Yohane 1:12 - BAIBLO ALOO NGMAMI KLƆUKLƆU Ɔ

¹² Se nihi tsuo nɛ he lɛ atuu, nɛ a he lɛ ye ɔ, e ha mɛ blɔ nya kaa a ba pee Mawu bimɛ.

Somi He Ɔ

¹² Se nihi abɔ nɛ he lɛ ɔ, nihi nɛ heɔ e biɛ ɔ nɔ ye ɔ, e ha mɛ he blɔ kaa a pee Mawu bimɛ,

Yohane 1:12 ပူးပေါင်းရင်းမြစ်များ

Samuel II, 7:24

O to o ma Israel sisi, nɛ o ngɔ lɛ ngɔ pee mo nitsɛ o ma kɛ yaa neneene. Nɛ mo, Yawɛ o ba pee a Mawu.

Yesaya 56:5

ye ma a ma kai o biɛ ngɛ ye we ɔ pe binyumuhi, loo biyihi nɛ o ngɛ po. Ma ha mo biɛ kpakpa nɛ a ma kai kɛ maa ya neneene.”

Yeremia 3:19

Yawɛ ke, “Israel, jinɛ i susu kaa e maa pee fɛu ke i ngɔ mo ba piɛ ye bimɛ ɔmɛ a he ngɛ hiɛ ɔ. I to nɛ ma ha mo zugba saminyayoo ko, zugba nɛ ngɛ fɛu pe kulaa ngɛ je ɔ mi. I hyɛ blɔ kaa o ma tsɛ mi ke ‘Tsaatsɛ’, nɛ i susu kaa o pa be ye hɛ mi atuã tsɔe hu.

Hosea 1:10

Israel bi a he ma ba hiɛ babauu kaa wo nya zia, nɛ nɔ ko be nyɛe maa kane mɛ; nɔ ko nɔ ko be nyɛe maa kale a yibɔ. Amlɔ nɛ ɔ, Mawu ngɛ mɛ dee ke, “Pi ye ma ji nyɛ”; se be ma nɛ e ma de mɛ ke, “Imi Mawu hɛ ngmengmletsɛ ɔ, ye bimɛ ji nyɛ!”

Mateo 10:40

“Nɔ tsuaa nɔ nɛ heɔ nyɛ ɔ, imi e ngɛ hee ɔ nɛ; nɛ nɔ nɛ heɔ mi ɔ, nɔ nɛ tsɔ mi ɔ lɛ e ngɛ hee ɔ nɛ.

Mateo 12:21

Nɛ ma je li tsuo maa ngɔ a hɛ kɛ fɔ e nɔ.”

Mateo 18:5

Nɛ nɔ tsuaa nɔ nɛ heɔ jokuɛyo kaa kikɛ nɛ ɔ ngɛ ye biɛ mi ɔ, imi e he ɔ nɛ.

Yohane 1:11

E ba lɛ nitsɛ e ma mi, se e ma mi bi ɔmɛ he we lɛ.

Yohane 1:7

E ba nɛ e ba ye la a he odase ha nimli adesahi, konɛ mɛ tsuo a he ye.

Yohane 11:52

Pohu pi ma a nane mi kɛkɛ, se e ma bua Mawu bimɛ tsuo nɛ gbɛ fĩa hu a nya kɛ pee kake.

Yohane 2:23

Yesu hi Yerusalem Hetsɔmi nyami be ɔ tsuo. E pee okadihi babauu, nɛ nihi tsuo nɛ na a, a he lɛ ye.

Yohane 20:31

Se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu Bi ɔ. Nɛ ke nyɛ he lɛ ye ɔ, nyɛ yi ma na wami.

Yohane 3:18

Nɔ tsuaa nɔ nɛ heɔ Mawu Bi ɔ yeɔ ɔ, a be lɛ fɔ bue; se nɔ nɛ he we yi ɔ, a bu lɛ fɔ momo; ejakaa e he we Mawu Bi kake too ɔ yi.

