Yohane 1:18 - BAIBLO ALOO NGMAMI KLƆUKLƆU Ɔ

¹⁸ Mawu ɔ, nɔ ko nɛ lɛ hyɛ. E bi kake too ɔ nɛ hii si ngɛ Tsɛ ɔ hiɔ nɔ ɔ, lɛ nɛ e tsɔɔ wɔ bɔ nɛ Tsɛ ɔ ngɛ ha.

Somi He Ɔ

¹⁸ Mawu ɔp nɔ ko nɛ́ lɛ hyɛ; Bi kaketoo nɛ ngɛ Tsɛ o mi si ɔ, lɛ nɛ e ba je lɛ si ngɔ tsɔɔ paa.

Yohane 1:18 ပူးပေါင်းရင်းမြစ်များ

Mose I, 16:13

Hagar bi e he ke, “Anɛ i na Mawu niinɛ, nɛ ye hɛ ngɛ kɛ mwɔɔ lo?” Lɔ ɔ he ɔ, e tsɛ Yawɛ nɛ kɛ lɛ ba tu munyu ɔ ke, “Mawu nɛ hyɛɛ nɔ.”

Mose I, 18:33

Benɛ Yawɛ kɛ Abraham tu munyu gbe nya a, Yawɛ je e he, nɛ Abraham hu kpale kɛ ho we mi ya.

Mose II, 23:21

Moo bu lɛ, nɛ o nu e gbi, nɛ o ko tsɔ e hɛ mi atuã; ejakaa imi nɛ i tsɔ lɛ, nɛ e kɛ nyɛ tɔmi ɔmɛ be nyɛ pae.

Mose II, 24:10

nɛ a na Israel Mawu ɔ. Ngɛ e nane si ɔ, a na nɔ́ ko kaa kpoku nɛ e mi tɛ̃ heii kaa hiɔwe, kaa nɔ́ nɛ tɛ nɛ a tsɛɛ safiro ɔ nɛ a kɛ pee lɛ.

Abɛ Womi 8:30

I ngɛ e kasa nya kaa ga ní tsulɔ kpanaa, nɛ e bua jɔɔ ye he daa nɛ; i fiɛɔ ngɛ e hɛ mi be tsuaa be.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

Kɔmɔ Yemi 2:12

Benɛ a ngɛ awe nyae, nɛ a ngɛ a nyɛmɛ bie ke, “Jije wa ma na abolo ngɛ; jije wa ma na wai ngɛ ɔ” ɔ, a hɛliɔ kaa nihi nɛ plaa ngɛ ma a mi gbɛjegbɛ ɔmɛ a nɔ; nɛ a gboɔ ngɛ a nyɛmɛ a gugue mi.

Mose IV, 12:8

Lɛɛ i kɛ lɛ tuɔ munyu hɛ mi kɛ hɛ mi paa; se pi ngɛ abɛ gbi mi. Ye su nitsɛ po lɛɛ e na hyɛ. Mɛni he je mɔ nɛ nyɛ yi gbeye, nɛ nyɛ tu munyu kɛ si ye tsɔlɔ Mose?”

Mateo 11:27

“Tsaatsɛ tu níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ pɛ; nɔ ko nɔ ko li Tsɛ ɔ, ja Bi ɔ kɛkɛ, kɛ nihi nɛ Bi ɔ suɔ kaa e maa tsɔɔ mɛ Tsɛ ɔ.

Luka 10:22

“Tsaatsɛ ngɔ níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ, nɛ nɔ ko nɔ ko li Tsɛ ɔ, ja Bi ɔ, kɛ ni nɛmɛ nɛ Bi ɔ suɔ kaa e maa tsɔɔ mɛ Tsɛ ɔ.”

Yohane 1:14

Munyu ɔ ba plɛ adesa, nɛ e kɛ wɔ hi si. Dloomi kɛ anɔkuale hyi lɛ babauu. Wa na lɛ, nɛ a wo e hɛ mi nyami kaa lɛ pɛ ji Tsɛ ɔ Bi.

Yohane 12:41

Yesaya de enɛ ɔ, ejakaa e na Yesu hɛ mi nyami ɔ ngɛ e hɛ mi lokoo, nɛ e tu he munyu.

Yohane 13:23

E kaseli ɔmɛ a ti nɔ kake, nɔ nɛ Yesu suɔ lɛ ɔ, hii si ngɛ e kasa nya.

Yohane 14:9

Yesu he nɔ ke, “Filipo, be babauu nɛ i kɛ nyɛ hi si nɛ ɔ, kɛ pee kɛɛ nɛ o li mi ɔ? Nɔ tsuaa nɔ nɛ na mi ɔ, e na Tsɛ ɔ. Mɛni he je mɔ nɛ o deɔ ke ma tsɔɔ nyɛ Tsɛ ɔ?

