“Tsaatsɛ tu níhi tsuo ngɔ wo ye dɛ mi. Nɔ ko nɔ ko li Bi ɔ, ja Tsɛ ɔ pɛ; nɔ ko nɔ ko li Tsɛ ɔ, ja Bi ɔ kɛkɛ, kɛ nihi nɛ Bi ɔ suɔ kaa e maa tsɔɔ mɛ Tsɛ ɔ.
Se kɛ̃ ɔ, e peeɔ kpakpa nɛ e kɛ tsɔɔ kaa lɛ ji Mawu niinɛ; e haa hiɔmi nɛɛ kɛ jee hiɔwe kɛ haa nyɛ, nɛ nyɛ kpaa ní babauu ngɛ be nɛ sa mi. E haa nyɛ niye ní, nɛ nyɛ bua jɔɔ saminya.”
Mawu ngɔ e nile ɔ kɛ tsi adesa blɔ, konɛ adesa kó nyɛ nɛ e gu lɛɛ e ní lemi nɔ kɛ le Mawu. Se mohu ɔ, sɛ gbi ɔ nɛ wa ngɛ fiɛe nɛ nihi buu kaa kuasiahi a sane ɔ, Mawu to kaa e kɛ ma he ni nɛmɛ nɛ heɔ yeɔ ɔ a yi wami.
Ejakaa e nɔ lɛ Mawu gu kɛ bɔ nɔ́ tsuaa nɔ́ ngɛ hiɔwe kɛ zugba, níhi nɛ a naa, kɛ ní nɛmɛ nɛ a nɛ́. Ekomɛ ji nihi nɛ ngɛ he wami nɛ a kojoɔ nihi, nihi a nɔ yeli, kɛ nihi nɛ hɛɛ he wami kpahi. Mawu gu Kristo nɔ kɛ bɔ níhi tsuo, nɛ Kristo nɔuu a bɔ mɛ ha.
Nyɛɛ hyɛ suɔmi sɔuu nɛ Tsɛ ɔ ngɛ kɛ ha wɔ, kaa e ma tsɛ wɔ e bimɛ; niinɛ Mawu bimɛ ji wɔ. Enɛ ɔ he ɔ, je ɔ li wɔ, ejakaa lɛ Mawu ɔ nitsɛ hu je ɔ li lɛ.