Ni Tsumi 3:16

E he wami nya nɛ a tsa glɔtsɛ nɛ ɔ nɛ. Nɔ́ nɛ nyɛ ngɛ hyɛe, kɛ nɔ́ nɛ nyɛ ná le nɛ ɔ, a nyɛ́ pee akɛnɛ a heɔ lɛ yeɔ. E he Yesu ye, lɔ ɔ he nɛ e na he wami kaa bɔ nɛ nyɛ tsuo nyɛ ngɛ hyɛe ɔ nɛ.

Romabi 8:14

Ejakaa nihi abɔ nɛ Mawu mumi ɔ tsɔɔ mɛ blɔ ɔ, mɛ ji Mawu bimɛ.

Romabi 8:16

Mawu mumi ɔ nitsɛ kɛ wɔ hu wa mumi ɔ yeɔ odase kaa Mawu bimɛ ji wɔ.

Romabi 8:19

Adebɔ níhi tsuo to a tsui si kɛ ngɛ blɔ hyɛe wawɛɛ kaa Mawu ma ha nɛ a na e bimɛ nitsɛnitsɛmɛ ɔmɛ.

Galatabi 3:26

Nɛ nyɛ he Kristo Yesu ye, nɛ nyɛ ngɛ e mi ɔ, lɔ ɔ ha nɛ nyɛ peeɔ Mawu bimɛ.

Galatabi 4:6

Mawu suɔ kaa e maa tsɔɔ nyɛ kaa e bimɛ ji nyɛ, lɔ ɔ he ɔ, e tsɔ e bi ɔ mumi ɔ kɛ ba wa tsui mi. Kɛkɛ ɔ, wa ma nyɛ ma de anɔkuale mi ke, “Mawu, wa tsɛ ji mo.”

Kolosebi 2:6

Akɛnɛ nyɛ he Kristo Yesu kaa nyɛ Nyɔmtsɛ ɔ, nyɛɛ ya nɔ nyɛɛ kɛ lɛ nɛ pee kake.

2 Petro 1:4

E ha wɔ nike ní nguanguahi nɛ a he jua wa, kaa bɔ nɛ e wo si ɔ. Kɛ gu nike ní nɛ ɔmɛ a nɔ ɔ, nyɛ maa tu je nɛ ɔ mi akɔnɔ níhi nɛ kpataa nɔ hɛ mi ɔ a nya fo, konɛ nyɛ na lɛ Mawu ɔ e su ɔ eko.

1 Yohane 3:1

Nyɛɛ hyɛ suɔmi sɔuu nɛ Tsɛ ɔ ngɛ kɛ ha wɔ, kaa e ma tsɛ wɔ e bimɛ; niinɛ Mawu bimɛ ji wɔ. Enɛ ɔ he ɔ, je ɔ li wɔ, ejakaa lɛ Mawu ɔ nitsɛ hu je ɔ li lɛ.

1 Yohane 3:10

Slɔɔto titli nɛ ngɛ Mawu bimɛ, kɛ Abosiami bimɛ a kpɛti ji nɛ ɔ nɛ. Nɔ tsuaa nɔ nɛ pee we nɔ́ nɛ da, aloo nɔ nɛ sume e nyɛmi ɔ, pi Mawu bi ji lɛ.

1 Yohane 3:2

Ye nyɛmimɛ nɛ i suɔ, amlɔ nɛ ɔ, Mawu bimɛ ji wɔ, se bɔ nɛ wa ma plɛ hwɔɔ se ɔ, lɔ ɔ lɛɛ wa li lolo. Nɔ́ nɛ wa le kɛkɛ ji kaa ke Kristo je e he kpo ɔ, wa maa hi kaa lɛ; ejakaa wa maa na lɛ paa kaa bɔ nɛ e ngɛ ɔ tutuutu.

1 Yohane 3:23

Nɔ́ nɛ e fa wɔ ke waa pee ji kaa wa he e Bi Yesu Kristo waa ye, nɛ waa suɔ wa sibi kaa bɔ nɛ Kristo fa wɔ ɔ.