Yohane 17:26

I ha nɛ a le mo, nɛ ma ya nɔ ma pee jã, konɛ á suɔ mi kaa bɔ nɛ o suɔ mi ɔ, nɛ imi hu ma hi a mi.”

Yohane 17:6

“Nihi tsuo nɛ o hla kɛ je je ɔ mi nɛ o tu ngɔ wo ye dɛ mi ɔ, i ha nɛ a na o hɛ mi nyami ɔ. O nihi ji mɛ, nɛ o tu mɛ ngɔ wo ye dɛ mi. O munyu ɔ nɛ i kɛ ba ha mɛ ɔ, a ye nɔ.

Yohane 3:11

I ngɛ mo dee anɔkuale mi ke wɔɔ lɛɛ nɔ́ nɛ wa le ɔ, lɔ ɔ wa deɔ, nɛ wa yeɔ nɔ́ nɛ wa na a he odase. Se nyɛ sume nɛ nyɛɛ ngɔ munyu nɛ wa fiɛ ha nyɛ ɔ.

Yohane 6:46

Se enɛ ɔ tsɔɔ we kaa nɔ ko na Tsɛ ɔ hyɛ; ja imi nɛ i je Mawu ngɔ ɔ, imi pɛ nɛ i na lɛ.

2 Korintobi 4:4

A he we sane kpakpa a yi, ejakaa je nɛ ɔ mi mawu ɔ yu a mumi mi hɛngmɛ; nɛ la nɛ ngɛ kpɛe ngɛ a nɔ ɔ, a nɛ. Sane kpakpa a nɛ woɔ Kristo hɛ mi nyami ɔ, la nɛ ɔ nɛ ngɛ lɛ gbɛe kɛ ngɛ fĩae. Kristo ɔ, e kɛ Mawu hɛɛ su kake.

Mose V, 4:12

Jehanɛ, nyɛ de mɛ bɔ nɛ Yawɛ kɛ nyɛ tu munyu kɛ je la a mi. Nyɛ nu munyu ɔmɛ, se nyɛ nɛ́ lɛ nitsɛ e su ko kulaa; gbi ɔ kɛkɛ nɛ nyɛ nu nɛ ngɛ munyu ɔmɛ tue.

Kolosebi 1:15

Kristo ji Mawu nɛ a nɛ́ lɛ ɔ subai nɛ a naa. Lɛ ji nibɔ níhi tsuo a kpɛti tɛte.

1 Timoteo 1:17

Mawu kake too, Neneene Matsɛ, nɔ nɛ ngɛ daa nɛ a nɛ lɛ ɔ, a je e yi, nɛ a wo e hɛ mi nyami kɛ ya neneene! Amen.

1 Timoteo 6:16

Lɛ nɔ kake pɛ ji nɔ nɛ ngɛ daa nɛ e be gboe gblegbleegble; nɛ la nɛ nɔ ko nɔ ko be nyɛe maa hɛ lɛ kɛ su he ɔ bɔle lɛ kɛ kpe. Nɔmlɔ adesa ko adesa ko nɛ́ lɛ hyɛ, nɛ adesa ko be nyɛe maa na lɛ hulɔ. A je e yi daa; e maa ye tsɛ kɛ maa ya neneene! Amen.

Yoshua 5:13

Benɛ Yoshua su Yeriko haa nɛ e wo e yi nɔ ɔ, e na nyumu ko nɛ hɛɛ klaate kɛ daa si ngɛ e hɛ mi. Yoshua ya e ngɔ nɛ e ya bi lɛ ke, “Wa nɔ ji mo, loo wa he nyɛlɔ ji mo?”

1 Yohane 4:12

Mawu ɔ, nɔ ko nɛ lɛ hyɛ. Se ke wa suɔ wa sibi ɔ, Mawu hii wa mi, nɛ suɔmi nɛ e ngɛ kɛ ha wɔ ɔ mi waa.

1 Yohane 4:20

Ke nɔ ko ke e suɔ Mawu, se e nyɛɛ e nyɛmi ɔ, lakpatsɛ ji lɛ. Ejakaa nɔ nɛ sume e nyɛmi nɛ e naa kɛ hɛngmɛ ɔ, kɛ e maa pee kɛɛ nɛ e maa suɔ Mawu nɛ e nɛ ɔ.

1 Yohane 4:9

Blɔ nɔ nɛ Mawu gu kɛ je e suɔmi ɔ kpo kɛ tsɔɔ wɔ ji nɛ ɔ nɛ: e tsɔ e Bi kake too ɔ kɛ ba je ɔ mi, konɛ kɛ gu e Bi ɔ nɔ ɔ, wa na wami.

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.