Yohane 1:15 - BAIBLO ALOO NGMAMI KLƆUKLƆU Ɔ

¹⁵ Yohane ye e he odase. E kɛ ngmlaa de ke, “Nɔmlɔ nɛ ɔ he munyu nɛ i tu ke, ‘Nɔ ko ma ngɛ ye se; se e pã mi, ejakaa e ngɛ loko i ngɛ’ ɔ nɛ.”

Somi He Ɔ

¹⁵ Yohane ye e he odase nɛ e kpa ngmlaa ke: “Nɔ nɛ ɔ ji nɔ nɛ i ngɛ dee ngɛ e he ke: ‘Nɔ nɛ ma ngɛ ye se ɔ, e pa mi’ ejakaa e ngɛ loko i ngɛ.”

Yohane 1:15 ပူးပေါင်းရင်းမြစ်များ

Abɛ Womi 8:22

“Imi nile lɛ Yawɛ bɔ kekleekle; e bɔ mi loko e je e ní tsumi ɔmɛ a sisi blema lokoo.

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Mateo 3:11

Imi lɛɛ nyu i kɛ ngɛ nyɛ sɔlee kɛ tsɔɔ kaa nyɛ tsake nyɛ tsui. Se nɔ nɛ ma ngɛ ye se ɔ, Mumi Klɔuklɔu ɔ, kɛ la e kɛ ma tsu nɔ nɛ ɔ. Lɛɛ e pe mi; e tokota tete po, i sɛ nɔ nɛ hɛɛɔ.

Marko 1:7

E fiɛ ha ni ɔmɛ ke, “Nɔ nɛ ma ngɛ ye se ɔ kle kulaa pe mi; e tokota nya kpa tete po i sɛ nɔ nɛ kplaa si nɛ e pɛneɔ.

Luka 3:16

Lɔ ɔ he ɔ, Yohane de mɛ ke, “Imi lɛɛ nyu nɛ i kɛ ngɛ nyɛ sɔlee, se nɔ ko ma ngɛ ye se nɛ pe mi, nɛ i sɛ kaa i pɛneɔ e tokota nya kpa po. Lɛɛ Mumi Klɔuklɔu, kɛ la nɛ e kɛ maa sɔle nyɛ.

Yohane 1:27

I sɛ e hlami kɛ ba mohu, se i sɛ nɔ nɛ pɛneɔ e tokota nya kpa tete po.”

Yohane 17:5

Tsaatsɛ, ha nɛ ye hɛ mi nɛ ba nyami amlɔ nɛ ɔ kaa bɔ nɛ i ngɛ momo ngɛ o hɛ mi benɛ a na we nɛ a bɔ je ɔ.

Yohane 8:58

Yesu he nɔ ke, “I ngɛ nyɛ dee anɔkuale mi ke i ngɛ loko a fɔ Abraham.”

Kolosebi 1:17

Kristo ngɛ loko a bɔ níhi tsuo, nɛ lɛ nɛ ha nɛ níhi tsuo ngɛ a hanɔ pɛpɛɛpɛ.

Hebribi 13:8

Yesu Kristo ɔ, bɔ nɛ e ngɛ hiɛ ɔ, ja nɔuu e ngɛ mwɔnɛ ɔ; nɛ e ngɛ ja nɔuu kɛ yaa neneene.

Kpojemi 1:11

Gbi ɔ de ke, “Ngmaa nɔ́ nɛ o na a ngɔ wo womi mi, nɛ o kɛ mane asafohi nɛ ngɛ ma kpaago nɛ ɔmɛ a mi: Efeso, Smirna, Pergamo, Tiatira, Sarde, Filadelfia, kɛ Laodikea.”

Kpojemi 2:8

Nɛ e de ke, “Bɔfo ɔ nɛ ngɛ asafo ɔ nya ngɛ Smirna a, ngmaa womi nɛ ɔ ya ha lɛ ke, “Sɛ gbi nɛ je nɔ nɛ ji kekleekle no kɛ nyagbe no ɔ ngɔ ji nɛ ɔ nɛ; e gbo, nɛ e kpale ba wami mi ekohu.