa a maa ngɔ a wami tete ngɔ ha, nɛ a gbe mɛ.

Kpojemi 13:8

Nihi tsuo nɛ ngɛ je ɔ mi ɔ ma ja lɛ. Ni nɛmɛ nɛ a ngma a biɛ kɛ wo hɛ kali a womi ɔ mi loko a bɔ je ɔ, mɛ pɛ lɛ a be lɛ jae. To bi ɔ nɛ a gbe ɔ nɔ́ ji jamɛ a womi ɔ.

Kpojemi 14:1

Jehanɛ ɔ, i hyɛ, nɛ i na To bi ɔ nɛ daa si ngɛ Zion yo ɔ nɔ, kɛ nimli 144,000. A ngma To bi ɔ, kɛ e Tsɛ ɔ tsuo a biɛ ngɛ nimli nɛ ɔmɛ a ti nɔ tsuaa nɔ hɛ nya.

Kpojemi 14:4

Ni nɛ ɔmɛ ji nyumuhi nɛ a kɛ yihi fiɛ we yakayaka fiɛmi, nɛ a ble we a he; a he tsɔ. He tsuaa he nɛ To bi ɔ yaa a, a kɛ lɛ yaa. Mɛ pɛ ji nihi nɛ Mawu he a yi wami ngɛ je ɔ mi tsuo. Mawu kɛ To bi ɔ a nihi ji nimli nɛ ɔmɛ; a ngɛ kaa kekleekle tso yiblii nɛ a hla ngɔ to ha Mawu.

Kpojemi 15:3

Nɛ a ngɛ Mawu tsɔlɔ Mose la a, kɛ To bi ɔ la a lae ke, “Nyɔmtsɛ Mawu Ope, O ní tsumi ɔmɛ kle, nɛ a ngɛ nyakpɛ! Je ma amɛ a matsɛ, o ní peemi ní ɔmɛ tsuo da, anɔkuale sɔuu!

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Kpojemi 19:7

Nyɛ ha nɛ wa bua nɛ jɔ, nɛ wa nya! Nyɛ ha nɛ wa je e yi, ejakaa e kle! Ejakaa be ɔ su nɛ To bi ɔ maa kpee yo, nɛ ayɛflo ɔ dla e he ngɔ to.

Kpojemi 19:9

Kɛkɛ nɛ bɔfo ɔ de mi ke, “Ngmaa nɔ́ nɛ ɔ. Nihi nɛ a kpee mɛ kɛ ba To bi ɔ yo kpeemi okplɔɔ ɔ he ɔ, a gbaa mɛ!” Bɔfo ɔ ya nɔ nɛ e de ke, “Anɔkuale munyu nɛ je Mawu ngɔ ji nɛ ɔ nɛ.”

Kpojemi 21:14

Gbogbo nɛ bɔle ma a kɛ kpe ɔ, a fia ngɔ fɔ sisi tomi tɛ nyɔngma kɛ enyɔ nɔ, nɛ a ngma To bi ɔ bɔfo nyɔngma kɛ enyɔ ɔmɛ a biɛ ngɛ a nɔ.

Kpojemi 21:27

Nɔ́ ko nɛ he tsɔ we be ma a mi bae. Nɔ nɛ peeɔ níhi nɛ a hiee, loo e yeɔ lakpa hu be mi bae. Nihi nɛ a ngma a biɛ ngɛ To bi ɔ hɛ kali a womi ɔ mi ɔ, mɛ pɛ lɛ a maa ba ma a mi.

Kpojemi 21:9

Jehanɛ ɔ, bɔfo kpaago ɔmɛ nɛ hɛɛ kplu kpaago ɔmɛ nɛ nyagbe haomi kpaago ɔmɛ hyi mɛ tɔtɔɔtɔ ɔ, a ti nɔ kake ba ye ngɔ, nɛ e ba de mi ke, “Ba nɛ ma tsɔɔ mo ayɛflo ɔ nɛ ji To bi ɔ yo ɔ.”

Kpojemi 5:6

Jehanɛ, i na To bi ko nɛ daa si ngɛ matsɛ sɛ ɔ kɛ hɛ kali eywiɛ ɔmɛ, kɛ nikɔtɔma amɛ a kpɛti. To bi ɔ ngɛ kaa nɔ́ nɛ a gbe. E ngɛ koli kpaago, kɛ hɛngmɛ kpaago. Hɛngmɛ nɛ ɔmɛ ji Mawu mumi slɔɔto kpaago nɛ e tsɔ kɛ ya je ɔ mi tsuo.

Kpojemi 5:8

Benɛ To bi ɔ sɔle womi kpo ɔ, hɛ kali eywiɛ ɔmɛ, kɛ nikɔtɔma nyingmi enyɔ kɛ eywiɛ ɔmɛ ngɔ a hɛ mi ngɔ bu si ngɛ To bi ɔ hɛ mi. A ti nɔ tsuaa nɔ hɛɛ kpa saku, kɛ sika tsu sowe nɛ tsopa kɛ e he via hyi lɛ tɔ. Enɛ ɔmɛ ji ni klɔuklɔu ɔmɛ a sɔlemi.

Kpojemi 6:1

Jehanɛ i na nɛ To bi ɔ tsɔ nya sɔumi nɔ́ kpaago ɔmɛ a kpɛti kekleekle nɔ́ ɔ. I nu nɛ hɛ kali eywiɛ ɔmɛ a ti nɔ kake wo gbi kaa nɔ́ nɛ hiɔwe lɛ ngɛ sie, nɛ e de ke, “Ba!”

Kpojemi 6:16

A de yo ɔmɛ, kɛ tɛ sa amɛ ke, “Nyɛ ba ha wa nɔ, konɛ nɔ nɛ hii si ngɛ matsɛ sɛ ɔ nɔ ɔ ko na wɔ, nɛ́ To bi ɔ hu ko gbla wa tue!

Kpojemi 7:14

I de lɛ ke, “Ye Nyɔmtsɛ, i li; mo lɛ o le!” E de mi ke, “Haomi kpetekpleenyɛ ɔ, nimli nɛ ɔmɛ ji ni nɛmɛ nɛ gblee mi kɛ be slɔkee. A fɔ a tade ɔmɛ a he, nɛ a ha nɛ a hiɛ futaa ngɛ To bi ɔ muɔ ɔ mi.

Kpojemi 7:17

ejakaa To bi ɔ nɛ ngɛ matsɛ sɛ ɔ kpɛti ɔ maa lɛ mɛ; nɛ e ma tsɔ̃ mɛ kɛ maa ya nyu vuhi nɛ haa nɔ wami a he. Nɛ Mawu ma tsu a hɛ mi vo nyu tsuo.”